نصائح لكازا

هههههههههههه فعلاً قلبت المواجع يا صديقي المشكلة إن المغرب هو البلد الوحيد الذي تعيش ذكرياته وتكبر وتنمو مع العمر زرت دول كثيرة حول العالم وطواها النسيان أما ذكريات المغرب فيظل فيها وقوداً يشعلها فتبقى حاضرة في النفس. لعل الظروف تسمح بزيارة قريبة فأنا لا أفضل زيارتها بالصيف وإنما اذا انتهى الصيف وعاد الناس اسافر حيث لا زحمة ولا غلاء. وتكون الأجواء مناسبة. سعدت بمثاقفتك أخي الملتاع وعساك في خير وسرور. واقبل هذه الهدية

الحين المغرب بالصيف بسبب الوباء صايره مثل ايام زمان بعد الصيف لا زحمه ولا غلاء ويمكن اقل بعد
وعلى فكره افضل وقت للسفر للمغرب هو الصيف ياخي الجو غير طبيعي طبعا اتكلم عن اللي ما يروح للاماكن المعروفه مثل مراكش او خليج اغادير اكيد بالصيف غلاء وزحمه ومراكش حر انما اللي بيروح يستمتع مع نفسه بمدن مثل بعض مدن الرباط هرهوره مثلا او اصيله او مناطق بطنجه او حولها والله متعه لا توصف طبعا استثني المارينا بالمضيق ومارتيل صراحه تزدحم بالصيف من مغاربة المهجر وما اعرف صراحه هالسنه وش الوضع لكن اعلمكم ان شاء الله قريب عن الوضع بس نقطتي الصيف بالمغرب لا يوصف جو وهدوء وابتسامة الطبيعه لكن اختار المدينه الصح بالنسبه لي الاصل بالسفر هو الصيف لسبب بسيط لا يخفى اي شخص سكن في قلب نجد وهو الحراره اللي تشوي شوي وتكدر الخاطر وتتعب النفسيه وتخليك تفكر وتستحضر اجدادك كيف عاشوا على مدار قرون انا صاير ما اتحمل الحر بكل امانه وصراحه

وجهة نظري اللي يحب اجواء النهار والكوفيهات كازا تناسبه لانه مدينه كبيره ومتنوعه مقارنه بالمدن الثانيه اماكنها محدوده