قررت اعيش بالمغرب عندي سؤال

ابشركم وصلت للمغرب ولله الحمد والمنة والجو ولا أحلى..
بس بكل اسف لمن وصلت للمغرب جاني شعور واحساس انها ليست الديرة المناسبة ليه للهجرة..
انا عشت فيها سابقآ وتركتها قبل كورونا وقلت الهجرة لامريكا لكن شوية ظروف وكورونا خلوني ارجع اقول المغرب أفضل..
لكن الآن من قلب المغرب اقول أمريكا ولا بلاش
لا مقارنة بصراحة بس اسرح بخيالي لامريكا لا اراديآ ودي انط اتذكر اني خارجها البد مكاني

الحمدلله على السلامة واقامة سعيدة
لا تستعجل ما امداك توصل والانسان عموما دائما يطمح للشيء الغايب عنه واذا وصل له تمنى الاخر
لو رحت لامريكا ممكن قلت يا ليت يالمغرب او يجيك ظرف بأمريكا وتقول لابوها ديرة (صارت لي كثير) فالانسان لا يعلم وش الخير له اهم شيء الرضا والايجابية ووالاستمتاع وعيش اللحظة برضا الرحمن والله سيرضيك

انا بأمريكا حاليا وما تدري يمكن خيرة لأولادك لان امريكا مرة يقفلون المدارس مرة يفتحونها ادرّس عيال الجيران رياضيات قفلوا كل مدارس المدينة (المدينة صغيرة) وقالوا لهم ما راح نرجع نفتح الا بلقاح انتهى .
تخيل اولادك بمرحلة تأسيس انجليزية يدرسون من البيت بتضيع عليهم سنة ما تعلموا شيء
والبزنس حاليا تعبان والانتخابات مسيطرة على اجواءهم وانا بولاية متأرجحة فصاير فيها مناوشات بس على خفيف والكمامات اذا لبستها صرت ديموقراطي واذا ما لبستها صرت ترامبي متخلف

يعني اللي اقصده انه لو حتى امريكا افضل فهي حاليا فيها مشاكل ما تشجع تحتاج وقت وملحوق خير
تمنياتي لك بالرضا والسعادة والتوفيق

بشر اخوي كيف امورك ونحتاج منك ابديت على قرارك الهجرة

اتمنى لك كل التوفيق