استفسار للأهميه..

انا اخذ جرعه أولى وناوي اخذ جرعه ثانيه الايام هذي..
سؤالي هل بعد الجرعه الثانيه اقدر اسافر على طول.. او يلزمني انتظر 14 يوم بعد الجرعه الثانيه ابغا جواب اكيد عشان احجز تذكرة طيران..
السفر للمصر ابو خمس ايأم تصبيره إلى أن ينتهي الحظر في المغرب.
تحياتي لكم..

السلام عليكم
لايمكن تسافر من السعوديه
الى بعد اخذ الجرعتين
حتى لو بعد ساعه من اخذ الجرعه تقدر تسافر
لاكن دخول المغرب لازم 14 يوم
وفحص 48 ساعه أو حجر
اما مصر بعد 14 يوم تدخل من غير فحص
او فحص اثنين وسبعين ساعه
تحياتي

من هنا الي 14 يوم يمدي وضع المغرب تغير


أرسلت بواسطة iPhone بإستخدام مزاعيط المغرب

يعني لازم اسوي فحص قبل السفر للمصر بعد الجرعه الثانيه..
شكرا لردك

بإذن الله تزين في الأيام القادمه..
بداية شهر نوفمبر حاجز تذكره طيران مرنه عن طريق الخطوط السعودية للمغرب..

U

كنظام لازم مرور 14 يوم، لكن الواقع شي ثاني والدعوى فوضى ..
ناس بدون تطعيمه ثانية تدخل عن طريق رشاوي أو تزوير شهادة التطعيم الثانية .. أتوقع إذا المدة تجاوزت أسبوع عن التطعيمة الثانية ما راح يدققون

نعم اذا مانت منتظر 14 يوم
من اخذ الجرعه الثانيه لازم
ويكون مدته لاتتجاوز 72 ساعه من اخذ العينه
انا سويتها عند مختبرات الدلتا ب 100.ريال الرياض
في مصر اذا بتسافر المغرب عند مختبر البرج
ب 1400 جنيه يجيك في البيت ياخذ العينه
ويجيبلك النتيجه
تحياتي

السلام عليكم ورحمة الله
استفسار ياخوان
ابكتب موضوع بس ماعرفت الطريقه
ان شاء الله تفيدوني هنا
طبعاً كل مره بسافر المغرب يصير شيء يمنع هالسفره هالمره الخويا اللي يصلحون مالقيت احد منهم وقررت اروح لحالي
يعني الامور زينه ان شاء الله
اتفقت مع سواق عن طريق واحد من اخوياي والسياره اليوم بـ٥٠٠ مع السائق تقريباً
انا من الناس ماحب اسوق بديره اول مره اجيها
المهم ماطول عليكم
بالنسبه للكاش اخذ معي ريال ولا دولار
مخطط اخذ ٣ الاف دولار او ١٥ الف ريال
ولا فيه طريقه افضل احولهن عن طريق ويستر يونيون ؟
السكن قلت بحجز بالروز اول ٤ ايام واشوف الوضع واذا احد عنده اقتراح مايمنع يفيدنا مع العلم اني لحالي
الميزانيه بحدود ٢٥ الف لمده ١٠ ايام تقريباً اذا مامددت بدون حسبة التذكره هل تكفي للوناسه وسهر الى الساعه ٩ مثل اللي صاير الحين بمراكش
واذا مددت الله يستر بفتح حساب الاحتياط به ٨٠ ������������♂️
موعد السفر يوم الخميس افزعوا لاهنتوا عن الكاش والسكن اذا فيه اقتراح افضل من الروز
او اي اقتراح بخصوص السفره

كل اسئلتك قد جاوبوا عليها الشباب بس شد حيلك واقرا