السفر بالبراق

وعليكم السلام والرحمه
هلا اخوي الوكيل ليش الوكيل دايم كريه بالمدرسه بس كانوا مربين فاضلين الله يذكر ايامهم بالخير

بخصوص قطار البراق فما فيه تعب ولا شيء بالعكس قطار ممتع ولطيف ومريح ورايع اشكر المغرب عليه
كل اللي عليك اذا وصلت مطار كازا تركب القطار هذا القطار مهب البراق يعني مستواه اقل بس يبقى جيد خذ درجه اولى اذا تبي تبعد عن الزحمه مع انه شكله ما فيه زحمه دابا لكن خذ تذكره درجه اولى اذا تبي استقلاليه ولحالك بعدة كراسي سعر الدرجه الثانيه 50 درهم والدرجه الاولى ب 70 درهم هالقطار خله ياخذك الى الوقفه قبل الاخيره 40 دقيقه وانت في محطه اسمها الدار البيضاء المسافرون بالفرنسي CASA VOYAGEURS لا تنسى لانك اذا ما نزلت بيدرعم بك لكازا الميناء بعدين بتضطر ترجع مره ثانيه لمحطة المسافرون اذن جحا

بعد ما تنزل الى محطة المسافرون فويجيرس تكون وصلت للمحطه الرئيسيه لقطار البراق
اهنايا تاخذ قطار البراق لاي وجهه شماليه احببت لان قطار البراق ياقف بالرباط ثم القنيطرة ثم على طنجه حبيبة قلبي اللي اشتقت لها بالزاف ياعمري انا
المهم القطار هذا فخم وجديد ورايع وسريع وممتع ولا تحس بالتعب والمحطات رايعه وفيها كل الخدمات والمطاعم والمقاهي ياعمري يالمغرب

نجي لقطار البراق تاخذه من محطة المسافرون ثم ياخذك للرباط محطة اكدال تقريبا ساعه وسعره يعني 50 درهم للدرجه الثانيه ويمكن 90 درهم او حولها للدرجه الالى ثم يوقف بالقنيطره اللي ما اعرف عنها شيء بس تبقى حبيبة قلبي لانها بالمغرب

محطة طنجه اخر محطه وتاخذ لها تقريبا ساعتين وشوي من محطة الدار البيضاء المسافرون وسعرها يتراوح ما بين 180 درهم للدرجه الثانيه وتوصل 300 درهم للدرجه الاولى وكل الاسعار اللي ذكرت تقريبيه وبناء على ذاكرتي لما قبل كوفيد بس انها قريبه جدا ولا اعتقد تغير شيء واجد بعد كوفيد بس تراها تختلف بنفس اليوم حسب وقت رحلتك وهل وقت الذروه او لا مره رحت لطنجه بتذكره ب 140 درهم لان وقت ميت ولا فيه احد

بخصوص اوقاتها فهي على مدار اليوم قطار المطار متأكد كل ساعه يمشي قطار وبالتحديد الساعه 55 دقيقه يعني كل ساعه و 55 دقيقه ينطلق قطار يارب اني شرحت كويس اما باقي القطارات حقات قطار البراق فأوقاتها تختلف لكن تقريبا كل ساعه او نص او كل ساعتين ينطلق قطار واذا ما لحقت على واحد تلحق على الثاني ولا تحتاج حجز قبل ولا شيء رح درعم للمحطه واحجز المقاعد واجد والقطارات واجد واذا انتظرت حدها ساعه او ساعتين انتظار بالمحطه والمحطات ممتعه وفيها كل المطاعم والمقاهي والاسواق الجميله يكفي انك بالمغرب

اتمنى اني افدتك بس انا زعلان منك يا دنيا انا زعلان أوي تروح للمغرب وتتركني لوحدي أعوي
ياذيب واقنب خل صوتك يدوي العالم دوي
ما دام خانتك الظروف فالله يخرب بيتها
رحله ممتعه

حياك يا حبيب اخوك

الوكيل فقط المشاغبين يكرهونه ههههه اولهم اكره مثل ما اكره الشيطان هههه

كفيت ووفيت بيض الله وهيك في الدارين شرح مفضل راح امشي على كلامك بالضبط

خوفي كان من الشنط إلي عندي العادة من اسافر اخذ شنطة صغيرة معاي في الطيارة فيها كم ابيه لان لا يسمح الله الشنطة الرئيسية تضيع او تتأخر في الوصول كم يوم اكون أنا ماخذ احتياطي بالشنطة إلي في إيدي عندي كم لبسة امشي عمري يوم يومين وبعدين اخطط كيف اتصرف

انت مو افدتني انت نورتني طال عمرك ربي يسهل كل صعب عليك ....

