وش افضل برنامج شركة طيران لتجميع نقاط الولاء ؟؟

سلام للجميع ...
من تجربتي مع عضويه خطوط الطيران هي كالتالي
. الأفضل عشان تستفيد منه في البرامج تشترك مع عضويه الخطوط اللي اكثر شي تسافر عليها. عشان تكسب نقاط من مسافة الأكثر تسافر لها وتاخذ ترقية العضويه الثانيه.
والمغرب من البلدان البعيدة السفر لها. بسببها سهلت العضوية الفضيه والذهبيه المسافه كثيره في الذهاب والعودة وبالتالي تحصل على ترقية العضويه. وهي اهم شي عشان تحصل على المميزات.
وايضا تكسب أميال اذا اشتريت تذكره بخطوط ثانيه وتكون بنفس المجموعه بينهم اتفاق. توصل درجه السفر لرجال اعمال ودخول صالات الضيافه في كثير من مطارات العالم. وزن وزياده مجاني ودخول وحجز مؤكد وخصم على الكراسي الاماميه او الاضافيه وغيره من المميزات. وايضا اذا شريت تذكره بزنس عدد النقاط يتدبل.
نجي للأفضل البرامج.الفرسان و القطريه والاتحاد والاماراتية.
غيرهم اشتركت بالالمانيه والهولنديه والتركية. افضلهم التركية تقدر تكسب من وراهم تذاكر مجانية بعدد النقاط اللي تكسبها اذا كنت من اللي يسافرون اوروبا كثير. خاصا هي تنزل في مدن كثيره هناك. غيرها ماتكسب من وراهم الا كراسي ووزن اضافي. بسبب ما تنتهي السنه الا ويمسحون رصيدك الا صفر. اذا ماستفدت منها. وتحتاج تكون اعتقد طيار هههه عشان توصل الا الدرجه الفضيه او الذهبية. برنامجهم معقد.
باقي خطوط الطيران عندهم برامج لا تشترك في برامجها اصلا هم خدماتهم ماهي ممتازه فلا تفتكر في مميزات في برامجهم يمنحونها ولاهم حتى منافسين. اشتر تذكره منهم ويكفي.
هذا بختصار واتمنى افدتكم.

ارحب يالعمده ماقصرت كفيت ووفيت الخبره تتكلم هههه
نبي ان شاء الله نعتمد الاماراتيه او القطريه اذا كثفوا رحلاتهم نبي ننتظر بحكم هالشركتين يروحون لكل العالم وقريبين منا ورحلاتهم كثيره
هذي هي يالعميد المغرب بعيده وحرام مانستفيد من الاميال لو بدخول صالات الضيافه والاستمتاع بالبوفيه هههه
اشكرك يالزميل اضافتك احلى اضافه جعلك سالم

الخطوط السعودية والمغربية أفضل شعرتين لبرنامج الاميال

بما أن الكلام حول صالات المطار
هل ترجع للبطاقة أو لنوع الخطوط الجوية ؟
أنا معي بطاقت متنوعة فيزا وورلد وأذكر مرة في جاكرتا صالة دخلوني لكن فية صالة بجنبها رفضوا حتى قلت طيب ابشوف داخل وارجع رفضوا بعد ماشافوا بطاقاتي ؟

مساء الخير اخوي سعد ...

المطارات عادةً فيها أكثر من صاله مثلاً عندنا فالسعوديه فيه صالة الفرسان تابعه للخطوط السعوديه ماتدخلها الا إذارحلتك على الخطوط السعوديه وتكون رحلتك درجة اعمال أو تقدر تستخدمها بدفع مبلغ معين ، وبالنسبه لبطاقات الأئتمان لها صاله ثانيه تقدر تستخدمها انت كصاحب البطاقه مجاناً وتقدر تعزم شخص آخر بمبلغ مخفض .

وقس على ذلك باقي الدول كل خطوط رسميه تحمل شعار البلد يكون لها صاله خاصه فالمطار على سبيل المثال فالبحرين عندهم صاله خاصه بطيران الخليج يدخلها أصحاب الحجز على نفس الخطوط درجة اعمال او تدفع مبلغ مالي وتدخلها وهكذا ...

__________________
لاتسمع كل ما يقال ولا تقول كل ما تسمع.

القطريه والاماراتيه عندهم صالات بغير مطاراتهم شوف الطناخه هههه
واذا صارت شركتك عضو بتحالف وورلد سكاي تقدر تدخل صاله حتى لو منت حاجز عليها اذا هي بعد عضو بالتحالف
ميزة الصالات اذا عندك انتظار +3 ساعات وبعضها عادي جدا مره بمطار مدريد دفعت 100 يورو ودخلت بوفيه اي كلام وكراسي مصممينها عشان ماتنام لا ياشيخ وش خانة المية يورو للحين مغبون المشكله الاسبانيه ال..... اللي بالاستقبال عيت بالاول ادخل ودخلت غصب قلت ياتاخذين الفلوس يابدخل ونادي الامن لان منعتن بدون سبب ال.... هههههه ياهي حقدت علي بس احسن اسبانيا كنت احبها واشوف تعاملهم بشكل عام راقي بس واجهت فيها كم حبه تكرهك بالكره الارضيه مب بس اسبانيا

شكرا رافا والأخوان على التفاعل والرد
ولكن ما أفضل صالة تستحق الحديث عنها من ناحية الإمكانيات المتاحة للضيف في أي مطار ؟

بمطار كازا تلقى الواي فاي والكراسي المريحة... بوفيه بسيط بس جيد مع خدمة ممتازة واهم شي المرافق الصحية نظيفة ... بتركيا طبعا فخامة اكل وخدمة و كراسي نظيفة

لا يعلى على لاونج الاماراتيه في دبي مدينة متكاملة تحس انك لوحدك وهي مليانه.. و لو كنت طالع اولى لك بتلر خادم لحالك كل شوي يجيك .. القطرية ايضا في الدوحة فخامة على الاولى كانك في مطاعم راقية .. لاونج لوفتهانزا شي خيال وخدمة مميزة .. اخيس شي في العالم اللاونج اللي في مطار شرم الشيخ عشة تكرمون مع سبق الاصرار .

والله المغربيه داخله مزاجي لان اغلب رحلاتي الا كل رحلات للمغرب الحبيب
.وتوصل اوروبا لو بغيت تغير الجو
تم ضمها للمقارنه الاخيره ههه