المغرب ارخص مما تتوقعون !!!!!

موضوع الميزانية مستحيل أحد يقدر يحدده لك وتعتمد على حسب جو الشخص وقدرته المالية .
فيه ناس تسكن بشقق ب300 درهم الليله وفيه ناس تسكن ممكن ب15000 درهم الليله وفيه ناس تدخل السهرة تكت ب200 درهم وفيه ناس تدفع لطاولة 10 الاف درهم والسيارة ممكن تاخذ سيارة ب250 درهم وممكن تاخذ ب آلاف الدراهم
فعشان كذا مستحيل تعتمد على مصاريف غيرك.

بالنسبة لي عارف ومتأكد يابو الفراسه المغرب مو غالي لكن حقون الهياط والرش والحوالات دبلوا الأسعار اضعاف كثيرة* على فكرة يعجبوني غالبية القصمان والعمانيين في ضبط المصاريف * صرف معقول يجب يكون بين ٢٠٠ الى ٤٠٠ دولار مافيه شيء يستدعي دفع الف او الفين دولار باليوم الا ادا كنت كاش وتبي تبان

ترا مو ضروري تكون انت الصح والباقي كلهم غلط .
وبالنسبة لنقطة ضبط المصاريف عند القصمان والعمانيين بصراحة مدري عن ال٢٠٠ دولار حقتك وش خليت لهم اجل انت !!!!
٢٠٠ دولار والله ماتكفيك ولا بشرق آسيا

اها تقلي ٢٠٠دولار ماتكفي بشرق اسيا وكمان تحلف !!

نورني يابيل غيتس كم تكفي تايلند ميزانية لليوم الواحد ؟!

ما ابغا اتفلسف
لكن انا صرفت 250 دولار في اليوم يعني تقريبا 1000 ريال في اليوم
انا مااحب الديسكوهات ولارحتها وكنت اسهر في الغرفة
وانبسطت على الاخر
وفي النهاية تعتمد على الموسم برضو وفي اللي تدفع اكتر من كده بكثير بدون هياط لانها ماتعرف تتعامل وفي المهايطين حبايبنا
تقبلوا مشاركتي ومروري

أولآ خلنا نرتقي بالنقاش شوي
سبق وقلت لك ان مو شرط اللي تسويه انت صح والباقي كلهم خطأ
وأنا يوم قلت ٢٠٠ دولار ماتكفيك ولا بشرق آسيا كونك تكلمت عن اخواننا القصمان والعمانيين فعشان كذا انا قلت انت وش خليت لهم . اذا بتحجز سويت في فندق رافلز في جاكرتا ليلته لاتقل عن ٤٥٠ دولار يعني اكثر من دبل المبلغ اللي ذكرته . وفي بالي في كذا منتجع يتعدى هالمبلغ بكثير .
ثانيآ أساس الميزانيه في السفرة يعتمد على السكن والسهر .

السفر عبارة عن ترفيه عن النفس وتعيش بمستوى مقارب لمعيشتك ببلدك أو افضل شوي أما بروح واضرب مشوار وبالأخير بحرم نفسي عشان مااصرف واجد فعساي ماسافرت.

كما يقال في الأبحاث العلمية أنت قدمت آبستراكت abstract كامل للمغرب من حيث: المطاعم والسهر والتمشية والترفيه والمواصلات وميزانيات بحديها الأدني والأعلى

أرفع القبعة احترام وتقدير وإعجاب بالموضوع وعلى الطرح الراقي
الحقيقة التقرير كله على بعضه يعتبر دليل guideline لمن أراد السياحة في المغرب

بالنسبة للميزانية مسسستحيل أحد يحددها مسسسستحيل


اولا / ماراح تقصر على نفسك لانك طالع اجازة وتبي تنبسط .

ثانيا / تخطط على شيء وفجأه تقلب التخطيط على شيء ثاني ( وهذي تصير غالباً )

ثالثاً / مستحيل شخص يحدد لك ميزانيتك او انت تحدد ميزانيته لإختلاف التخطيطات او اختلاف الاجواء .


وبالنسبة للناس الي تحدد لغيرها ميزانية
أفيدونا ترا من 2008 وحنا نروح بمبلغ ونصرف اكثر منه ومرات العكس نروح بمبلغ ونرجع باقي منه.


ونكون صريحين وواقعيين فيه ناس تعطي اكراميات للي يشتغلون من انفسهم وانا منهم وفيه ناس لا هذي تفرق بميزانية الشخص ، لاتستهين بالمبلغ الي تكرم فيه لو تجمعه بكامل الرحله يعتبر صرفك للاكراميات 3000 ريال واكثر .

وفيه ناس تروح للمأمونية و السعدي ، وهنا اتحداكم تحددون ميزانيه .


لذلك انا من وجهة نظري اذا انت طالع بميزانيه محدده بمعنى ، انك طالع معاك 10 الاف ريال غير السكن والسهر والتذكر
وماعندك غير هالـ10 الاف هنا لازم يكون فيه تحفّظ لصرفك .

اما الي محدد 10 الاف ريال وعنده مبلغ اضافي حاطه بحسابه ف هذا ماعنده اي مشكلة بالميزانيه .




عموماً موضوع الصرف والمبالغ والميزانية موضوع طووويل جداً وماتقدر تحدد لغيرك ميزانيته او غيرك يحدد لك الميزانية .

وخصوصاً للي اول مره يسافرون او ثاني مره .

اما للي يسافرون بالسنه مرتين ومن قديم ف اتوقع بيكون عارف جوّه وميزانيته .

__________________
اشتقت للمغــرب وانــا تونــي جــاي ==== الله يصبرني علـى نار شوقي

ياللي تريد ادواي في المغرب ادواي ==== رح بـي لعله ينطلق فيه عوقي

لـي صـافحت مجـهـول يمنـاه يمـناي ==== ينساق تيار الهوى في عروقي

و اسمــع حـديثه نـاعــم كــنه النــاي ==== علـى يمينه ينتثر الدمع مــوقي

و مع الشـكـر واقـول له انت مـولاي ==== احكـم و دبرني على ما يروقي

فـي سيرة الأشــواق ممشاي ممشاي ==== و في خاتمتنا ما نراهـا يعـوقي

ما فيه شيء مستحيل
اذا الاسعار معروفة للمسافر وعرف ان هناك اختلاف في ايام المواسم بنسبة للأسعار و ربما تضاعف و ادرك ذلك
اين المستحيل وأنت مصر على المستحيل ؟
يجب ان تكون هناك توعية اذا عرفت قيمة السكن و السيارة و الطاولة ومعدل قيمة الاسعار في المطاعم و النقل , وين المستحيل ؟؟
هذه اهم الاساسيات في السفر بعد الامن في إي بلاد العالم
المصاريف الاخرى ليس لنا فيها دخل جعلك تسهر و تصرف عشر الالف دولار باليوم
المنتدى لكل يشاهده من السمسار الى صاحب الشقة فليس هناك مستحيل يا احباب الموضوع فيه تجربه و حقائق موجعة للبعض
مثال : بسيط
ايجار السيارة هنا 240 لو تبحث تجد باقل من 200
يجب على الجميع ان يكون حذر و واعي ولك حرية الاختيار فانت ليس ملزوم باحد
و سلامتكم

عفوا اخوي اذا تخبر بمراكش اقل من 220درهم علمني بالخاص انا اعرف مراكش زين ماحصلت باقل من 250لكن لو عندك علمني بالخاص