استفسارات هامة

السلام عليكم ...
اشكر الجميع على المرور ...

انا سعودي وعندي موافقه زواج من المغرب وابي اسافر المغرب اخلص اموري !

الاسئلة كالتالي :-
١- هل مسموح للسعوديين الان دخول المغرب ؟ وهل يشترط فحص كورونا للدخول ؟
٢ - قدمت طلب تصريح للسفر الان من الحكومه السعوديه وتم رفضه ، الي يعرف طريقه يعلمنا ؟
٣ - بالنسبه لوكالات متابعة معاملات الزواج في المغرب ، اذا اخد يعرف وكاله يعطيني بياناتها ؟

لا مشكله في دخول المغرب وفق اشتراطات للدخول منها شهادة خلو من كورونا وحجز فندق
السوال الثاني والثالث مالك الا الصبر ومتابعة اجراءات الزواج بنفسك
ومنك المال ومنها لعيال

اشكرك اخوي على المعلومات ما تقصر

الله يكرمك ما تقصر ، اشكرك على مرورك

وعليكم السلام والرحمه
اولا الف مليون مبروك واهنيك على خطوتك واختيارك المغرب والله يوفقك

1. نعم مسموح والمطلوب فحص كورونا سلبي قبل السفر بثلاث ايام وحجز فندق وتقدر تحجز بوكينق وتطبع الحجز كإثبات وتلغيه اذا عندك شقة او سكن خاص

2. كل المزاعيط مرفوضين اهلا بك في عالمنا. فيه طريقه سواها بعض الاخوان وهي انه يجيب موعد طبي بمصر او الامارات او تركيا ويطلع من هناك على المغرب انا مستحيل اسويها بس فيه ناس سووها فيه طرق ثانيه بس انا منب ثعلب فما اعرفها ههه

3. زي ما قال حبيبنا هام السحب هالموضوع لازم تتابعه بنفسك واذا ما قد رحت للمغرب فلازم تنتبه اكثر وعموما الاجراءات دام معك تصريح سهله بس تبي متابعه اهم شي تخلصها بنفسك لا تدخل وكاله ولا يحزنون واذا تبي استشاره شف لك محامي يرشدك على الاجراءات ب500 ريال مع انها ما تستاهل فيه بالمنتدى مواضيع تشرح خطوه بخطوه وشلون تخلصها بالمغرب ولو تروح للسفارة بالرباط سهلت امورك

بس لاهنت علمنا عن تجربتك باستخراج التصريح كيف كانت سهله صعبه معقده لان برضه محاكيك ناويها قريب ان شاء الله وانا اعزب ما سبق لي الزواج وعمري +30 ودخلي عالي كيف تتوقع اجراءاتي من تجربتك

بالنسبه للي اخذ مواعيد طبيه ، ليه ما ياخذه من المغرب ويطلع عالمغرب دايركت ؟

بالنسبه للزواج من المغرب انا ما اقلك مؤيد او رافض ، يعتمد على الزوجة و اهلها ويعتمد عليك انت !
هل عندك درايه كامله بثقافة الشعب المغربي ؟ هل تعرف حياتهم و مجتمعهم ؟ تاكد ان السفر للسياحه غير كافي !
و يعتمد ايضا على اختيارك لشريكه حياتك ، وهل عندها القدره تتعايش مع المجتمع الخليجي ؟
الموضوع فيه اكثر من نقطه ، حاول تكون واضح في الشي الي تبغاه و تكون واضح مع شريكة حياتك في النقاش و الاهتمامات والله يوفقك ... عاى قول اخواننا المغاربه ( كاين طوب ولحجر )

وبالنسبه للتصريح تقدم فيه الاوراق كامله ويجيك الرد خلال ٣ اشهر !
تحتاج تتعب شوي طالع ونازل من الشرطة الجنائية لخلو السوابق واثبات السكن و الاحوال المدينه و المستشفى للفحص الطبي ، لكن مافيه تعقيد ابدا ، اجراء روتيني

الله يوفقك ياعسل

اهلا هلا بالجميل
اعتقد ما يخلونها دايركت عشان محد يدقق على مواعيدهم لان تركيا او الاردن عادي تروح لها علاج بس المغرب جديده يقفطون هههه مع ان حامة مولاي يعقوب علاج باذن الله بس وشلون تجيب موعد منها لوول

