تقرير سفرتنا إلى المغرب 2011 (( اللمّبي & العربي باطمة & مصطي & بوقوس))..3000 صورة!!!

هلا وغلا باخوي باسم,,,

وخيرك ماشاء الله على الكل,,,

ههههههههههههههههههههههههه هههه

الا والله وانت الصادق شكله ملعون وكارهني!!! لكن وعدنا بعد شهرين بروح للمطار

وبنفض امهم واشوف الموضع,,,

اسعدني مرورك العطر,,,وخلك قريب ولاتبتعد,,,

تحياتي وأشواقي,,,

__________________
تابعونا: (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

هلا عزيزي الرصاصي,,,

شاكر لك على تقديرك ومدحك,,,

ان شاء الله ماعلقكم وعلى حسب الظروف,,,

بس وعدي لكم اني راح انهيه بأقرب فرصة,,,

تحياتي وأشواقي,,,

__________________
تابعونا: (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

صبرك ياطويل العمر,,,

الدنيا اشغلتنا شوي,,,

خلك قريب ولا تبعد ياولد دبي,,,

تحياتي وأشواقي,,,

__________________
تابعونا: (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

ماعبرت أحد!! غرور!! طناش!! أصمخ!!

وش هالكلام اخوي!!

انا قلت اسمح بالنقد واتقبل...لكن قلة ادب وعدم احترام مأقبلها!!!

والشي الثاني 3000 صورة ماشفت منها اي اهمية؟!!!

وش تقصد يعني؟

وش تبيني احط لك!!! صور سياكل والا دبابات مثلا!!

انا رجل جالس اسرد تقرير لرحلتي الى المغرب...ابتداء من مدينتي الرياض...

مرورا بكل محطات الرحلة من الدوحة وقرطاج والدار البيضاء وفاس والرباط....

حتى عودتي الى الرياض مرة اخرى...

يعني وش تتوقع بتكون الصور؟ بحط لك صور برج ايفل والا برج بيتزا مثلا!!

بحط الصور اللي تتعلق بالرحلة من الى...ماعجبتك هذا رايك وخله لنفسك...

تبي تنتقد انتقد زي العالم والناس...لكن يقل احترامك راح تسمع اللي يزعلك!!!

والشي الثاني تقول معلقك 20 يوم!!

التقرير بداء يوم الجمعة 1/7/2011م واليوم الاثنين 11/7/2011م

يعني 11 يوم فقط...من وين جبت ال20 يوم!!! بأفهم بس!!

وبالنسبه للكلام اللي انت كاتبة (( اللهم لاتؤخذنا بما فعله العقلاء منا ))

ان شاء الله انا من العقلاء...والمقصد اللي تلمح عنه بدل هالكلمة هو انت!!

وبعدين اشوفك راد في كذا تقرير وتهمز وتلمز بان ناس مايكملون تقاريرهم

وجالس تنتقدهم....انت وش قدمت؟!!

وش قدمت يوم انك كل شوي ترد هالردود اللي مافيها لا احترام ولا تقدير!!!

عموما انا كنت فاتح باب النقد والملاحظات....

لكن للاسف اللي امثالك مايميز بين النقد وبين التجريح والسب!!

__________________
تابعونا: (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

?

سؤال أطرحة لك على ردك هذا :



كم عمرك حبيبي؟!!!

__________________
تابعونا: (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

رسالة الى الاعضاء الكرام

اولا : أشكركم على تفاعلكم معي وبردودكم الجميلة والتشجيعة...وان افسدها البعض بكلامة الجارح والهجوم السيء...لكن اثلجتم صدري وافتخر بحرصكم على المتابعة لي..

ثانياً : أنا فتحت باب النقد...والملاحظات...والهدف منها للتصحيح والتنوير...لكن البعض فاهم النقد غلط!!! وجالس يسب ويتلفظ بإسلوب غير راقي...لذلك انا اوجه رسالة لهم واقول لهم ترى فيه فرق بين النقد والتجريح!! ولعلهم يعقلون!!

ثالثا : بخصوص طرح الحلقات ومواعيدها...يعلم الله كم انا اجتهد واثابر بأن اطرحها لكم بأسرع وقت ممكن..

لكن ظروف الحياة والمشاغل والالتزامات ماخذة من وقتي الكثير...ولا اقدر اكون فاضي وجالس على الجهاز 24 ساعه مثل غيري...

وغير كذا مسئلة اعداد التقرير والتنسيق والتضبيط تاخذ الوقت والجهد الكثير...

لذلك ياخوان حلمكم وصبركم علي...وانا اوعدكم باني راح احاول اضعاف الجهد والعمل

بسبب ردرودكم اللي تثلج الصدر وتعطي حافز للمواصلة...وان شاء الله بحاول كل اسبوعين أنزل حلقة...وان تاخرت فأعذروني...

وللمعلومية صور الشخصيات والمحادثات لاتحتسب من ضمن 3000 صورة

ال 3000 صورة هي فقط التي التقطها بكاميرتي وعليها توقيعي الشخصي




ولكم مني التقدير والتحية...

اخوكم محمد

__________________
تابعونا: (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

(( الحلقة الثانية : بابا..ماما..ماكدو ))

شــطــحــة,,,,

يوم كنت بالرباط مع وجه النحس بوقوس ديكولاص,,, لقيت بالابتوب دياله

مقطع أحد سهراته المخيسة بفاس,,,وألقط المقطع واخذ نسخة بفلاش واحفظة معي

من دون مايدري,,,تبون تشوفون وش كان يسوي بوقوس الأهبل بالسهره؟

^
^
^
^
^
^
^
^
^
^
^
^

مانت عاقل يابوقوس الموسيقار: (748):,,,,مادرى عنك بتهوفن والا ضمك لقائمة

المبدعين قي عالم التلحين,,,انت وشوشتك اللي كنها ليفة مواعين محّلية برمضان!!

نــكـــمـــل,,,,

نواصل تكملة يوم الخميس 21/4/2011م

أقترب موعود الوصول للدوحة,,,وأعلن كابتن الطائرة المصري البربار : (103):بربط

الاحزمة,,,هبطت الطائرة بمطار الدوحة الدولي,,,وكانت الساعة 8مساءْ,,,نزلنا من

الطائرة وكالعادة الباص بإنتظارنا لنقلنا لصالة المطار,,,ركبنا الباص وعلى الصالة,,,ونسيت

اقولكم بأني شاحن عفشي من الرياض إلى الدار البيضاء دايركت,,,يعني ماراح استلمها بالدوحة

بستلمها بكازا,,,

المهم نزلت من الباص وتوجهت لمكتب المطار,,,حيث ان رحلتي بكرة لكازا وزي ماذكرت

سابقا بأن لدي اقامة مجانية بفندق حتى صباح الجمعه,,,وانا صاير زي الحقنة وناشب

لهم على ذا الفندق نشبة ابليس,,, كأني ناصر القصبي في حلقه بطاش ماطاش يوم يطالب فيها

ببدل الترحيل: (764):,,,

رحت للمكتب وكان استقبالهم طيب: (456):,,,وعطوني الفوتشر حق الفندق,,,وكان معطيني

بفندق الليوان سويتس,,,انا من يوم ماقريت اسمة قلت بس هذا شكله اطلق فندق

بقطر : (732):حيث ان اسم الليوان رنان بالدوحة وله شعبية,,, والشي الثاني عام 2007 كانو