ولا تزعل هاذي السفرة عنك ههههه انت خلك مرتاح في البلد وإحنا نسافر عنك التعب لنا طويل العمر

بخصوص اسم الوكيل ما قدرتا تدخل المنتى بتلفوني ما اعرف ليش حاولت كم كره وما صار

ان شاء الله عن قريب تسافر وتنبسط

اشكرك والشكر قليل في حقك

اعتذاري على التجاسر على شخصك الكريم

تحياتي لك

هلا فيك اخوي الوكيل
ووجهك والله يحييك ما سوينا شيء طال عمرك واجبنا ما نبخل بأي معلومه نقدر نساعد فيها
آمين يارب ويسهل على الجميع جزاك الله خير
وحنا ان شاء الله راح نلحقكم على خير دام رمضان الخير قرب فالله يلحقنا خير عقبه باذن الله تصير الامور استوت نقول ان شاء الله
اجازه سعيده وابد امش على اللي قلت لك وبتنبسط سهله قطار المطار ---> محطة المسافرون ---> البراق لأي وجهة اردت الرباط او طنجه
معلومه حلوه ترى محطة طنجه على البحر مباشره يعني بأحلى مكان تطلع من المحطه تمشي خمس دقايق وانت بالواجهه البحريه الرئيسيه وانا تعجبن كثير محطة طنجه مريحه ووسيعة صدر

على قولة راشد الماجد
الله يجيبك يا مبعدََ حيل عني ليتك قريب
خل الليالي سعاده وينك تعال
العمر لحظه لا لا تطول علي لا تغيب
البعد والله ما اطيقه محلى الوصال

الله يجيبك يا طنجه او الله يجيبن عندك

اخوي حبيب طنجة الغالي السلام عليكم.
نصيحة من واقع تجارب سابقة اذا ركبت القطار باالمغرب .احجز درجة ثانية صح زحمة وعامرة. لكن فرصة ثمينة للتعارف باالطيور الرزينة. عكس الدرجة الأولى فاظية ولا فيها شي .دمتم بخير.

وعليكم السلام والرحمه
ارحب يا نجم المغرب
اكيد فأنا انسان اشتراكي (لا شيوعي) اكره البرجوازيه ولا اؤمن بالطبقيه وما اسافر الا درجه ثانيه وحقيقه الدرجه الثانيه امتع واجمل والا ما فرقت 100 درهم ولكن دايما البساطه اجمل وتربح كم اكره التكلف الا للضروره القصوى مثل اللي عنده شناط كثيره او يبي يكلم طول فترة السفر ولا يبي يزعجنا جزاه الله خير

والحقيقه مثلما ذكرت احيانا عامره لكن من كثرة استخدامي للبراق عرفت اوقاته الصباح الباكر والمساء المتأخر وخاصه وسط ايام الاسبوع مايكون عامر بالزاف اما الجمعه-للاحد ومن 10-15 عامر بالزاف خاصه خط كازا الرباط والعكس صحيح يروق لي البراق كثيرا تركت السفر للشمال بالسياره من عرفته
شاكر اضافتك يانجم المغرب وعساك جزمت تشري سياره

ناديت الجرسون مرة أخرى لو سمحت أريد اتاي قال مرحبا قلت اذن عجل بالاتاي فهناك خطة لا يعلو عليها الغبار .... شوطت من خطتك وانا معاك في الأمر ولكن الأمر فيه بعض الاشكالية إحتمال ما تلقى غير ذئاب حولك ههههههه
شكرا لمرورك
دمت بخير وعافية