ممتاز الاجراءات سهله ونبي نبدا فيها قربب باذن الله لا انا كنت اشتغل بشركة الاهل ومتعود على المراجعات واحمد الله اني صبور وغير مستعجل ومشكور يا امياس على المعلومه اني اقدر ابدا فيها اونلاين

ياحبيبي الغالي انا مقرر من زمان ومتوكل على الله والموضوع محسوم عندي بس كل سنه اقول السنه الجايه بس هالمره جازم بس الله يستر من شيء دايم يخرب علي اذا رحت ههه اما الثقافه الخ فصار لي +10 سنين اروح للمغرب +3 مرات بالسنه واجلس بالشهر والشهرين وما اسكن الا بينهم وبين عوايلهم بالمدن الصغيره والمتوسطه الا حافظهم حفظ ومعجب بكل ثقافتهم وتقاليدهم ومتشربها وفاهمها اكثر منهم حتى الصوفيه احبها قبل المغرب وحبيتها اكثر من حبي لابن الفارض من كنت صغير

والله يابن الحلال ماضيعنا وزاد الطلاق عندنا بنسب عجيبه غريبه مخيفه الا يوم جلبنا مفاهيم الغرب البائسه اللي طلعوها لتعويض عدميتهم المشاركه النقاش والحب الاهتمامات الخ الخ وهذي مفاهيم جيده لكنه غير مؤصله وتخضع للنسبيه (النسبيه اللي دمرت الحياه الاجتماعيه بالغرب) وليتها صدق فورة بيبسي سنه وتروح بينما ديننا والقرآن ذكر التأصيل القوامه والرحمه والموده واللباس والمفاهيم الربانيه العظيمه هذا اللي زواجي يأسس عليه وكل شي له اصل حقيقي وثابت لا يتزعزع وابشرك حتى اللي ناوي اخذ منهم اهل قرآن وسنه عسى الله يجعلني منهم لو عن طريق زوجه تشفع لي والله ان بين المغرب والعشاء بالمغرب فتره مقدسه لي اسمع القرآن على طريقتهم الروحيه الجميله اسمع الرقيق سلطان العاشقين ابن الفارض طيب الله ثراه وش يقول

أُخفي الهوى ومدامعي تبديه
وأُميتُهُ وصبابتي تحييه
فكأنَّهُ بالحُسنِ صورةُ يوسفٍ
وكأنَّني بالحُزنِ مثل أبيه

العاشق الزاهد العابد رحمه الله

الله يوفقك يارب ، اهم شي انك مقتنع وعارف وش تسوي الله يرزقك الي فيه الخير

الذهاب إلى السفارة
تذهب إلى السفارة تراجع قسم شؤون الرعايا ويشوفون الامرعندهم ويطابقونه بالجواز والبطاقة المدنية راح يعطونك ورقة فحص تسويها للمخطوبه اللى معاك والافضل تجيبها هي وولي امرها معاك عشان توقع 3 اوراق عند السفارة
الفحص الطبي للزوجة :
طبعا اول شي يعطونك ورقة الفحص وتسوي الفحص للزوجه وغالبا يطلع في اليوم الثاني صباحا يعني 24 ساعه وقيمته 1800 درهم وبعض الاحيان يقولون لك 1500 درهم على حسب المصحه في احد العيادات المعتمده وهي ( مصحة الرباط زعير - السلاوي - شاله - القلب والشرايين بسلا) وكلها معتمده لدى السفارة