معطيني اقامة بفندق ريجنسي وهو فندق فخم وحلو وارتحت فيه,,,قلت بس الحين

شكل الوضع صار افضل ويعطون فنادق أحسن من الأول,,,,

خذت الفوتشر حق السكن,,,وتذكرة حقت الباص ذهاب وعودة من المطار الى الفندق

طبعا مجانية:0069:,,,

واطلع برى المطار وكان شوي رطوبة لطيفة بالجوء,,,واتجة لمنطقة الباصات,,,ورحت ولا لقيت باص الفندق,,,يوم سئلتهم

قالو بيتاخر شوي,,,قلت خلني انتظر,,, وأجلس انتظر وأنتظر,,,ولاجاء قلت ياولد خدمك

المال والبنون,,,وأروح واخذ لي تاكسي واقول له

>>>>>>>>>> : (( صديق... روح فندق الليوان سويتس))

هو سمعني اقولة الليوان زي اللي تغير وجه واستغرب: (617):,,,قلت بس هذا الهندي شكلة

منصدم اني ساكن بفندق أخر كلام كلاس وفخم: (732):,,,

واركب معه وأقولة شغل العداد,,,ومن يوم ماركبت معه وهو طول الخط ابو الشباب يبربر

بالجوال: (503): مع الحب ديالة: (492):,,,فقع راسي مسوي رومنسي وصوتة حنين:o,,, ومشغل اغاني

هندية شكلها حقت غزل وغرام,,,بغيت اقولة مانت عاقل يامصطي الرومنسي,,,وانا

طول الطريق خاش جو و جلست أتخيل انه بيودني لفندق زي برج العرب بدبي,,,وبفلها

فيه واغير جو: (496):,,,

























طبعاً بخصوص مدينة الدوحة,,,سبق ونزلت لها تقرير على الرابط التالي

تقرير مصور لزيارتي للدوحة 2010م (عدنا من ديار عيال العم,,,وحشتونا يامزاعيط .. تقرير مصور لقطر 2010)

المهم كملنا طريقانا بالتاكسي متجهين للفندق المنتظر,,, شوي ويدخل بي السواق

في حواري ودعافيس,,,وأناظر!! : (133):والا الحارة اغلبها مصريين!!!تقول قطر محتلة من مصر!!! كأني

في خان الخليلي بالقاهرة!!,,,


شوي التاكسي لبق فجائة,,,وقال لي

>>>>>>>>>> : ((مدير...حساب 30 ريال!!))

>>>>>>>>>> : (( ليه صديق؟...واحنا فين!!! وين فندق؟!!))

>>>>>>>>>> : (( هذا فندق صديق...أنتا مافي شوف!!))

وأناظر وتجيني صدمة غير طبيعة!!! : (99):الفندق عبارة عن عمارة ست ادوار وسط حارة

شعبية اغلبها مصريين!!!

حتى مايعتبر فندق عالمي او معروف,,,يعني نظام سويتات واقامة,,,أحاسب تاكسي

قريح وجه النحس ب 30 ريال ,,,وادخل الفندق وانا مصدوم صدمة عجيبة,,,واروح للاستقبال واعطيهم

الفوتشر,,,وانا اقول في نفسي يارب مهوب هو,,,عساه يطلع غلط,,,شكل سواق

التاكسي لعب علي,,,والا وتقول لي موظفة الاستقبال وهي صينية كديش: (618):

>>>>>>>>>> : (( ولكم مستر لمبي...يور روم از 201 ))

وافنجع,,,يلعن ام الفندق المخيس,,,قسم بالله فندق ابو كلب!!! وقمت وشبيت

عليها:ang:,,,وخبرتها اني سبق وجيت قطر وعلى الخطوط القطرية وعطوني فندق افضل من

هالمروح بمراحل,,,قالت لي وبأدب هذا المتوفر لدى الخطوط القطرية حالياَ وهم اللي

حطوك بهالفندق,,,قلت ياولد اروح أتهاوش معهم: (786): والا وش الحل,,,وبالاخير قلت يارجل

خلني امشي حالي بس كلها ليلة والشغلة ماتسوى,,,

وخبرتني الموظفة ان لي عشاء وافطار مجاني بالبوفية حقهم من الخطوط

القطرية,,,وادخل واشوف البوفية والا عزكم الله مطعم هنود مو بوفية!!!

كله اكل هندي وتشم ريحة الكاري تشق خشمك!!!

قلت ياولد ماني ناقص تسمم,,,بقريح هم ومطعمهم,,,واخذ اغراضي واطلع

للغرفة,,,وكانت سويت فعلا,,,صالة ومطبخ وغرفة نوم مستقلة,,,عموما مستوى الغرفة

عادي جدا وحدها 200 ريال وتخب!!!

هذا اللوبي حق الفندق,,,اول ماتجلس فيه تجيك ريحة الطبخ والكشنة والكاري!!!

وهذا هندي اظاهر انه جالس يطير شراب وقافي!!!

ونصعد اللفت

وهذا باب الغرفة 201,,,مسوين على بالهم من الطراز التراثي!!!

ندخل السويت ونبداء بالصالة,,,

وهذا المطبخ المبجل,,,وتلاحظون فيه غسالة هدوم!! وميكرويف!!

دورة المياة اعزكم الله,,,

ندخل على غرفة النوم,,,

لايفوتكم تلفزيون الغرفة أبو كلب!!!

المهم دخلت السويت,,,وحطيت شنطة اللابتوب,,,وخذت اللي احتاجة وطلعت من

الغرفة,,,واشيك على جوالي والقى رسالة مفقود من بوقوس ديكولاس,,,قلت بدق

عليه لما اتعشى,,,واطلع على اساس اني بروح لسوق ستي سنتر اتسوق

واتمشى فية نفس الوقت,,,نزلت تحت واكلم الاستقبال ابي تاكسي ياولد مافية

تكاسي!!! يقولون نطلب تاكسي ويجيك بعد ربع ساعه!!! : (440):قلت خلني اطلع واخذ من

الشارع,,,واجلس امشي بالشارع,,,والا الشارع كانك بالقاهرة مو الدوحة,,,كلهم ابو

مصير ويخرطون على بعض,,,شوي كذا وامر جنب مقهى شيشة مطل على

الشارع,,,كل اللي جالسين فيه مصريين ومعهم سوداني واحد اضاهر جالس معهم بالغلط,,,وانا ماشي من عندهم وأسلم عليهم
بصوت متواضع (( السلام عليكم))...

شوي ويردون كلهم وبصوت عالي ((وعليكم السلام ورحمة الله وبركاتة!!))

((تفضل ياباشا!!))...واقولهم : (46):(( شكراً...شكراً))...ياعمي وين انا بالدوحة والا بمقاهي

الحسين!!! وش هالمصريين!! لدرجة اني شفت مصري يمشي وبيده كيسة فول

ومطبق وتميس مدرعم فيها بالحارة!!! :om1g:...وأشد الخطوة شوي ,,,واجلس لي حوالي ربع

ساعه واقف انتظر تاكسي يمر,,,ولا جاء شي,,, واشوف لي تاكسي توة منزل واحد

بأخر الشارع: (508):,,,وأنا ماصدقت خبر,,,وادعس له ومراكض ركض كأني الحق حرامي,,,واوقفة وصاحب

التاكسي إنفجع!!! شكلة يقول في نفسة وش ذا المهبول!!!

