مزعوط جديد ويبي استشارتكم يا مزاعيط

لا نقبل التهويل على المسافر قطعياً
انت تقول عندنا .. عندنا .. عندنا يعنى اذا الاجازة عندك ترتفع الاسعار في دولة اخرى , عجيب امرك ؟؟
حتى الاشخاص يعرفون وقت اجازاتكم
من السبب بذلك حتى ادق التفاصيل عندهم ؟؟
ليس هناك تناقض بما قلت الطبيعي في جميع دول العالم وقت المواسم السياحية ترتفع الاسعار و نقطة مهم في السفر اختيار اوقات الركود السياحي لأجل الفرص احسن و اقل تكلفة و كل مسافر له حرية الاختيار وما شاركنا و طرحنا الاراء الا لفائدة الاعضاء من نصب السماسرة و من وكالة يقولون ؟؟؟

ايوه طبيعي في دول العالم وقت المواسم ترتفع الأسعار يعني مثلا في الصيف وقت إجازات الطلاب والموظفين وهو وقت السفر لأغلب السياح من دول العالم وليس عندنا فقط لا تهويل ولا تخويف الرجال اول مره يروح واتمنى يصرف اقل من ميزانيته اللي ذكر.... لكن التنظير والكلام الزايد وتبسيط الأمور للمسافر اول مره يطلع فيها نوع من الخدعه وتمرير شي بالنفس ياعاقل متوسط الصرف اليومي تقريبا ١٥٠٠ ريال. هناك للي بيرفه عن نفسه بشكل غير مبالغ فيه احسبها يا فيلسوف وشف كم تطلع بأسبوع وخلك ولاحظ انه بيروح مراكش واغادير لا تغرر بالرجال مبلغه طيب لو بس اكل وسكن وتماشي ومعروف ان اللي يروح لحاله صرفيته تزيد شوي... وموضوع الصرف يختلف من شخص لشخص ياخي هاذي سفرته الأولى اقل شي انصحه يأمن نفسه بمبلغ زايد لا يصرفه بس احتياط لنفسه وللضروف.. بعدين وكاله يقولون مثبته هنا بالمنتدى بتجارب الشباب والناس اللي سافرو وجربو... مسأله عندنا عندنا وكلامك مايبي لها فطنه يالذكي. الصيف يعتبر موسم ترفيه واجازات عند الكل سواء بالمغرب ولا اي مكان آخر والمغرب بلد سياحي ماهو انت لحالك ولا خوينا صاحب الموضوع بس اللي بيسافرون للمغرب خصوصا وقت الإجازات بالصيف يالمتعافي

وقت الاجازات واسال مجرب دايم سرداحي مرداحي لدبي وقت الاجازات تزيد المصروفات ٥٠٪؜ عن وقت اللي مافيه اجازات ومرة وحدة صارت لي ومعي عيالي يا صرفت صرف ماهو طبيعي ولاني مصدق اني صرفت المبلغ ذا اسبوع ونص صارف ٢٦ الف ريال ولا بعد اشوف نفسي مقصر مع ورعاني بعد وعقبها توبة يمدحون مكة عمرة والمدينة زيادة و الهدا والردف وكورنيش جدة وقت الاجازة

الله يوفقك وتستمتع بسفرتك واتمنى بعد ماترجع بالسلامه تعطينا تجربتك هنا بالمنتدى ليستفيد الجميع َوالمعذرة تداخلت كثير بموضوعك لكن يعلم الله من حرص على أن الصوره تكون واضحه لك من كل الأمور وبالتوفيق لك ولجميع الاخوان

وياك يا ابــو الفن

لي تقرير ان شاء الله كامل مفصل بالصور ان شاء الله
وأتمنى من الجميع يفيدنا اكثر وأعطونا تجاربكم


قريت تقارير كثيرة ونصائح الأغلب بنسبة ٧٠٪؜ يقولي وجه لاغادير
وفيه من قال نصيحة تبي تفلها وتنبسط روح اغادير لان مراكش
خربو سمعتها المراهقين وصارت غاليه


وجهوني وين أتم ممكن مراكش اخذ فيها يوم والباقي اغادير أو أتلها مره وحدة
على اغادير عطوني العلم زين