كم مرة سافرت المغرب؟

بما أن الخطوط الجوية لازالت مقفلة. حبيت نستعيد الذكريات الجميلة بهذا السؤال. كم مرة سافرت إلى المغرب؟ ومتى كانت أول مرة؟ ومالذي جعلك تقع في حب المغرب؟ وتصبح مزعوطاً.

اول مره كانت عام ٢٠١٣ وزرت المغرب ٨ مرات يعني تقريبا كل سنة ازورها مره ولو الميزانية تسمح كان خليتها كل ٦ شهور والاسعار تعتبر معقولة مقارنة بالدول الثانيه وبالنسبة لي نفسيتي ترتاح لازرتها واعشق المغرب واهلها والاكل عندهم نكهة ثانية وبالعكس بلدنا الثاني نعتبره وسافرت كثير للامانه مافيه زي المغرب بالاجواء الحلوه والفله

الواحد يضيع الكم من كثر سفرات المغرب الحبيب.
من أول سفرة للمغرب في 2014 بدت المغرب منافسةً الوجهات الثانية.. سواء في ليلها او نهارها... الفرج قريب ⌛️

خمس مرات
اول سفره 2016/9 واخرها 2019/2
اللي عجبني فيها البساطه وطيبه اهلها واحس براحه نفسيه غير عن باقي البلدان اللي زرتها والاسعار مقبوله وكثير مميزات بصراحه تغطي على سلبياتها .

أول مره كانت في 1992 وآخر سفره كانت في 98 ثم توقفت وكانت الزعطه في اوجها وكنت أصبر نفسي بالهدره مع أصدقاء الزعطه ثم أتت الانترنت (السايبر) واستدليت موقع يقال له amitie. Fr وكان له دور في تهوين ما انا فيه وبعد ذلك دخلت في دهليز الحياه. وأصبحت تلك الأيام ذكرى جميله لا تفارقني يوم. ولو اتيح لي السفر مرة أخرى لعشتها مثل ذلك الرجل الكوري المسلم (البوهيمي) و أطيب الامنيات لكل مزعوط ������

يسعد اوقاتكم
اول زيارة كانت في ٢٠٠٣ الله على زمان مضى
وكم مرة والله ما يحضرني

* أول مرة كانت اواخر 2012 كان شتاء قارص وما رحت إلا لكازا و جلست 10 أيام فقط وكانت برد جدا جدا ومن هناك بدأت قصة عشق غريبة ... الغريب في (أول مرة) انني سكنت اول خمس ايام بالمعاريف ثم آخر خمس ايام -لسبب ما- سكنت في (عين الشق!) الحي الشعبي الأقدم بكازا ولهذه قصة غريبة وجميلة وممتعة منها انني كدت ابكي لما صحيت لصلاة الفجر وكان الجو بارد برد شديد لا يوصف ولا فيه لا سخانة ولا ماء حار للوضوء (اثرنا مدلّعين).

* من 2013 - 2016 رحت كم مرة لكن ظروف العمل كانت عائق لكن بالثلاث سنين الاخيرة اروح بالسنة من 3-4 مرات المجموع ممكن 15 او اقل بقليل. أغلبها كازا وطنجة وما جاورهما لكن زرت مراكش واغادير والرباط لمرات وفترات بسيطة جدا.

* اللي خلاني احب المغرب امور كثيرة اهمها اني لقيت فيها راحة نفسية عجيبة وجو فوق الخيال وناس مبتسمة وطيبة وبشوشة والمساجد بكل مكان ونتكلم عربي والأكل جميل بلد مريح من كل النواحي. يوجد سبب مباشر وهو اني اول مرة رحت لها كان بناء على اقتراح من صديق عزيز بل اخو دنيا قالّي لازم تروح هناك (على حسابي) وتغيّر نفسيتك (كان عندي ظروف معينة) لعلها ما غيّرت نفسيتي الا غيّرت حياتي.. وللصديق أقول:

صديق الوفاء (سلطان) نوى اللي نواه راح
عسى يحفظه في دربه اللي نوى ربّه
صديقي له البيضاء على النايف المنزاح
وله البحر والمركب والأمواج والغبّة
ألحّفه بالرفقة اذا ما هبوبً لاح
وأقدّره وأثمّن مواقفه .. وأحبّه
(ياسر التويجري)


شكرا يا صقر المراقيب

أول مره طلعت للمغرب كانت في عام 2003 وكنت وقتها في الجامعة وقررنا نطلع بالصيف لمصر وبعد مااجتمعنا مع القروب وحددنا كل شي وخططنا وش نسوي وين نسكن ووين نروح بعدها تم التوجه لمكتب المؤيد بالرياض اللي بالدايري الشرقي لتضبيط الحجوزات وهنا حصلت الحادثه وماأقول إلا الله يسامحه لأن هو السبب فيوم دخلنا وانتظرنا لين وصل دورنا وجلسنا عند موظف الحجوزات كان موجود وقتها صاحب المكتب رجل كبير بالعمر وحبيب جدآ ودايم يتكي بالمكتب آخر الليل وسمعنا نتكلم مع الموظف عن مصر جانا صاحب المكتب وسواليف معانا وسبحان الله كنه سحرنا بسواليفه وكرهنا بأم مصر وحنا لنا شهرين تقريبآ نخطط لها بالصيف بنطلع لها وأتذكر مقولته للحين دامكم شباب وش موديكم مصر واللي ماطلع للبرازيل أو المغرب لايعتبر نفسه سافر وفعلآ غير أم الخريطه اللي كنا راسمينها لمصر وقصينا التذاكر للمغرب.
عدد المرات كانت لاتقل عن 3 الى 4سفرات بالسنه حتى وصلنا عام 2011 صرنا نحجز لقروبنا من هناك ونلتقي بهم اما في مطار حمد الدولي او مطار دبي ونكمل معاهم لإندونيسيا او الفلبين او سنغافوره لحد عام 2016 تم العوده للمغرب ومقاطعة شرق آسيا ولكن في 2016 تم انتقالي لمجال عمل آخر صرت بالسنه مره وحده اللي اقدر اطلع اجازه لفترة أسبوعين واكثر واروح فيها للمغرب والباقي ختات قريبه دبي ومصر حقت تغيير جو ابو يومين ثلاث أيام.
اللي حبيته في المغرب طبيعتها وأجواءها الحلوه.

سلام عليكم جميعا
أنا ذهبت للمغرب مرة واحدة عام 2019 توني مبتديء هههه ولكن تسكرت ويكون في الأمر خيرة
10 أيام منها 8 أيام في كازا وهي مكلفة للي يزورها كثيرا أما مرة في السنة فمناسب
واحد أعرفه الآن كبيرفي السن كان يروح لها من عام 1985 وسألته قال من أول فلة بمعنى الكلمة ولازم تصير كريم وتكثر المأكولات والمشروبات في الشقة لأن الجرس ما يوقف أقصد ......
الله يسهل الأمر ويرفع البلاء ونواصل تغييرة الجو .

اول مرة صيف عام 1995. وحدي ورفيقتي الشنطه. في ربوع كازا، واسبوعين.
وعليها والسفرات من بعدها تعدت ثلاثين. ولا احسب. قطعتها ثلاث سنين ورجعت والشوق اكثر. والسبب ارتاح في المغرب.