واركب معه وأصك الباب واقولة

>>>>>>>>>> : (( سوق سيتي سنتر))

>>>>>>>>>> : ((اشفي مودير!!! انا احسب انتا حرامي او واحد جنجان ((يعني مجنون او مهبول)): (76):))

>>>>>>>>>> : (( معليش صديق هذا مكان مافية تاكسي...يوم انا شوف انتا انا مافي صدق خبر انا انتا امسك))

طبعا تلاحظون كل شوي مقرود بهنود في سفرتي هذا,,,كلها من وجه النحس لابارك الله

فية حق كاونتر الخطوط القطرية الاعوج الاهبل اللي بغى ينكسل رحلتي,,,


وصلت لسوق الستي سنتر,,,وحاسبت التاكسي ب 21 ريال,,,نزلت من التاكسي,,,وكان

السوق زحمة مرة لانه يوم خميس ,,,




















وادخل السوق,,, واجلس الف فيه شوي,,,واتوجة للسينما بالدور الثالث,,, واشوف وش

فية افلام تسوى للمشاهدة,,, وكان الكاونتر مزحوم شوي,,,, واستقر الرأي على فلم

THE WAY BACK على الساعة 11:45 مساءً,,,

مقطع دعاية الفلم

هذي صورة من التذكرة

واختار المقعد وأقص التذكرة ب 35 ريال : (2):,,,وقلت ياولد خلني استغل الوقت واشتري

بعض الاغراض الناقصة,,,وكان ناقصني بعض البوكسترات الداخلية ومنشفة,,,رحت

وشريت البوكسترات من محل ماكس,,,وجلست ادور لي على فوطة مالقيت

بالسوق,,,مريت كذا محل ولا حصلت,,,وقالو لي تحصلها بالدور الارضي بسوبر ماركت

كارفور,,,

وانزل تحت بالدور الأرضي,,وادخل كارفور,,,وبصراحه كبير جدا وتتعب وانت

تمشي: (784):,,,وكان مزحوم على الاخر,,,والناس تتقضى,,,المهم وانا ادور على منشفة

مالقيت,,,واسئل واسئل,,,حتى طحت لي في هندي عامل بكافور,,,الهنود ورانا ورانا,,,: (777):

>>>>>>>>>> : (( صديق!! فين منشفة!!))

>>>>>>>>>> : (( ايش منشفة!!! ايش كلام!!))

>>>>>>>>>> : (( هذا فوطة فوطة))

>>>>>>>>>> : (( أنا مافي معلوم إيش أنتا كلام: (83):))

>>>>>>>>>> : (( هذا فوطة همام ((حمام))...خلاص انا اسبح انا نظف))

>>>>>>>>>> : (( أنا مافي معلوم صديق...صبر شويا...يامدام يامدام))

والا أشوفة يصوت لحرمة معها بزر...والا تلتفت الحرمة...ماشاء الله تبارك الرحمن...لبنانية

في سن الثلاثين ومعها بزر عمره يمكن 8 او 9 سنوات...ماشاء الله شديدة البياض

وجميلة وفيها جمال رباني.: (145):..

>>>>>>>>>> : ((مدام ...شوفي هذا نفر إيش يبغى؟...أنا مافي معلوم كلام))

>>>>>>>>>> : (( شو خيو...شو بدك؟))

>>>>>>>>>> : (( هاااااااااااااااااااااااا اااااااه : (445): ))

>>>>>>>>>> : (( شو؟ شو تريد؟: (175):))

>>>>>>>>>> : (( هااااااااة: (87):...قشش...قشطة...أبي قشطة: (145):))

>>>>>>>>>> : (( شو ئلت؟!!! : (440):ماسمعتك ))

>>>>>>>>>> : ((: (99): أبي أبي منشفة))

>>>>>>>>>> : (( اه ...امممممم...منشفة للبحر والا للبيت؟))

>>>>>>>>>> : (( أي بحر ياست الكل...هذا وجه واحد راعي بحر والا طلعات بحر...من زين البحر اللي عندنا علشان نروح له والا من زين خشتي وكراعيني...ابي منشفة حقت الجسم للبيت...تكرم عينك))

>>>>>>>>>> : (( طيب...شوف اللاين اللي هونيك اللي رقمه 32...والا اقولك امشي وراي وانا افرجك))

>>>>>>>>>> : (( وراك وراك وراك...مطرح ماتروح وراك: (87): ))

وأمشي معها,,,بصراحة شقردية وماقصرت,,,ودتني للمكان حق الفوط,,,فيه مناشف

حقت طلعات البحر,,,وفيه حقت البيت,,,والقط لي احلى فوطة,,,وأتشكر منها

وأمشي,,,بس الغريب ان ولدها طول الوقت يناظر فيني بنظرة خوف : (196):ولا يبي يقرب

مني,,,مادري انا شكلي مجرم والا متوحش لهدرجة؟,,,

المهم مشيت ورحت للكاونتر وحاسبت عن الفوطة بقيمة 32 ريال,,,

بعدها طلعت من كارفور ودخلت السوق,,,وجلست أدور فيه,,, وقلت اروح اتعشى

وإستقر الرأي على مطعم تشيلز,,,رحت لهم واطلب تاكسس فرايز

وستيك نيو يورك وكولا,,,,وأدبغ بالاكل: (213):: (121):,,,العشاء كان بقيمة 132 ريال,,,جلست شوي

بالمطعم,,,وأشيك على جوالي,,,والقى رسالة مفقود اخرى من بوقوس ديكولاص,,,

قلت خلني ادق على هالقروي أشوف وش يبي : (214):,,,

>>>>>>>>>> : ((نعم!! ))

>>>>>>>>>> : (( ياخي محولة على مفقود علشان ماحد يدري اني رايح للمغرب...وبعدين خير!!وش تبي الله يمحنك!!! أبلشتني الله يبلشك!!: (103):))

>>>>>>>>>> : (( بوقوس مين والناس نايمين!!! رح انت وخشتك اللي تقول وجه تيس مشوي محروق!! قال غاير منه قال!!..وبعدين وش أورطك يابن الحلال...اهبل انت!!! : (103):إصبر...أول مأشبك بالنت برسل لك الرقم...))

>>>>>>>>>> : ((طيب الله يصجك!!.. يله ..مع السلامة ))

سكرت السماعه,,,وطلعت من المطعم,,,وجلست الف شوي بالسوق ثم تكيت بكافي

قدام صالات السينما,,,,وتقهويت كابتشينو,,,وقاعد اتفرج على الرايح والجاي,,,جلست

فيه شوي حتى قرب موعد الفلم,,,حاسبت ب 20 ريال حق الكوفي,,, ثم اتجهت

للسينما,,,طلبت كولا ب 10 ريال لزوم التجغيم : (2):ودخلت الفلم,,,وكانت الصالة شبة فاضية

اللي فيها مايتعدون 15 شخص,,,

جلست وشاهدت الفلم,,,وكان الفلم طويل مرة وقصته مؤثرة جدا,,,وهو عبارة عن فلم

تشويق واثارة ودراما بنفس الوقت,,,

انتهى الفلم تقريبا على الساعة 2 الا ربع الفجر ,,,طلعت من السوق واخذ تاكسي

للفندق أبو كلب اللي بحارة المصريين ((الليوان سويتس)) ,,,وسعر التاكسي 30 ريال,,,

دخلت الفندق وبلغتهم بوقت مغادرتي الساعة ست الصبح,,,وبلغوني انهم بيصحوني

على نفس الموعد وبيكون الباص جاهز,,,وكنت دايخ جداً وعلى طول على

الفراش,,,وكنت مركد الساعة على 6 الصباح ,,,وانعس احلى نعسة: (716):,,,

^
^
^
^
^
^
^

يتبع...

