هل منتدى مزاعيط المغرب يحتضر ؟

المنتديات بشكل عام هجرها الناس...صارت المشاركات نادرة جدا

رغم وجود تويتر وسناب شات الا ان المنتدى لاغنى عنه كونه يحوي ارشيفا كاملا لادق التفاصيل

المشاركات والمعلومات الموجوده بمزاعيط المغرب عن 20 سنه جايه ماشاء الله ، كل شيء كتبو عنه . والان صار فيه تغيرات كثيره من يوتيوب وسناب وقوقل وغيرها الكثير يعني العالم صار قريه صغيره . مايحتاج ادخل منتدى عشان اعرف ايش المطعم الكويس بالمدينه الفلانيه . الاستاذ قوقل ماب يعطيني افضل المطاعم مع الصور والتقييم . ومافيه داعي اسال المنتديات عن افضل الفنادق . تطبيقات بوكينق والمسافر واجودا وغيرها العشرات تعطيك الافاده عن والجواب بالصور وعن افضل الفنادق ، والناس اهتماماتهم تغيرت يعني تطبيق سناب شات مثلا فوري وكل واحد يشوف الثاني صوت وصوره فيه سلاسه وسهوله ومتوفر تطبيق بامكانيات احترافيه لهشيء . ولكن المنتدى فيه ميزه حلوه انه يجمعك بزمن الطيبين و باصدقاء ويعطيك ارائهم ولكن طبيعي تقل المشاركات . ولا تنسى ان الحين السياحه واقفه . وحتى المشاركين بالمنتدى خصوصا اللي عندهم فعاليه ومشاركات يتغيرون ويكبرون وينشغلون بحياتهم ومع عيالهم اذا هم متزوجين سابقا او تزوجو مؤخرا . وبعضهم ما يعرف وش يعني منتدى و مزاعيط المغرب يفكره شاهي حليب

شكرا ابو صـلاح على هذا الموضوع الجميل
في الحقيقه هنـاك مشكلة بسيطه في المنتدى وتنتهي بتفعيل دور المشرفين او إعطاء الفرص للمهتمين من الاعضـاء المبدعين والمختصين في المجال الاعلامي لـ إضافة شي ما يحرك المنتدى .. هناك افكار كثيره لاتخفى عليكم لتحريك المياه الراكده وجلب الانتبــاه ورفع عدد الزيارات والمشاركات من جديد
هذا الصرح الجميل ، والمتنفس لكل العشـاق .. له مكانه كبيره في نفوس المسافرين الى المغرب نظراً لـ إرتباطهم الوثيق به من ذكريات ويعد فعلاً " مصدراً إرشيفيا " لـ السفر الى المغرب منذ 2009 م
أيضـاً غياب الحوافز ، وغياب حتى الاهتـمام بـ الاسماء الكبيره التي قدمت الكثير جداً لـ هذا المنتدى فعندما نرى تقريراً " جلب اكثر من 50 الف " زيارة لهـذا المنتدى ولايحتفى به سيشعر الكاتب ان مايقدمه هنا لاقيمة له إلا للمنتدى فقط ، وجهده لايقدر الا من اعضاء مميزين مثلك يثنون عليه بكلمات يكتبونها
حتى ادارة السنـاب دعونا نقول الحقيقه ( هو سناب لايتم ادارته وإثراءه بشكل صحيح ) يفيد المتلقي
الوصول الى القمـة سهـل ، ولكن الاستمرار عليها صعب تحياتي .

+1

اي منتدى يعتمد على الشلليه والعلاقات الخاصه راح يجتضر

كلام موزون

يحتضر باحتضار المغرب والبعد عنه ولكن ذلك مستحيل بالرغم من كورونا واغلاق المنافذ يزداد الشوق والحنين يوما بعد يوم ولذلك نتنفس اخباره من خلال هذا الموقع الذي اتصفح مواضيعه كل ما اشتاق لبلد الفصول الاربعه إنه المغرب ياساده وبذلك يتميز هذا المنتدى حتى بإرشيفه الكنز الذي ننهل منه عند الشوق والحاجة كما اود الشكر والتقدير لمشرفيه والقائمين عليه وعموم الأعضاء الفاعلين فيه

وانت صادق اي عمل او مهنه تعتمد على شللية تفشل