مسافر لاغادير وابي الفزعة

السلام عليكم .. انا وخويي انشالله مسافرين لاغادير بشهر واحد الجاي وهذي اول مرة بروح. لاغادير .. بغيت مساعدتكم اذا تعرفون شقق فندقية حلوة وراقية ونظيفه ولافيها استغلال وآمنه ... وبغيت اعرف هل فيها رحلات مباشرة من الدمام لاغادير ... وانا للحين ماحجزت ولاسويت شي ابغا فزعتك يالمزاعيط ضبطوني.

عليكم السلام طيران مباشر من السعوديه للمغرب ما فيه الا من الرياض وجدة فقط
وللدار البيضاء فقط
تحتاج ترانزيت مرتين من الدمام لرياض اوجدة
ومن المغرب الدار البيضاء إلى اكادير
اغلب الشقق في اكادير نظيفه وامان
إذا حجزت عن طريق مكاتب معتمده

__________________
ليت لي من عناء البعد راحه
يابهجة الخاطر وكثر الأمنيات

الله لايهينك ... وننتظر باقي المزاعيط

ابد اغادير تساهيل مافي رحله مباشره لاغادير الا الطيران الاوربي. غيره تنزل مطار كازا ومنها ترانزيت لاغادير توصل حسب طيران اللي تختار فنت . انت وخويك اغادير صغيره وموتركم اهم شي تستاجرونه من مطار المسيره والى المارينا مكتبهم معروف حوالين اليخوت ومكتب جنب سكاي وشوف الشقه اللي تناسبك وممكن تستاجر فخليج اغادير غرفتين جنب بعض او جناحين حسب امكانياتكم الفندق ممتاز وحواليه كل شي والخيار لكم واتفق وكاسر ورحله سعيده

امورك طيبه ولانزيد على كلام الخبراء. بالتوفيق

لاهنتم وبيض الله وجيهكم ... طيب بخصوص الفلوس .. هل صرافة الراجحي تسحب بالمغرب واذا تسحب كم اعلى شي تسحبه ... وهل يفضل اخذ كاش معي?

ايه خذ ميزانية السفر كاش أو حولها باسمك اللي بالباسبورت على بنك وفاكاش عبر تحويلات اونلاين أو كويك باي أو ميني جرام أو ويسترنيون واستلمها إذا وصلت المطار من فرع البنك فيه وافتح حساب ويعطونك كرت صراف من وفاكاش الي للسحب النقدي والدفع عند المحاسبه شبكة مغربيه
صرافة الراجحي تسحب لكن يأخذون عموله ونسبه
خلها للاحتياط فقط ولضرورة

__________________
ليت لي من عناء البعد راحه
يابهجة الخاطر وكثر الأمنيات

عطاك المختصر المفيد شاعر كازا
وانتبه ترا الراجحي بعض الاحيان تتوهق فيها في بعض الأماكن

خذ فلوسك معك كاش افضل واريح
وحولها عند وفاء بانك وافتح حسابك

لاهنتو يالمزاعيط وفيتو وكفيتو