__________________
تابعونا: (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

يوم الجمعة 22/4/2011م

صحيت سبحان الله من نفسي على الساعة خمس ونص الفجر,,,يعني نمت 3 ساعات

وشوي ويدقون علي الفندق على بالهم بيصحوني مادرو اني صحيت من نفسي: (90):,,,

قمت والبس واخذ اغراضي,,,واطلع من الغرفة,,,وكان جسمي مكسر حالتي صعبة

واحس بتعب شديد,,,

وانزل تحت بالاستقبال,,,والقاهم حاطين لي كيسة فيها فطور,,,وكان الفطور تفاحة

وعلبة موية وسندوتش كلوب مرتديلا وأخذ الكيسة,,,ونركب الباص وعلى مطار

الدوحة,,,وجلست أكل فطوري بالباص,,,

وكان الصباح حلو وجميل بالدوحة,,, اظاهر علشاني رايح للمغرب صاير حلو

بعيوني: (478):,,,وصلنا المطار وكان عامر بالمسافرين,,,

دخلت المطار وجلست اتمشى في ارجائة,,,























رحت وخذت لي موية قيمتها 3 ريال,,, وجلست وقلت اشبك النت واشوف اخبار منتدى

المزاعيط,,,وأرسلت للقروي بوقوس رقم الشقة الله يبلشة!!,,,

جلست اقلب بالنت,,,ثم سكرت الجهاز,,,وقرب وقت الصعود للطائرة,,,رحلت لسوق

الحرة وخذت لبن خاثر : (479):بقيمة 220 ريال,,,

وبعدها توجت للبوابة,,,وكان بوابة الصعود رقمها 10 ,,,صعدنا الطائرة,,,وكان مقعدي

بجوار النافذة وجنبي بالمقعد مغربي هرش وجسم : (510):بس للامانة محترم وخلوق وماله

حس: (456):,,,وكانت الطيارة عامرة بتوانسة ومغاربة من الجنسين,,,جلست بالمقعد واول

مااقلعت الطيارة,,,احط البطانية على خشتي,,,واسحب الشفاط ونومة: (119):,,,اظاهر اني كل

شوي اشاخر,,,لاني كل ماتوقضت اشوف نظرات غريبة من اللي جنبي ومن

المضيفة: (99):,,,المهم ماعلي منهم,,,واكمل دعس النومة: (119):,,,



شوي كذا,,,واسمع هتافات واهازيج

((اذا الشعب يوماً أراد الحياة...فلبد للقدر ان يستجيب)),,وأسمع

(( لقد هرمنا...هرمنا...حتى هذي اللحظة التاريخية )) ,,,قلت ياولد اظاهر اني احلم

ومتأثر بقناة الجزيرة من كثر ماشوفها اخر الايام,,,واقوم واشيل البطانية واناظر,,,والا

والله فعلا الناس تردد ومبسوطة,,,صارو هذولي توانسة اغلبهم عوايل رجال وزوجاتهم

وبزارينهم,,,فرحانين بسقوط الطاغية بن علي,,,وبإنتصار الثورة: (757):,,,وجالسين يرددون

هالكلام,,,لان قربنا من الهبوط بقرطاج,,,وانا طول هالمدة نايم ولا صحيت الا على

هالاهازيج: (136):,,,واقوم وأخش عرض وأقول

((اللمّبي يريد اسقاط المزاعيط ))<<<<<<<< لاتصدقون :yess:

بصراحة تشوف فرحتهم مساكين ودك تدعي لهم وتشاركهم افراحهم,,,,وجالسين

يسلمون على بعض,,,ويباركون لبعض بسقوط الاهبل بن علي,,,

المهم انا صحصحت ورحت لدورة المياة,,,وأبلشتني المضيفة الا أرجع لانه وقت

هبوط,,,وأرجع والشكوى لله,,,وجلست التقط بعض الصور لتونس الخضراء,,,,

لحظة هبوط الطائرة بمطار قرطاج

هبطت الطائرة بمطار تونس قرطاج,,,ونزلو التوانسة من الطيارة,,,وأدعس لك لدروة

المياة: (778):,,,وبصراحة فضت ثلاث أرباع الطيارة,,,ومعاد فيه الا القليل,,,

المهم جلسنا ساعة توقف,,,وبدو المضيفين بجرد الشناط العلوية للتاكد مافية شنطة

مفقودة للمسافرين المغادرين,,,وبعدها بدو بعد الركاب الموجودين,,,طبعا النظام هذا

ماعمري شفتة الا على الخطوط القطرية!! ليش مأدري!!: (76):

وهذي صور لإسطول الخطوط التونسية وبعض أرجاء المطار

ماشاء الله الخطوط الاماراتية في كل بلد

لحظة مغادرة الاراضي التونسية: (246):

ماشاء الله تبارك الرحمن,,,تونس خضراء فعلاً وتسر النظر: (486):,,,ولاحسيت بفترة التوقف ابداً

أقلعت الطائرة من مطار تونس قرطاج,,,متجه للدار البيضاء,,,وكلها كم ساعة والا بلاد

المعشوقة تطل علينا بخضرتها البهية,,,

لحظة هبوط الطائرة بمطار محمد الخامس

ماشاء الله كانت الدار البيضاء أمطار خير ونعمة من لحظة وصولنا: (486):

هبطت الطائرة بمطار محمد الخامس ,,,وكانت الساعة تشير الى الخامسة الا ربع عصرا

بتوقيت المغرب,,,وماشاء الله الدنيا أمطار وخير ونعمة وعمار ياكازا عمار,,,قمت وألقط

شنطة اللابتوب وأكياس الأغراض,,,واطلع من الطيارة,,,وأروح للكاونتر حق تختيم

الجوازات وكانت زحمة شديدة,,,

^
^
^
^
^
^

المهم هذا اللي لابس اسود ((بولو)) رقم 3 ايطاليا,,, طول وقته معصب ومتضجر : (76):ويقول

((وينهم هذولي!!)) ((وراهم ماجو)) (( وش قلة الحياء هذي)): (440): بصراحة مادري من يقصد

وشوي ويتلفت يدور

ويلتفت يسار

ويلتفت يمين

وشوي كذا ويجيه مغربي شايب كاشخ ولابس كرفتة,,,ويرحب ويهلل فيه: (772):,,,والاخ ينفخ

عليه ويقولة (( الحين انا مذيع وبقناة معروفة وتاركيني بالبهذله هذي!!)) يقصد

الزحمة,,,ويتعذر منه المغربي,,,

ويتأسف ويقول له (( اننا واجهنا صعوبات مع الامن ومادخلونا الا الحين)) ويرد عليه

المذيع (( حتى ولو مايصير تخلونا بالزحمة هذي)): (440):,,,ويأخذه ويسحبة ويودية لكاونتر خاص

على جنب ويدخلة,,,وانا اقول في نفسي الله وأكبر ياوزير والا ياصاحب سمو!!! مذيع

وشايف نفسك على إيش!!! انت مجرد بوق وثرثار بالتلفزيون وجاي تشوف نفسك على

العالم!!!


طبعاً اول ماراح المذيع ومعه المغربي.,,,,المغاربة اللي معي بالسرى يناظرون بعض

ويقولون ((شنو هاذ)) :ang:((شنو هاذ)),,,مستغربين من تصرف هالمتعجرف المريض!!!

