منصدم بقوة

بخصوص اللي لقيت ب 88 ريال هذي الله اعلم غرفه مشتركه يعني تقوم الصبح تلقاكم اربعه في المطبخ تسوون فطور خخخخخخخخخ
بشكل عام الموقع فيه شقق ممتازه وشقق اقل جوده والصور احيانا لا تعبر عن الواقع
اذا منت راعي سهر ولا ازعاج وبسيط ولا عندك متطلبات نعم انصحك فيها سعر اقل وجوده رايعه بس كيف تعرف الشقه ممتازه او لا بالمغرب بعطيك النصايح التاليه :

1. اي شقه سعرها اقل من 400 درهم انحش منها ياصاحبي ولا تقربك غالبا فيها عيب لان هذا السعر هو السعر تقريبا الارخص لشقه ممتازه بالمغرب
2. ناظر الصور وتأكد ان فيه صور واضحه للشقه وبلكونه توضح منظر الشقه عشان ما تكون بمكان ما تدخله حتى سياره يعني مو حي شعبي بالزاف
3. انظر لتقييمات الناس وآراءهم واقرأها واذا ما تعرف انجليزي او فرنسي الترجمه تفي بالغرض
4. شف موقعها وين وادخل قوقل ماب وشف موقعها قريب من ايش وشغل قوقل ستالايت عشان يعطيك شكل المباني بشكل عام
5. تواصل مع صاحبها للاستفسار عن اي شي ببالك وهو راح يرد عليك بكل امانه وصراحه لانك بتقيمه بالاخير

اتمنى اني افدتك استاذي
حبيب طنجه