اشتراطات السفر إلى ⁧‫المغرب‬⁩

مساك الله بالخير اخوي مشعل

بالنسبة للبطاقة الصحية ضروري تعبيها بالانجليزي ؟ لانه فيه خانة للعربي ، حتى لو الارقام ماتقبل الا بالانجليزي بالنسبة للحروف تكتب بالعربي .. وانا عبيتها وطبعتها بالعربي اذا عندك خبر يشترط تعبيتها بالانجليزي ارجو التوضيح عشان اغيرها وجزاك الله خير

تقدر تطبع الورقه وتعبيها بكتابه اليد

هلا اخوي مشعل
بيض الله وجهك وجعلك سالم على المعلومات الوافيه والكافيه
انا كل شي تمام حجز الطيران مضبوط وحجزت السكن والسيارة وطبعت نموذج البطاقه الصحيه وراح اكمله ان شاء الله والاختبار نسويه قبل الرحله بيومين لا وفوقها طبعت شهادة اللقاح فوق البيعه يعني

بس انا عندي استفسار مهم
انا ما عندي اي اثبات حجز فندق لان اتعامل مع اشخاص والصراحه ما بيننا اوراق غير انها شقه اصلا وش الحل؟؟
احجز عن طريق بوكينق واطبع اثبات الحجز ثم الغيه؟؟ ما يسحب بوكينق فلوس مني؟ ما احب منكحة المواقع هذي
بس هذي المشكله وش افضل حل لها؟ اما الباقي كله تمام باذن الله ومسافر قريب مره ومجهز كل شيء من جميع النواحي ولله الحمد
افيدونا تكفون مشعل كوفيد كل الاخوان لاهنتو وجعلكم من عتقائه من النار بهالشهر الفضيل

مراح اعطيك الطريقه لين توعدنا تعطينا اخبار المغرب اول بأول من يوم تحرك من البيت لين ترجع البيت بالسلامه

لاني انا ان شاء الله سفرتي بعد الحج على طول

خلاص وعد ؟

كذا تمام هههه

خذ الطريقه يابعدي ولا يهمك

هذي طريقة حجز وهمي من موقع بوكينق ودرب السلامه

اول شي سجل في بوكينق بإيميل جديد هذا اللي مسويه انا لأن ايميلي الفعلي في بويكنق للحجوزات الصدقيه هههههه

سجل بايميل جديد واحجز اطرف فندق في المغرب بالمكان والمدينه اللي تبيها والتواريخ اللي تبيها يفضل تواريخ وقت جلوسك بالمغرب لين توصل عند آخر مرحله اللي هي مرحلة الدفع بالفيزا

خذ هذا الموقع وانسخ أي رقم فيزا او ماسار كارد كلها وهميه

Credit Card Number Generator & Validator - Formatter.com

والصقه في بوكينق وحط تواريخ انتهاء الكردت على كيفك ويفضل يكون الانتهاء بعد سنتين ثلاث

وحط اي اسم والا حط الاسم اللي سجلت فيه في بوكينق بالايميل الجديد

وتمم حجزك ياذيبان وبآخر الصفحه تجيك خيارات من ضمنها طباعة الحجز pdf اطبعه و الله ييسر أموركم وبيضو وجيهنا بالمغرب

وأي استفسار والا ماضبطت عند احد ابد انا حاضر

اسهل من هاذي في فنادق فيها خيار الدفع عند الوصول احجز منها وبعد ماتطبع الحجز اعمل الغاء وخلاص انتهت السالفه

ماقصرت نعم تمشي هذي الطريقه بعد

واللي يبي يطبع الحجز باللغه الانجليزيه عشان لا يتفلسفون عليه مثل استمارة الدخول القديمه

يحول بوكينق لغه انجليزيه ويحجز ويطبع الحجز ويلغيه

ابشر بها يا تاج راسي ابشر بها وانا ولد وايل والله ان يجيك تقرير وان بغيت اكتب لك تقرير عن اللي سويته برمضان من حجوزات واتصالات واستنفار لين ضبطنا كل شيء بتوفيق الله (يا شين الحماس )
جعلك سالم وماقصرت نبي نسويها انت ذكرتني بموقع واعتقد لهم تطبيق اسمه privacy يضبطك ببطاقات وتقدر تتحكم فيها يعني تقول هالبطاقه ابغاها للموقع الفلاني ياخذ مني شهريا هالمبلغ واذا زاد سوو له بلوك او تاخذ بطاقه وتغلقها على طول وتستخدمها موقع رايع يالزميل بس لازم تربطه بحساب بنكي امريكي (على ما اظن ) ولد اختي مضبطني فيها لانه امريكاني الهوى لكني اكره الغرب وامريكا واحب المغرب والشمال

بسوي اللي قلت لي عليه ولا يهون زميل الصعلكه الكبير ونصيحته الذهبيه بالحجز والدفع عند الوصول لكن مشكلتي انسان حقاني ولا احب الف وادور لكن حدونا على الردى لكن نبي نحجز ونطبع ونلغي ضمن الفتره المحدده والمسموحه لنا يعني لا ضرر ولا ضرار

اما التقرير والاخبار فابشر بها السفر قرب والفرح حان طاريه باذن الله امتّر لكم المغرب تمتير غربا وشمالا تبون لكل مدينه تقرير او تقرير لكامل رحلتي واذا سحبت اعرفوا اني طحت بعسل ويا عسل من اللي ذاقك اه يابخته ياعسل بالهنا اسقيني ساعه حتى لو اظمى سنه ظمينا سنتين يا بلبل الخليج نبيل شعيل ما تكفنيا سقيا ساعه نبي سقيا دهر

شكرا لك ايها الرايع والذوق

الله يسلمك والله انك كفو منت بمقصر

( نحن نعيش في ثورة الاتصالات عالم غير واقعي)

من هذا المنبر العظيم نقول ( أقوى المعارك لأقوى المزاعيط ) انتشروا في المغرب والله الله بالغنايم والاخبار الزينه

وباقي المزاعيط وانا منهم بالدفعه الثانيه بعدكم بنداقشكم بعد ماترجعون

دام فيها عسل بينسك المنتدى عزالله بتنسانا لأنك بتغرق فيه من يوم توقع الطائره ههههه

الله يوفقكم ورحله ممتعه وترجع بالسلامه

العفو يالامير

كفوك الطيب يالامير ويازين المغرب وطاريه بس والله ما قويت على بعد الحج حنا بصدر الجيش والله يستر ههههه كل شوي ادخل اشوف تذكرتي اتطمن عليها
لكن ترى العسل ما انتظرنا لين تاقع جنحان شاهين الا دحمنا وحنا بوسط صحراء نجد القاحله والعسل انواع يا صاح منه اللي يلسع بس دوا هذا للالام الطويله ومنه اللي زايد حلاه وغالي بس يضر الصحه والجيب هذا لا تكثر منه ومنه اللي يجي على جرحك ويطيبه هذا لا ترخصه "واللي يداوي علتك لا تسأله عن اسبابها" اما العسل الي ما قدرت تذوقه لكنه عسل هذا رحيقه اصيل وانتاجه احسن عليك برعايته وان حبيت تنتج فدربك خضر ماراح تندم
وتحياتنا ونلقاكم -باذن الله- في ارض المغرب الحبيب

اقسى من الموت غيبتها وتنشيف ريق
صبري جبل والجبل هدّه ديناميتها
يا مر الايام من عقب العسل والرحيق
ويا كبر الاحزان لو حاولت تفتيتها

جميل
الله يعطيك العافيه



Sent om my iPhone using مزاعيط المغرب