شباب دفعت للعسكري مية ريال عشان يختم جوازي

السلام عليكم
اسعد الله صباحكم ومسائكم اينما كنتم
نزلت الموضوع وبالعنوان الرنان لكي اجذبكم لما رأيته امامي وحصل معي شخصياً
اغلب شباب الخليج عند وصوله لاي مطار في اي دولة خاصة عربية تجده يدفع لعسكري الجوازات او مفتش الجمارك او حتى اللي يسلم عليه وتجد لديهم العسكر الجرأة خاصة عندما يعلمون من ملامح وجهك انك خليجي يقولك وبكل وقاحة ماتدفع ياجميل ولكن عند اي جنسية اخرى لايتجرئ حتى الطلب والسبب ليه لان شبابنا ماعنده الجرأة يقوله لا وكأنه اذا قاله لا بينسجن كأنه جاي ومعه ممنوعات الدنيا وخايف ينمسك
ياهوووه تعطيه ليه ؟!!
انت قاعد تضرنا كذا بسبب هالشباب صار الكل يتجرأ علينا ويشوف هذا دفيع جاد
انا وصاحبي نزلنا عند الجوازات وطلبني فلوس رفعت صوتي قلت ماعليش ممنوع اعطيك رشوة والله ان وجهه تغير وتقلب لونه وختم على طول بس يبيني امشي مايبي حتى يطالع فيني
اخواني ارجوكم رجاء خاص المنتدى هذا كتبت فيه الكلام لانه يعتبر منصتنا ونار على علم للمسافرين للمغرب اكرشوووهم لحد يطعيهم استغلال قسم بالله يفشل ليش هل نحن ضعاف شخصية لكي يتجرؤن معنا بهالطريقة وانا اشوف برضو فيه شباب لهم باع طويل في السفر اطرف عسكري يخمه اجتهدو معنا ياخوان كل من يقرى معي هالموضوع ارجوك رجاء خاص انك تغير نظرة الباقين فينا وارفض تعطي اي احد حاجة
هذا اللي عندي واتمنى سفرات سعيدة لكم باذن الله