كم اسعار الشقق في الدار البيضاء تمليك وهل هناك ضرايب سنويه

ولا يهمك وسع صدرك
انا حبيت اوضح لك اهم حاجتين فالمغرب مافي شي اسمه غرفتين وصاله كل شي بالمتر المربع اولا ثانيا شراءك يكون عن طريق موثق عقاري .
الاحياء الراقيه عين دياب فال دي انفا كالفوررنيا ومنطقه فالمعاريف هاذ يوصل المتر المربع بين 12000
درهم الى 16000 الف درهم يعني لو الشقه 100 متر سعرها مليون وميتين الف درهم تضرب عدد الامتار في سعر المتر . عجبني حي السبع عماير داخل منتجعات على الطروماي اسعار المتر من 6000 الى 10000 حسب الموقع . والافضل انك بنفسك تجي وتشوف . ظرايب من 5000 الى 10000 درهم فسنه حسب شقه وسنديق تعني حراسه وتنظيف البنايه فحدود 5000 درهم . وامور اخرى يعني لو رغبت فالشراء تحول دراهمك رسمي لبنك فالمغرب وتمم الشراء عن طريق موثق عقاري معتمد لتسجيل الملكيه وتسليم قيمة الشقه عن طريق البنك . عشان لو تبغى تبيع تقدر تحول دراهمك لبلدك واي استفسار .ابشر .

اخوي عشقي اغادير

كم اسعار المتر في شقق الحي المحمدي في اغادير؟
اقصد السكن الاقتصادي … بس طبعا مشطبه سوبر ديلوكس غرفتين و صاله و مطبخ و حمام و المطبخ الماني و الرخام نرويجي
فكم السعر تقريبا للمتر

ياخوك اهم شي يكون منتجع ويكون ملاك اجانب او مغاربه عايشين فاوربا يجون فالاجازات تاخذ حريتك
اما خليجي وسط مغاربه فسكن اقتصادي ماينفع . وسكن الاقتصادي اسم على مسمى .
نزل برنامج avito.ma اسعار من 400 الف الى 800 الف على حسب المنتجعات . وضروري بنفسك تشوف
وعلى العموم الان العقار نازل ازمة كورونا .
وبسالك واردلك خاص ابشر

هلا اخوي عشقي اغادير
زوجتي المغربية هي اللي تملك الشقة في الحي المحمدي
سكن اقتصادي … بس الشقه سوينا لها تشطيب سوبرديلوكس
النوافذ شتر كهربائي وزجاج عاكس
حبيت اسال عن السعر علشان لو حبينا نبيع ما ينضحك علينا
الشقه لسى جديده ما انسكنت

مرحبا اخوي
الحقيقه ماعندي فكره عن الاسعار فالحي المحمدي الا مااسمع من احاديث اصحاب مغاربه . وتعتمد على مساحة الشقه بالامتار وموقعها والبنايه حديثه او قديمه ووو.
فونتي العليا وفونتي السفلى غرب مرجان اشوف شقق معروضه للبيع .
والحين ماانصحك تبيع خاصه مع ازمة كورونا انصحك تبيع بعد رمضان فالصيف ترتفع الاسعار .
واي خدمه موفق ان شاء الله

هل ممكن تواصل المباشر لمعرفة بكم حابب تبيع لو عندك نية للبيع

أسعار الشقق الاقتصادية في الحي المحمدي في أغادير، للمساحات من 50-60 متر تتراوح بين 280.000- 320.000 درهم، للتشطيب الاقتصادي والمتوسط.
سالفة عاد تشطيب سوبر ديلوكس لشقة اقتصادية ما عندي فكرة عنها.