فحص كورونا والسفر

مساء الخير اخوي حبيب طنجة... مثل حالك قسم بالله ياناوي على تذكره ذهاب بس مافي عودة هههه
اقول اروح من اول مايفتحون، وساعه اقول لا خلها بعد العيد.
لكن تدري وانت خبير، الديره حلوه طول وقت السنه 365 يوم. اذا تعرف لجوك.
طنجه يازين جوها ربيع. لا تقول صيف وزحمه ولا هوى جامد. يعني الامور على كيفك. باقي شهرين لا يجي بعد كورونا جديد هههه

ههههههه هلا بالعمده صباح الانوار
انتبه لا يبهذلونك بالمطار ترى لازم يصير حجزك ذهاب وعوده مره رحت المطار ما عندي تذكرة عوده قالوا ماتركب الطياره لين تجيب رحلة عوده المهم سريع سريع دبرت رحلة عوده والغيتها لان فيه سماح الغاء 24 ساعه وكانت غاليه بالزاف يبي يعقدون المزاعيط هههه

احسن بعد العيد شف جبت لكم خبريه منيحه

المغرب يمر إلى السرعة القصوى في إطلاق عملية التلقيح المضاد لـ"كورونا"

يقول على نص مايو بيكون فيه مناعه جماعيه ولا تنسوا يارفاق ان الحالات بالمغرب نازله بالزاف ههه مدري هالتعبير او لا بس يعني الحالات نازله بقوه والوضع مزيان يعني على عيد الفطر على بلد المجبوب وديني طال وجدي وزاد حنيني : ( طنجه يالزميل فوق الوصف شكلي بكتب موضوع طوييييل بالزاف واكتب فيه كل مايخص طنجه واللي حولها شواطئ سكنات فنادق مطاعم مقاهي شيشه الا السهرات منب ناقص ذنبوب احد هههه انا احب الخير للاخرين مثل نفسي نعم نعم هههه

اللي موسواس على اولة اللبنانيه هههه اللي موسوس ينتظر لعيد الاضحى وقتها يا يكون كل شي صافي ومزيان او معناته خلاص لازم تعيش وتهزم خوفك لانه بيبقى للابد والله الحافظ

ننتظر موضوعك بخصوص طنجة

ابشر بها يالزميل بجيب لكم طنجه هنايا ههههه ان شاء الله برتبه قريب قبل السفره عشان يصير برنامج للي يبي يروح طنجه ولا قد راح لها او يبي يتعرف عليها اكثر
مو يس طنجه طنجه وكل اللي حول طنجه من اصيله جنوب الى تطوان شرق اجيبها لكم قريه قريه بتسلسل عجيب وفريد ههه

تبشر بالجنة ، نبغاك تجمع عصارة الخبرة والمواقف الحلوة والسيئة اللي واجهتها في طنجة

طنجة جيتها قبل سنة الصراحة مدينة واااعرة لكن السكن صعب تحصل اللي تبي

سم وابشر يالغانم
طنجه كلها حلوه يالزميل ودامك طلبتني فابشر بس الله يعينكم على القراءه الله العالم اني بكتب موضوع يصلح كتاب هههه
تراي كتبت عن تطوان بتفصيل هنايا

لم يعد الصخب يغريني اقتراحاتكم

تعبروا فيها لين اتوسع بطنجه بموضوعي القادم ههه حسيت اني منزل سنقل قبل الالبوم هههه

عفوا : من الي طلب منك تذكرة عودة ؟ وهل هي ضروريه ؟ السعودية تقول مو لازم على حد علمي ؟

ارحب يا اسد
اللي طلبها موظف الخدمات الارضيه بمطار الملك خالد الدولي بالرياض يقول ما تركب الطياره الا بتذكرة عوده قلت من متى النظام لاني قد سافرت بدون عوده قالي النظام قديم شوي بس مشددين علينا
هالكلام قبل الحظر بست او سبع شهور
الرحله ما كانت على السعوديه بس يقول ماتفرررق لانها متطلب من الحكومه المغربيه ويوم رحت لمكتب الطيار اللي بالدور الارضي قال المغرب قلت ايه قعد يضحك متعود ههههه يقولي واحد بالطياره كاثرين اللي يروحون ويجلسون اكثر من ثلاث شهور ويبلشون بهم هناك عاد يمكن هذا السبب يمكن لا الله اعلم

ترى انقل لكم تجربه صارت لي منب انقلها عن احد واغلب المزاعيط يروح بتذكرة ذهاب وعوده اصلا بس انا قلت بروح بدون ما افكر بتاريخ معين كذا نفسيا اذا لازم ارجع ارفع التيليفون واحجز بس ادحموني الموظفين وفعلا حجزت بس يوم وصلت الغيتها خخخخ الصراحه ما الغيتها خليتها مفتوحه واسمحوا لي قالوا خليناها لك يوم محدد بس تقدر تغيرها لاي وقت وبدون رسوم بس بحسب المتاح قلت تمام يعني المتطلب بس يبون مرجع ويدخلونه بالنظام عندهم لاني زعلت على الموظف قال والله ما اقدر فيه خانه لازم ادخل فيها رقم حجز مؤكد

جبت لكن قصه من قصصي في المطار هههه

مشكور اخوي حبيب طنجة .. اللي اعرف تذاكر ذهاب و عودة عند استخراج فيزه مثل الشنقن .. موظف السعودية اليوم يقول عادي ولا جانا شي بهالخصوص ..

العفو يا أسد
شوف وحده من ثنتين يا ان صاحبك ما يعرف هالنظام ولا قد مرت عليه حاله زي كذا او ان الموظف اللي كان بالخدمه ذاك اليوم عقدها بزياده
انا ارجح انه هذا نظام عندهم بس ما يشددون فيه ولا ينتبهون عليه الا اذا جاء واحد وعقدها لان ذاك الموظف ما جاز لي ابدا اسلوبه يقول انتم ياحقين المغرب وانتم ياحقين المغرب سلامات ؟؟ بس اكيد ماجابها من راسه هي موجوده بالسيستم عنده متأكد بس الله العالم ان اغلب الموظفين يمشيها ويكتب اي حاجه او انه اصلا نادرا تجيهم حالات زي اللي يروح وماعنده تذكرة عوده
برحلتي كان معي شايب تلاقط هو واياه يقوله الشايب عيالي هناك وشغلي قال مب شغلي وجاء واحد يقول انا طالب ببريطانيا حاجز للمغرب اجازه بعدين اروح بريطانيا واجبروه على تذكرة العوده حاجه غريبه

هل اذا كانت على غير السعوديه صار الوضع مختلف ؟؟ ممكن بس غباء هذا سلامات وش دخل الخطوط بموضوع زي كذا
المهم هذا اللي صار لي ونبي المزاعيط يقولون لنا اذا واجهوا حاجه زي كذا بالسنوات الاخيره بس تكفون فكونا من خويي وصديقي واعرف واحد نبي تجربتك انت عشان نشوف الوضع لانه مهم والا لا