ياخي وش بيضرك لو صفيت مع العالم سرى زي الناس بدل هالاسلوب المتعالي

والمتغرطس,,,,ياخي حتى اللمّبي صاف معهم ولا قال شيء<<<لايكثر: (769):

طبعاً كملنا بسرانا حنا المساكين,,,حتى جاء دوري,,,وعطيت موظف الجوازات

جوازي,,,وختمة وقال لي (( مرحبا بيك)),,,من دون طرارة ولا شحاذة,,,واتعدى مدقق

الجوازات,,,ونفس الشي رحب وهلل,,,ولا طلب شي,,,بصراحة هذي خطوة تشكر

عليها الحكومة المغربية: (772):,,,نظفت المطار من الاشكال التعبانة قبل,,,وصاير الاسلوب حلو

وعسل,,,اظاهر مصائب قوم عند قوم فوائد,,,ومستغلين فرصة قدوم سياح الدول العربية

اللي حادث بها مظاهرات,,,

نزلت مع الدرج,,,وخذت لي عربية حقت العفش,,,واتجهت للسير حق العفش,,,واجلس

أنتظر لي حوالي نص ساعة علشان يجي العفش,,,طبعا هالعادة قديمة بالمطار

يلطعونك على بال مايوصل عفشك,,,اظاهر يجيبون الشناط بالقطارة,,,حبة حبة,,,شفت

الوضع كذا,,,وانا وقتها كان وقتها بطني يمغصني من هالرحلة الطويلة,,,قلت خلني اروح

لدورة المياة عزكم الله,,,ورحت للدورة وكان المشرف عليها بنتين خدامات: (54):,,,حرام صراحة

يتواجدون بالمكان هذا,,,المهم دخلت الحمام ولا حصلت فيها شطاف!!! والمشكلة ان

البلد بلد إسلامي!!! المفروض يكون من ضمن اساسيات دورة المياة,,,,واطلع واقول

للعاملة,,,وبصراحة ماقصرت وجابت لي غرشة فاضية علشان اتوضى فيها,,,دخلت دورة

المياة وخرجت,,,وعطيتها اكرامية,,,ورحت لسير العفش والقى شناطي وصلت,,,ادخل

كيسة اللبن الخاثر جوى الشنطة منعاً للشبهات والتصيد,,,واخذ عفشي وادعس

للجمارك,,,وطلب مني حق الجمارك ادخلها بالفحص الألي,,,,وادخلها بالسير الألي

واستلم عفشي زي الحلاوة وامشي من دون وجع راس ولا اكراميات,,,وبصراحة

هالسفرة ملاحظ تغير كبير في التعامل,,,المعاملة متحسنة اكثر,,,اظاهر انهم جايتهم

توجيهات بتحسين المعاملة نظراً للإقبال اللي بيجيهم من السواح هالسنة,,,

وأطلع من عند الجمارك,,,ورحت للكشك ((محل صغير)) واخذ من عندة كرت شحن

اتصالات ب 200 درهم ,,,واشحن الجوال,,,وأجري اتصالاتي : (214):مع اللي متفق معهم حقين

الشقق,,,وادق عليهم كل واحد منهم يتعذر!!! اللي يقول الشقق عمرت!!! واللي يقول

اللي بالشقة مدد كم يوم!!! واللي يقول ماكينش!!!

ويرتفع ضغطي : (76):وأسفل فيهم واتكلم عليهم:ang:,,,,وخصوصا أخر واحد لاني كنت متفق معه

ومكلمة اكثر شي,,,وجالس يتعذر ويقول بكرة بحصل لك واسكن بفندق وبكرة

أدبرك,,,واعطيه على راسه من الكلام القاسي واصك السماعة بوجهه!!!

بصراحة حسيت الدنيا قفلت بوجهي وضاق صدري!!!وش أسوي ياولد!! وش

أسوي,,,قلت خلني اروح أصرف الحين وبعدها يحلها ربك بالف حلال,,,اتجهت للصرافين

ورحت لاخر واحد على اليسار,,,وهو دايم اصرف من عنده,,,اسمه ((وفاء كاش))

أسعار الصرف لذلك اليوم

صرفت من عندة ب 10 الاف ريال سعودي,,,وكان سعر الصرف

الريال السعودي = 2,038 درهم مغربي,,,

أخذت فلوسي,,,ومشيت,,,وشوي يجيني اتصال من المغربي اللي سفلت فيه اخر

واحد,,,واسمه نبيل,,,ويخبرني ان فيه شقة حصلها الحين ويبيني اجي اشوفها,,,

قلت مو مشكلة اجيك الحين ونشوف وش اخرتها,,,


اخذ عفشي واغراضي بتجه للتكاسي,,,ويجني حمالي شايب فيه الموت اظاهر,,,ويبي

يشيل عفشي,,,قلت يله نكسب فيه ثواب,,,ياخذ العفش ويدرعم بي لمواقف

التكاسي,,,واول ماطلعت من المطار,,,وانشق لك ذيك النشقة واتنفس بعمق لهواء

الاطلسي العليل,,,اللي من بعدها شق صدري شق ورد لي الروح والصحة,,,واه يازينة

من هواء: (201):,,,

واتفق مع تاكسي مرسيدس على 250 درهم على التسعيرة المكتوبة...واعطي

الحمالي 20 درهم ويركب العفش,,,واركب أنا ورى ويمشي التاكسي,,,وادق على

العربي: (214):

>>>>>>>>>> : (( (( الووووووو...سلام عليكم))

>>>>>>>>>> : (( هلا هلا...وعليكم السلام...حمد لله على السلامة))

>>>>>>>>>> : (( الله يسلمك ...ايش الاخبار))

>>>>>>>>>> : (( تمام...هاه وينك))

>>>>>>>>>> : (( بالتاكسي...رايح اشوف لي شقة))

>>>>>>>>>> : (( اترك عنك الشقة...وتعال لمي الحين واسكن معي تراني لحالي والشقة وسيعه..وخل عن الكلام الفاضي))

>>>>>>>>>> : (( يابن الحلال...خلني اشوف الشقة واذا اعجتني حطيت عفشي وجيتك...واذا ماعجتني جيتك انا وشناطي: (764):))

>>>>>>>>>> : (( يله بإنتظارك...والسهره الليلة بتكون جاهزة عندي))

>>>>>>>>>> : (( وهو كذلك...مع السلامة))

>>>>>>>>>> : ((مع السلامة ))

واسكر السماعه,,,واواصل مشاوري مع التاكسي,,,

وهذا الفندق دايم نمر علية,,,ولاعمرنا سكنا فيه

طريق برشيد: (201): على اليمين...وتحية خاصة لإقلاع;)

حتى شركة شارب ترحب فينا: (451):

تشوفون ماشاء الله رذاذ المطر على السيارة

مكتب تعرفة الطريق السيار

محطة أفريقيا....ياكثرها بالمغرب

وهنا يبداء يطل مبنى الاتصالات الشهير

أبراج التوين سنتر وطلتها البهية: (772):

^
^
^
^
^
^
^
^
^
^
^
^
^
^

طبعاً اللي فات...كان كله صور للطريق الى كازا...

الان أخليكم مع مقاطع الفديو حقت الطريق....

الطريق الى كازا مع التاكسي... ولاتفوتكم الصلعة: (43):

هنا عاد قام يتميلح وشغل لي خليجي (( البادي أظلم)) ثم خربها بعدها وشغل شامي: (764):

هنا دخلنا كازا...وهذي ابراج التوين تطلع علينا...

