متى يصل المغرب الى مناعة القطيع ؟

احترم وجهة نظرك .
لكن لو تلاحظ تصريح الابراهيمي يقول لك مطلع اكتوبر راح يطعمون ٦٠ % وهذا يعني حماية كاملة للمنظومة الصحية .

المغرب راح يصل مناعة القطيع بتطعيم ٧٠% من شعبه خلال 7 اسابيع فقط وهذا يعني ضرورة الغاء قانون الطواريء والرجوع للحياة الطبيعيه في منتصف شهر اكتوبر (10) او في نهايته .
هذا ماتقوله الأرقام ولكن في المغرب لاتستغرب شيء .
تحياتي ،،

اشكرك اخ ابو صلاح

كلام الابراهيمي نظريات

وانت بنفسك قلت ان نظرية المؤامره متفشيه عندهم

وانا اقول متفشيه عندهم وعندنا وعند اغلب دول العالم

رغم القيود اللي عندنا على غير الملقحين تابع اعداد الملقحين 90٪ طلاب واذا وصلنا 50٪ جرعتين هذا الشهر ممتاز

واذا وصلنا 60٪ جرعتين خلال شهرين إنجاز

الحل اجراءات صارمه من القيود

غير كذا على هالوضع وهالقيود الحاليه لا اعتقد نصل 70٪ جرعتين سواء عندنا والا عندهم إلا بعد مده طويله

هلا بك اخوي
نظرية المؤامرة متفشيه مثل ماتفضلت ولكن عند الجهلة من الشعب .
الحكومات تتعامل مع ارقام فقط مثل عدد الحالات الحرجه وعدد الوفيات والاصابات وهذي تنخفض تلقائيا بزيادة عدد المطعمين .
واحب ابشرك السعودية والمغرب كلهم في اكتوبر وضعهم ممتاز وراح يعلنون ذالك في وقته .
تحديثات اليوم :
السعودية تصل لمناعة القطيع في 10_10_2021
المغرب تصل لمناعة القطيع في 17_10_2021
يعني شهر ونص بالضبط والأمور تمام

* الأرقام هذي من موقع كوفيد فاكس لايف والتحديثات بالثانية

كلام سليم يابو صلاح

والموقع اللي ذكرته و غيره متابعهم

لكن هالمواقع و تحديثاتهم واحصائيات الوزارات تعطيك الوقت لوصول لمناعة القطيع حسب عدد الجرعات المعطاه في هالايام القليله الفائته

يعني احتمال كبير تخف اعداد الملقحين تدريجياً ويطول وصولنا لمناعة القطيع بدل 10/10 راح يكتبون 11/10 وهكذا

لازم الكل يعرف ان إحصائيات وتحديثات اعداد الملقحين اللي بالمواقع والوزارات وتحديثهم لتواريخ الوصول الى نسبه معينه مبنيه على الارقام الحاليه للملقحين

* تخف اعداد الملقحين يمدد وصولنا للنسبه المطلوبه.

* تزيد بالقيود وتجبر الناس باللقاح توصل للنسبه اللي تبيها وبالوقت اللي محدده.

* مافيه قيود ولا توعيه للعشب مراح توصل للنسبه اللي حاطها الحين.

نعم صحيح كل شي مبني على الأعداد الحالية للملقحين، وكمية الامداد من اللقاح ،ومدى استجابة الشعب للتطعيم، وهالشي وضحته في بداية طرحي للموضوع ،وماننسى المتحورات لو طرأ شي جديد عصي على اللقاحات الحاليه بيعفس الدنيا من جديد .

انا متابع من شهرين تقريبا والأرقام كنت انزلها هنا في الموضوع هذا واحيانا لا .

الوصول لمناعة القطيع في المغرب تتأرجح من منتصف اكتوبر الى منتصف نوفمبر .

الآن اللقاح فيه وفره وبدأ التطعيم في المغرب بشكل اكبر خلال الشهر الأخير بدليل كانت المناعه الجماعيه للمغرب قبل شهر تتحقق في بداية نوفمبر والان في منتصف اكتوبر وهذا يعطي مؤشر قوي ان المغرب بيبدأ فعليا في تخفيف القيود بعد اسبوعين من الأن ، وخلال شهر ونص لم يعد هناك اي مبرر للحجر لأنهم سيصلون لمناعه القطيع وفي اسوء الأحوال سيصلون لتلقيح ٦٠ % من الشعب وهذي نسبه كافيه انك تلغي قانون الطواري المعمول به منذ سنه ونص تقريبا

متابعين معك يابعد حيي لايفتى وبوصلاح هنا

انا والا ابو صلاح والا غيرنا مافيه احد منزه ، متابعه ونظريات ومعطيات من الجميع تخطيء وتصيب

وجهة نظر ابو صلاح والا غيره احترمها واقدرها

ولكن وجهة نظري اللي الكل يجيب ان يحترمها تقول ان الواقع غير المنشور

البشارة والله رفع الوباء عن الأمة
وشوفت اخوتنا طيبين متعافين
وهانت ان شاءالله في سبتمبر
تخف الاجراءات بالمغرب ونتقابل على خير
وقتها عطني البشارهً مافيه فكه هههه

شهر ونص مو حاجه يادوب يلحق المزعوط يزبط اجازه ويحجز