اول مره أسافر المغرب و وحداني أرجو إفادتي

شكراً على ردك
السفرية راح تكون اعلى مستوى زي مايقولون سافر على سنع والا لا تسافر
يعني لازم سكان ممتاز سهر ممتاز بالنسبة الاكل من متعة السفر انك تحرب اكل أهل الديرة الي انتي رايح لها.. فالنسبة لي انا مسافر استمتع يعني كل شي لازم يقولون على اعلى مستوى

أيضا أعلى مستوى تختلف من شخص لآخر .. فيه ناس أعلى مستوى يصرف بالبيت 5000 درهم ومبسوط للآخر وفيه ناس أعلى مستوى عندها تصرف باليوم 20000 ألف (عشرين ألف) درهم.

لكن أشرح لك تاخذ سيارة من المطار وعلى طول مباشرة تروح على أغادير بدون ما تجلس دقيقة بكازا، وتسكن بخليج أغادير 4 أيام ومن ثم تروح مراكش تاخذ لك غرفة بأحد المنتجعات المعروفة وتجلس يومين وآخر يوم خلك بكازا .
المطاعم الوضع سهل إذا مشيت بتعرف المطاعم الكويسة من كم موضوع بالمنتدى سواء الأكل المغربي أو غيره ..

أهم شيء البلد جميل وممتع ويبي له واحد راكد وموب مستعجل ولا تدفع حق الشي قبل تاخذه والفنادق حاسب كل يوم بيومه وحاول هالمرة تحاول تكتشف أكثر من انك تنبسط لأن مستحيل تعرف كل شي وتبي برنامج متكامل من أول سفرة .. لكن لما تحط في بالك إنك بتكتشف البلد وتتعرف عليه يكون وضعك أفضل وتقدر توفر صح ومحد يستغلك عكس لما تكون مطفوق وتبي كل شيء .

الله يعطيك العافية ياغالي
طيب بعد معلوماتكم و معلومات الشباب القيمة
لنفترض السفرية راح تكون ٧ أيام
وراح اسكن في صحارى بحكم سعره المعقول و سمعته
و نقول راح أسهر بطاوله كل يوم و طيرك معك
و الاكل و الشرب زي منت عارف وجبه فاليوم
هل ١٦ الف تكفي سكن و تذاكر و مصروف هناك ؟

تكفي وزيادة إذا محد استغلك وفتحت عيونك .. يعني لو واحد خبير بالوضع يمكن يكفيه 10 الاف .. لكن أنت بحكم أنها أول مرة أتوقع 2000 تذاكر و14000 مصاريف مقبولة جدا ..

تسلم ياغالي على حسن أخلاقك
هل سبق و زرت اغادير؟
ممكن تعطيني جدولك و انطباعك عنها للاستفادة منه

السلام عليكم
يا شباب أنا دخت وانا ابحث عن سكن مناسب للامانة
قريت مواضيع في الموقع من عام ٢٠١٣ الى اخر موضوع٢٠١٩
اكتشفت ان السكن مشكلة في اغادير. أغلب الأمور استوعبتها
وفهمتها ماعدا موضوع السكن.. تكفون دلوني على افضل مكان
فندق بوتيك ممتاز جداً لكن مبالغ في سعره صحارى ممتاز لكن الناس أرئ
الناس مختلفة بين مؤيد و بين رافض..
الي جاي قريب منها ويقدر يفيدني ياليت ما يبخل علي بفندق مريح وامن و أخذ راحتي
و بدون اي وجع راس.
في انتظار ردودكم
شكراً????????❤️

في هذا الموضوع ردود و اجوبه وافية

رد السائح المثالي 2 وضع لك نقاط مهمة في اخر السطور تدل على خبره و معرفة .. لك وره يا مثالي , رد مشعل اختصر لكل الوضع وكفى , رد lazez سجله عندك في الملاحظات
توضيح الاسعار التقريبية و تحديثها اول بأول وذكرها حتى يكون السائح على معرفة بكذا عاد يبقى دورك انت ايها المسافر .. ما قصرتم


ولكن السؤال المُهم ليه : 16 الف في أسبوع وأنت لوحدك !!

صدقت الشباب ماقصرو و نصائحهم فعلا كانت مفيدة جداً
١٦ الف تشوفها قليلة او كثيرة؟
لان حسبت حسبه سريعه مابين سكن و اكل و شرب و مقناص فقلت ١٦ الف
هل تشوفها كثيرة؟. وإذا كثيرة أرجو إفادتي بالمصاريف اليومية لشخص طبيعي بالنسبة للسهر و الصيد و طلعات عادية يعني.