وتشوفن زحمة الطريق والسيارات...كاني اشوف رويبح يدبك على الاغنية: (700):

وكان التاكسي حبوب ومحترم,,,وعطاني البزنس كارد حقة,,,وطول الطريق يشغل لي

اغاني خليجية,,,يلمح لي ان الوضع اوكة وانه يبي يخدم مع الخليجيين,,,

المهم دخلنا وسط كازا,,,واكلم نبيل علشان يعطيني الوصف,,,وخليته يكلم التاكسي

ويوصف له,,,المهم التاكسي وصل للمكان اللي متفق عليه,,,وكان تقاطع طه حسين

مع موسى بن نصير,,,وجلسنا ننتظر,,,ابو الشباب كل شوي يقول جاي جاي,,,ولطعنا

تقريباً نص ساعه: (76):,,,وبالاخير ادق عليه واهاوشة:ang:,,,ويرسل لي العساس حق

الشقة,,,وكان العساس أكحل ((أسمر)) وجاني حتى السيارة,,,خذ شناطي

وعفشي,,,وحاسبت التاكسي ب 300 درهم لاني لطعتة معي نص ساعه,,,وبصراحه

هو محترم وكويس ويستاهل,,,

المهم مشيت مع العساس حتى وصلت للعمارة,,,شوي ويجي نبيل,,,واستلمة تهزيء

وسب: (76)::ang:,,,بخصوص التأخير وانه سحب علي بالبداية,,,وجلس يتعذر ويتأسف ويقول كازا

عامرة وماكينش مكان خاوي ومن هالكلام الفاضي,,,

المهم دخلنا العمارة,,,ورحنا للشقة وكانت بالدور الثاني,,,وادخل اشوف الشقة,,,كانت

ضيقة بس حلوة ومتكتكه,,,واناظر فيها زين,,,وانصدمت ان مافيها مكيف: (139):,,,وأقولة

>>>>>>>>>> : (( يابو الشباب الشقة مافيها مكيف!!! تبي تموتنا حر أنت!!: (76):))

>>>>>>>>>> : ((مايحتاج مكيف...افتح الشباك وكلها خمس دقايق والبرد داخل الغرفة:)))

>>>>>>>>>> : (( تستهبل أنت!!!: (786): تبيني اخيس هنا!!! أنا متفق معك على شقة بمكيف!!! تلعب علي يالثور!!! كان قلت لي من الاول بدل هاللطعة والكلام الفاضي علشان ماجيك!!!))

>>>>>>>>>> : ((معليش خويا اللمّبي...الدنيا عامرة وماكينش حاجة مزيانة دابا...انتا اسكن فيها دابا...ويوم الاحد ان شاء الله الشقة المزيانة بتفضى))

>>>>>>>>>> : (( وأنا جاي ومسافر علشان أنتظر شقتك متى تفضى!!! أنا أتفقت معك من الأول لكن انتم همكم فلوس وبس!!! ولا أبي شقتك هذي ولو تموت ماسكنتها!!!كلمني بكرة اذا فضت الشقة الزينة على قولتك اجي اشوفها!!! وعيب عليك اللي سويتة!!! اذا انت مو قد كلامك ليش تخليني اجي واتبهذل على الفاضي!!))

>>>>>>>>>> : ((سمح ليا يالزين...وعارف انك زعلان...بس شنو اسوي...الدنيا عامرة دابا))

وجلست بالشقة وأدق على العربي: (214):,,,وخبرتة أني جاي وان الشقة ماعجبتني,,,وقلت

له لما أركب تاكسي باخذ منك الوصف,,,

المهم خذت شناطي وطلعت من الشقة,,,وعزم علي نبيل الا أركب معه السيارة

بيوصلني للعربي,,,يبي يراضيني على قولتة,,,وأركب معه واعطيه التلفون واخلي

العربي يوصف له,,,

المهم قبل مايروح لشقة العربي ,,,مر بي على عمارة بالطريق,,,وسئل العساس اذا عنده

شقة فاضية,,,ورد عليه العساس انه مايسكن خليجيين!!!: (703):

المهم وحنا متجهين لعمارة العربي,,,والا والدنيا ماشاء الله تمطر بغزارة,,,وصلت لبنك وفاء

المقابل لشقة الزير سالم,,,


نزلت من السيارة: (172):,,,وخذت الشناط,,,وكانت الدنيا تمطر بشدة,,,والعربي كان جالس

بالمقهى اللي تحت الشقة يتقهوى,,,


واخذ عفشي وادعس بسرعه وادخل المقهى وأنا مدرعم وبغيت اصفط,,,وجسمي

مبلول موية,,,واسلم على رفيق الدرب العربي باطمة ويتحمد لي بالسلامة,,,طبعا

العاملة اللي بالمقهى تناظر لي بتعجب وبإستغراب!!! شكلها تقول وشذا المطفوق اللي

يتمشى بكازا ومعه شناطة!! لاني حطيتها في نص المقهى,,,

المهم بعد السلام والاستقبال الحافل من الاخ العزيز العربي باطمة,,,خذت عفشي

وطلعنا من المقهى ودخلنا العمارة وعلى الشقة,,,

دخلت الشقة,,,وكان بإستقبالي الخادمة فاطمة: (242):,,,,وااه يافاطمة,,,وش اوصف ووش

اخلي عن هالخادمة الطيبة والبشوشة: (826):,,,أدب وأخلاق وطيبة,,,وعندها حرص اهتمام

للضيف,,,ومبدعه درجة أولى بالطبخ المغربي وبالضيافة المغربية,,,يعني من يوم ماتحط

الاكل على الطاولة,,, تشوف يدينا تتسابق على الصحن: (109):,,,ماشاء الله عليها,,, طباخة

وعندها نفس بالطبخ يخليك تاكل حتى تغص: (121):,,,

سلمت علي الخدامة فاطمة ومعها مساعدتها الاخت سعاد,,,وخذو شناطي وودوها

للغرفة,,,وانا جلست مع العربي بالصالة,,,نسولف طبعا الزير نسى دخانة بالمقهى تحت

وارسل الشغالة تجيبة,,,ومثلكم عارفين انا جاي من رحلة مارثونية ومتعبة: (88):,,,وصاير

بطني متحجر وشاقص من كثر الجلوس بالطيارة,,,,شوي كذا وتجيب لي الخدامة شوربة

حوت,,,يالله عليها طعم غير طبيعي,,,واشربها بلهفة المطفوق: (213):,,,وبصراحه خففت علي

الام المعدة,,,وهجد بطني شوي,,,,

بعد مالتحت الشوربة,,,قمت ورحت للغرفة واخذ الفوطة حقت كارفور وعلى المروش,,,,

واحلى دش وتروشية العمر,,,واسترخاء بالبانيو ربع ساعه: (487):,,,,اتلين عقب رحلة السيكل!!!

بعدها طلعت وغيرت ملابسي,,,وتعطرت,,,ثم طلعت للصالة,,,

شوي كذا ويجونا شلة شباب زقرت : (621):تحطهم على يمناك,,,جلسنا سوى بالصالة واحلى

سوالف ودردشة مع بعض,,,

وبدينا وسهرنا من بدري,,,وكانت الجلسة حلوة ومتكتكتة,,,والطاولة عليها من مالذ وطاب

من مزات وفواكة,,,شيبس وجبن ومورتديلا ومكسرات,,,وشوي كذا الخدامة تجيب لحم

مقلقل مسويته على شكل مزة طعمه خيالي,,,

غير الالبان الخاثرة اللي على الطاولة: (479):,,,بس الزير سالم مايحب اللبن الخاثر,,,عندة حليب

خلفات درجة اولى: (169):,,,

كملنا السهره بالصالة,,,وكانت قمة الوناسة والضحك,,,وماشاء الله الخدامات كل شوي

يجوون ويشرفون على السهره,,,بصراحه خدامات فايف ستار,,,خلف الله عليك ياشعبولا

قريح انت وشقتك المخيسة!!!: (704):

وكانت اغاني السهره لاتخلو من

طبعا كان السهر على لابتوب الزير,,,وكان عنده سماعات خارجية كأنها علبة عود أسنان!!