. اول شي راح يعطونك اوراقك واوراق الخطيبه ويحطونهم في ملف كلهم بالاضافة الى ال6 خطابات اللى عطوك مختومه وهي طلب الزواج وحسن سيره وسلوك وشهادة سكن وغيره...
تصديق من الخارجية المغربية :
روح بالخطابات هذي الى وزارة الخارجية في شارع الجزائر في الرباط واختم الخطابات (الختم ب20درهم) وطبعا مايطول وانت واقف بسرعه يعني ربع ساعه ومخلص
سجل عدلي
اطلع وروح طلع سجل عدلي (خلو سوابق) من وزارة العدل في الرباط حاول تسويه قبل الساعه 11 الظهر طبعا راح ياخذون عليك 10درهم حق الطابع مع صورة الجواز وصورة الدخول للمغرب في الجواز وبعد الصلاه ترجع تاخذ الورقه مختومه اسمها (السجل العدلي) للاجنبي
شهادة السكنى من المقاطعة:
ووتسوي صور للخطابات ال6وجميع الاوراق اللى عندك على 4 نسخ مهم جدا مع 4ملفات وتسوي لهم ختم تصديق من المقاطعه اللى فيها الزوجه اهم شي.
فحص طبي للزوج :
حاول تروح تسوي شهادة طبيه لك من اي دكتور واكرر من اي دكتور مايهم تخصصه طبعا 100درهم يعطيك ورقه مكتوب فيها انه سوي لك فحص زواج وماتشتكي من اي شي ويختمها ويعطيك اياها. خلصت الحين من المرحله هذي وعادة تخلصها في يوم.
طلب موافقة زواج من المحكمة :
تروح بنسخه منهم مع الاصل للمطابقة الى قاضي الاسرة في محكمة الاسرة اللى فيها الخطيبه وفيها مقاطعة الخطيبه وهذا الصعب شوي ولكن انا بضرب مثال على سلا او الرباط. تسوي طلب للقاضي بطلب زواج مختلط ويعطيك موافقة عليه عادة في نفس اليوم او اليوم اللى بعده على حسب المحمكه والقاضي وضروري السن 18 سنه للزوجه والا بتدخل في متاهات ثانية لسن القصر. خلصت من المحكمة وعطاك القاضي موافقة في نفس اليوم او اليوم اللى بعده معناها هايعطيك ظرف مغلق لاتفتحه
شهادة حسن سيره وسلوك:
توديه الى الامن الوطني في سلا ايضا وتعطيه الضابط المناوب وراح يسوي لك اسئلة عادية روتينيه (استبيان حالة زواج اجنبي) ويخلص الاسئلة ويقولك روح وتعال بعد 48 ساعه يعني يومين وترجع عند الامن الوطني تاخذ الظرف ايضا من جديد وعليه رقم خلك عارفه وسجله عندك.
ترجع المحكمه بالظرف او هم الشرطه يرسلوه عادة اذا ماعطوك اياه بعد يومين مافي مشكله تدخل ثانية على القاضي ويشوف الملف مع الظرف ويعطيك موافقة زواج ورقة عليها رقم وهذا الرقم هو اللى راح يزوجونك ويسوون العقد به. انتظر يوم او يومين عشان يعطونك هذا الرقم وبس تاخذه.
مأذون شرعي يوثق العقد :
شوف لك اي عدول في نفس المحكمه او في الخارج ياخذ منك الملف والاصل ويسوي لك العقد يكتبه وطبعا انتبه لازم يكون ثقه وراح ياخذ منك مش اقل من 500درهم عشان يخلصه لك في يوم او يومين ويعطيك العقد بالاضافة الى 500درهم قيمة الاتعاب لانه لم ماعطيته راح يطلع العقد بعد اسبوع او اسبوعين وهذا يعطلك جدا.
تصديق عقد النكاح من المحكمة الابتدائية :
لما يعطيك العقد بعد يوم او يومين مثلا مختوم من عنده ومن عند القاضي الاسرة خلاص خذ العقد وروح سوي تصديق من رئيس المحمكة الابتدائية بسلا في نفس اليوم
تصديق عقد النكاح من الخارجية :
وبعدين روح وزارة الخارجية بشارع الجزائر اللى رحت صدقت الخطابات عندها وصدق العقد ايضا ب20درهم.
الذهاب للسفارة لاخذ ورقة السداد
الحين روح السفارة وطبعا خلصت الاوراق اللى عندك وضروري يكون عندك صورتين للزوجة طبعا راح ياخذون العقد والجواز للزوجةويعطونك ورقتين سداد للبنك العربي المغربي في حي اقدال - الرباط وطبعا الاول قيمة 135درهم والثاني 80 درهم وهو قيمة التأشيرة وقيمة التصديق للعقد.
البنك العربي لسداد التأشيره والعقد
لما تخلص الصبح راح تتسلم العقد والجواز مختوم بالتأشيرة بعد الظهر تقريبا

كفيت و وفيت يا سنايدي ، رحم الله والديك