الحمدالله وصلت المغرب الان بمطار كازا

شكرا عل هذه المعلومات


أرسلت بواسطة iPhone بإستخدام مزاعيط المغرب

__________________
صالح من الرياض

صدقت يابو سلمان ماش شي لو 100 43 ريال وهاذي يجمعونها ويقسمونها بينهم رواتبهم ضعيفه الحمدلله على النعمه وتكفيك عناء واصل تعبان حتى لو صرفت فخمسين .الف درهم وانا ماشي لين خرجت من المطار يكفي الابتسامه وفرحتهم بعودتنا . والصرف صدقه تدفع اذى وتفرح مساكين لو 5 دراهم .
بالتوفيق وسفره

Sent om my DRA-LX5 using مزاعيط المغرب mobile app

مساء الخير شايب حائل
اخبارك إن شاء الله بخير
وين التقرير اللي يشفي العلة ويبرد الهم
ننتظركم بشوق لمعرفة ما استجد بعد كورونا
أما ماقبل ذلك فلدينا فكرة زووووينة
شكرا لك ورحلة موفقة نتمناها لك

__________________
كنبغيك وصافي

الحمدلله على السلامه وسلامة الاسفار
طبيعي تحصل مواقف وبعض الاستغلال في بداية السفر لوجهه جديده المهم ان نتعلم منها ،، بانتظار باقي التقرير وفي حفظ الله ورعايته

__________________
‏
والله إن الأخلاق ؛
مثل الأرزاق فيها غني وفيها فقير !

. (((أخوكم أبو مبارك)))

عليكم السلام ورحمة الله وبركاته
الحمدلله على السلامه
بالنسبة للشخص اللي شبر منك خير طبيعي كان اعطيته بتنفق اكثر مماتعطيه والخمسين والا المائة ان شاءالله مابتضرك وانوي انها حسنة لله ماطلبك الا وهو محتاج ..

واقع حصل ايام سوريا غصب طيب تدفع
في المغرب هو يطلبك من طيب خاطر كما تفضلت .
شكرا لك..

Sent om my SM-N960F using مزاعيط المغرب mobile app

خخخخخخخخخخخخ
ياخي الي يصير معك في مطار كازا مثل الي يصير مع الغزلان الي تجي في برامج ناشيونال جيوغرافيك ادغال افريقيا وهي مهاجره من مرعى لمرعى حالتها حاله تجي بتعبر النهر وتعال تنتيف من التماسيح والي يسلم منها تستقبله الاسود وهاتك ياطردي والي يسلم بيلاقي قدامه يومن اقشر ضباع وفهود حتى الكلاب يتجمعون ويطاردون ياااااوك ياحياة الشقا
المهم الحمدلله على سلامتك واستمتع يابعد حيي وانشدلنا وش وضع السهرات هم قدمو وقتها والا وش الوضع مادريت عن الحظر الي عندهم الا عقب ماقصيت التذكره لاني ماعمري سافرت للمغرب الا بهالطريقه احد نفسي حد ولاتورطت عاد بديت ارتب باقي اموري سفرتي ان شاءالله عقب اسبوعين وداري انك منت راعي عصير وسهر بس مايمنع تنشدلنا
الرحلات فلل ويالله بالقوه لقيت دايركت من الرياض عقب اسبوعين خذتها بسعر حليو جداً جداً جداً شكل الموقع كان فيه بلا
والورقه الي تقول لازم ناخذها حتى لو بروح لكازا
والي عنده علم وفا كاش للحين عندهم الحساب حقهم ناسي وش اسمه

وعذراً على الاطاله لكن ماسجلت الا بكثر النشده

السلام عليكم ورحمة الله وبركاته

والله إنك مزعوط قدير يا شايب حائل؛ أنا سجلت عشان أشكرك على هالموضوع الحلو والمفيد، وبساطة أسلوبك ما شاء الله عليك، هذا أللي يقولون عليه، السهل الممتنع.

أكيد أللي وده يسافر مثلي، متلهف على أي أخبار طازة من هناك؛ وما كل واحد مثلك، يخصص جزء من وقته ويتعب نفسه، عشان يفيد غيره. كثر الله من أمثالك.

في راسي أسئلة كثيرة، وأول مرة أروح المغرب ومتخوف، وطفشان، وما ودي أنتظر لين تهدأ الأمور وتزين... لكن يزينها ربك بإذن الله.

عشان كذا ودي ما تترك الموضوع وتحكي التجربة بتفاصيلها حتى العودة بالسلامة بإذنه تعالى، أكيد راح يكون فيها إجابات لأسئلتي تنغعني وتنفع غيري.

أبكتفي بسؤال واحد؛ يا ليت أحصل إجابة مؤكدة عنه:
لا جيت راجع عن طريق مطار كازا، يطالبوني بفحص كورونا لدخول المطار وصعود الطائرة لرحلة العودة أم لا؟ وما هي المختبرات المعتمدة هناك؟