صغيرة جداً,,,ويوم يورني اياها احسبة يبي يعطيني عود أسنان!! وكانت بالبداية توشوش

وبعد عدة محاولات ضبطت,,,

انا مابغيت اطلع اللابتوب ديالي وافجر ام الشقة ازعاج واحرج الزير واسبب له احباط

وتحطيم,,,قلت احترام للزير ولا نبي نفشلة وابين ان لابتوبة مايسوى,,,,

بصراحة كانت سهره ولا الف ليلة وليلة مع مستر زير: (456):,,,وكان فيه واحد من الشباب من

الشلة اللي معنا يحب شي اسمه ماكدو,,,دلوع ومن طقة ((بابا...ماما...ماكدو)),,,المهم

انه بنص السهره زعل وعصب,,,ولا اعجبة الجو ودق على التاكسي وراح,,,

كملنا سهرتنا وفليناها,,,حتى شوي كذا وتجينا الخدامة فاطمة بكبسة لحم ماحصلتش: (140):,,,

ونخلي السفرة أرضية,,,وتحط الكبسة والسلطات,,,

ونجلس بالأرض وأحلى تربيعة ونطب انا والزير في وسط الصحن ومافية الا قوة

ضرب ام خمس,,,ولقمة تردف لقبة: (791):,,,مسابق على الصحن,,,حتى تتفخت

بطونا,,,,بصراحة كبسة لحم في الصميم,,,,وخصوصا عقب السهره لها جو ثاني,,,,

خلصنا متعشين,,,,وعقب العشاء يحلى التدسيمة بشوية لبن,,,كملنا شوي

السهره,,,بعدها انا جاني النعاس,,,بحكم التعب اللي فيني,,,رحت للغرفة واطق احلى

تروشية على السريع قبل النومة,,,بعدها رجعت للغرفة,,,غيرت ملابسي واحلى

نعسة: (119):,,,

^
^
^
^
^
^
^

يتبع...

__________________

تابعونا: (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

يوم السبت 23/4/2011م

صحتني الخدامة سعاد,,,وكانت الساعة تشير الى الواحدة ظهراً,,,بصراحة دعست نومة

ولا حسيت بنفسي: (780):,,,والشي الثاني ميزة الغرفة انك اذا حطيت الستارة تصير الغرفة

سوداء لاتعرف ليللك من نهارك,,,وادعس نوم ولاتدري باللي حواليك,,,

المهم صحيت وطلعت للصالة والقى الزير صاحي من بدري,,,وماشاء الله القى الفطور جاهز على

الطاولة: (432):,,,, طاجين بيض بالكفتة ومسمن وعسل وبغرير وانواع واشكال من الاجبان

وزيتون ومربى واتاي وعصيرات مشكلة,,,بصراحة فطور ملوك وشغل عدل,,,حسبي الله

عليك ياشعبولا قريح انت وفطورك ابو قعط!!!


دبينا بالفطور,,,ماتدري وش تاكل ووش تخلي,,,ماشاء الله فطور يفتح النفس ويكون لك

خاطر تاكل,,,,وتسلم يدينك يافطوم على هالفطور الملكي,,,

بعد ساعه هجوم على الصحون,,حمد لله شبعنا,,,وكملنا الجلسة بأتاي جديد,,,وخذ

سوالف وضحك,,,اتفقت مع الزير اني اكمل معه بقية الايام بالشقة حتى يجي مصطي الرومنسي,,,

المهم اتفقنا نطلع وناخذ لنا لفة على كازا,,,وكانت الساعه اربع العصر,,,قمت ورحت

لغرفتي اتكشخ والبس واتشيك,,,واناظر جوالي السعودي واحصل رسالة مفقود من

شيخ المزاعيط: (210):,,,وادق عليه من جوالي المغربي ويسكر في وجهي,,,ثم يدق علي هو: (503):

>>>>>>>>>> : (( مسيك بالخير ابوي))

>>>>>>>>>> : ((هلا والله وغلا بشيخنا : (772):))

>>>>>>>>>> : ((حمد لله على السلامة مابغيت توصل))

>>>>>>>>>> : (( الله يسلمك ياغالي ...خلها على ربك ياهي رحلة تسد النفس))

>>>>>>>>>> : (( ماش يابوي صوتك مهوب عاجبني ))

>>>>>>>>>> : (( تقدر تقول تعبنان شوي عقب هالرحلة الطويلة: (134): ))

>>>>>>>>>> : (( أكيد ياغالي !!))

>>>>>>>>>> : (( ايه نعم الله الله ))

>>>>>>>>>> : ((ابد يابو حميد حبينا نطمن عليك...سلم واسلم))

>>>>>>>>>> : (( الله يخليك عزيزي...وشاكر كل ومقدر...))

>>>>>>>>>> : (( توصي شي يابو حميد ))

>>>>>>>>>> : (( ابد سلامتك))

>>>>>>>>>> : (( مع السلامة ))

>>>>>>>>>> : (( مع السلامة ))

سكرت السماعة,,,وكان برضو حصلت ميس كول من نبيل قريح: (437):,,,سحبت عليه ولا

رديت,,,المهم تعطرت وتكشخت: (732): وطلعت للصالة ,,,والقى العربي كاشخ وجاهز,,,

طلعنا من الشقة وخذناها مشي حتى طلعنا على شارع الزرقطوني,,,

وهذي صور للتوين على العصرية,,,













اتفقنا نروح لعين ذياب اول شي مادام الوقت بدري,,,,وقفنا تاكسي وعلى عين ذياب

عمارة أمينة

وهذا تونا نوصل للكورنيش

وصلنا للكورنيش,,,وكان مزحوم شوي بحكم انه يوم السبت وهو يوم اجازة عندهم,,,

نزلنا من التاكسي,,,وجلسنا نمشي شوي بالكورنيش,,,وبصراحة كان الهواء عليل ويرد

الروح,,,شوي كذا ويجني شخاذ بزر عمرة تقريبا 8 سنوات ومعه علبة علوك,,,ويجلس

يطر ويشحذ,,جاء لمي ولاعطيتة وجه,,,ثم راح للزير سالم ولا عطاه وجه,,,ويجلس

يمشي ورانا: (700):,,,ويجي ويلزق فيني ويجلس يطر ويترجى ويدعي لي,,,وانا مطنش ولا لي

خلقة,,,شوي وكذا ويلصق فيني لصق,,,انا خفت انه يسرق والا يلطش شي من

جيبي,,,واكرشة واقوله ((يابني ادم سير خلاص ماكينش والو)),,,ويجلس وينشب

زيادة,,,كانه شبث عيا يفكني,,,ويترجى ويطر,,,واكرشة بصوت عالي وهددته اني بجيب

له الشرطة اذا ماراح,,,وشوي كذا ويقلب 180 درجة ويجلس يسب ويشتم ويلعن!!!

ماخلا كلمة خايبة ماقالها!!! ويمشي وراي ويسب!!

قلت له (( الحين قبل شوي تشحذ وتترجى وبعدها صرت تسب: (764):)),,,,ويرجع ويسب مرة

ثانية والناس تناظرة!! ومستغربة من هالبزر على الكلام الخايب اللي يقولة,,,واقول

اطقة والا اشوتة والا وش الحل!!!

المهم الزير سالم يأشر لي يقول خلنا نمشي ونسحب علية,,,واطنشة وامشي ويجيني

ويلحقني ويحط رجلة قدامي يبي يعكر لي!!!

واقولة : (( مجنون أنت!! تبي تعكر لي وانا كبرك مرتين!! سير ياكلب!!: (786):))

واجلس اشتمة واسفل فية,,,وجلس يرد علي بالشتيمة وراح وبعد شوي,,,بعدها حس

بالملل ولاعاد جاء,,,

بصراحة بغى يطلعني عن طوري واطقة,,,بس ربك ستر ومهما كان بزر

صغير,,,والشرهه على شرطة السياحة اللي مخليه هالاشكال بالشارع,,,,

المهم كملنا مشي على الكورنيش,,,

مقهى فينسيا بعين ذياب

هنا مقهى تروبيكانا الشهير بعين ذياب

مطعم السعد مقابل مقهى تروبيكانا

بعدها قررنا نتقهوى بمقهى تروبيكانا,,,تكينا فيه وطلبنا قهوة انا نص نص والعربي مادري

وش طلب,,,وطلبنا موية سيدي علي,,,وكانت جلسة حلوة وترد الروح مع هالهواء

الاطلسي العليل: (732):,,,تخللتها بعض السوالف والوناسة,,,

وكان كل مامر شي يجذب العقل: (85): تحصل الزير سالم يطلق ضحكات ساخرة محاولً لفت

الانتباه,,,,الله يرجك يالزير: (136):,,,

بعد ماتقهوينا وسمرنا بالسوالف,,,حاسبنا وطلعنا من المقهى,,,واتجهنا لفرايديز,,,

مبنى الشرطة السياحية بعين ذياب

ماكدونالدز عين ذياب

دخلنا فرايديز وتكينا على البار,,,وطلبنا لنا لبن قليل الدسم: (479):,,خفايف,,,وسوالف

وضحك.,,,والجلسة بصراحة بفرايديز على وقت المغربية لها طعم وجو خاص,,,

وبعد السواليف والنظارات الخاثرة: (85): والموسيقى الهادية,,,,حاسبنا بفرايديز وطلعنا منه

على الساعه تقريبا 8 الليل,,,وندق على التاكسي اللي جابنا لعين ذياب يجي

ياخذنا,,,لان ماشاء الله السيارة حقته شغل نظيف,,,

شوي كذا ويجينا ونركب معه,,,





هنا لحظات خروجنا من فرايديز عين ذياب,,,متجهين للتوين سنتر,,,ومثلكم عارفين كان

يوم سبت عندهم,,,والدنيا زحمة,,,,

وهنا التاكسي يقول للعربي : (( كاينه الكورة تما))

والعربي يرد عليه : (( من هي)) اجل من هي الله يرجك...ويرجع

التاكسي ويقول له (( كاينه الكورة ))...والعربي مستقعد : (( الكورة مين ))....مابغى

احرق عليكم الباقي...لايفوتكم المقطع

حنا نشجع العشاء والا العصر...مانشجع المغرب....مانت صاحي

وقررنا نتجه للتوين سنتر,,,مشى التاكسي,,,وكان الطريق مزحوم وعامر بالناس,,,

وأعجبني أسم هالفندق: (137):,,,

وصلنا للتوين سنتر,,,نزلنا من التاكسي,,,وندخل السوق ونطلع فوق بالدور الثالث,,,

ونروح وننصى مقهى المنتي كريستو: (772):,,,ونتكي فيه,,,واحلى طرب على صوت حميد

الشجين: (762):,,,وكان الحضور جيد,,,وكان فيه ولد اللواء موجود,,,مشخص باللابتوب ومسوي

انه بالشانزليزة مو التوين!!!

المهم بعد الجلسة والضحكات والنظرات الخطافية,,,قمنا وطلعنا من المحل,,,ورحنا

للشقة مشي,,,بحكم انها قريبة جدا من التوين,,,وبالطريق بهذولنا الشحاذين حقين

التوين سنتر وذبحونا بالطرارة: (102):,,,

وصلنا الشقة,,,ولقينا فيه شلة شباب طيبين موجودين الشقة,,,جلسنا معهم شوي

والا الشغالة فاطمة تجيب لنا طاجن لحم بالخضر اخر كلام,,,وتحطة على

الطاولة,,,ونسمي بالله وناكل,,,ومافية الا قوة ضرب: (121):,,,ماشاء الله على هالشغالة عليها

نفس عجيب بالاكل,,,خلصنا عشاء وتحمدنا ربنا على النعمة,,,

قررنا انا والزير سالم نسهر الليلة برى,,,

رحت انا وجلست احلق بالحمام : (123):واتضبط,,,خلصت حلاقة واطق ترويشة: (127): على ماء

دافي,,,واطلع من الحمام,,,واروح لغرفتي واطلع احلى لبس للسهره,,,ألبس واكشخ

واتعطر واتنق,,,واطلع للصالة,,,شوي كذا ويجيك الزير سالم كاشخ ومضبط,,,وندق على

التاكسي ويجي يمرنا ونطلع للديوان,,,

دخلنا الديوان وجلسنا بالدور الارضي,,,وكان فيه طرب ووناسة: (451):,,,ونجلس بالطاولة ونطلب

لنا لبن قليل الدسم,,,,ونسمر بالجلسة,,,والوكاد ان جنبنا بالطاولة اثنين افارقة كاشخين

ومصهللين,,,ولا احد معطيهم وجه,,,

بعد الجلسة الحلوة قررنا نروح للبلاك هاوس,,,ودقينا على التاكسي,,,ويجينا وياخذنا

للبلاك,,,

دخلنا البلاك وكان فاضي شوي,,,وقفنا على البار وشوي كذا ويجيك مغربي مهبول هو

وزوجتة الهبلا...يرقصون بدلاخة على البست برقص مشمئز تحسهم مصافيق...وزوجتة

لابسة لبس مخيس مادري وش يبي,,,الغريب انهم مانطردو!!: (440):

كملنا السهرة بالبلاك,,,وبصراحة كانت ذيك الليلة مش ولابد:(,,,طلعنا من البلاك قبل

مايقفل,,,خذنا التاكسي ومرينا على مطعم فريز,,,وخذنا لنا عشاء من شاورما لحم

وسندويشتات كفتة وفريز,,,لنا ولأاخوينا بالشقة,,,

رجعنا الشقة وتعشينا سوى,,,بعد العشاء انا ماعاد اشوف من قوة التعب,,,انا استئذت

بروح ارقد,,,والعربي كمل السهره مع الشباب,,,وانا رحت لغرفتي وعلى الفراش واحلى

نومة: (716):,,,

فاصل ونواصل...

محبكم اللمّبي: (708):

ترقبوا بالحلقة القادمة....







بعنوان : (( الـتـوفـوسـيـخـة!))






الاحداث :

* منكح الحمام المغربي من الزير!: (103):

* قناص نجد مانسمع حسة الا بالكورة!

* بنيني وخّل!

* الطعس المشخص بالثوب في التوين!

__________________
تابعونا: (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

يعطيك الف عافيه