فكرت شراء سيارة بالمغرب

السلام عليكم
ايش رايكم بفكرة شراء سيارة بالمغرب؟
بصراحه مكاتب التاجير كرهوني التاجير ففكرت اخذ سيارة رخصيه وقت اسافر احصلها مع ان عندي شخص مغربي اسجلها باسمه ثقه بالقوة .. ومحتار بين البنزين والديزل وكذالك الاسعار ولا خاب من استشار

عليكم السلام

الايجار ارخص لك وأوفر الا لو بتجلس اقل شيء 6 شهور اقول يمكن وأنا عن نفسي اقولك نصيحة لا تشتري شيء الا بأسمك ولا تثق في أحد
أمسك ورقه وقلم وأحسب كم يوم تستأجر وأجمع الايام
ونفس الشيء لو بتشتري احسب رسوم التأمين والاستمارة وكل شيء
وقارن
الايجار اريح بكثيررررر وأمن بكثيرررر ولا تثق في أحد

والله كلامك صحيح ولكن وانا اخوك مكاتب الايجار صارت شر .. انا سفراتي على المغرب كثيره واحيان ايام السياحه قويه ما تحصل شي.. لكن الثقه معروفه بالمغرب ما يحتاج تذكير هههههههه

في عروض تقسيط للمغاربه حلوه
ادفع معاه نص القسط الشهري وسجلها باسمه هو يستفيد وانت تستفيد .الثقه طيبه لكن الامور الماليه لو فالصف الاول بالجامع يمكن يخرج ومبدل القلوب ثبت هههههه

انصحك انسى الفكره تملك السياره مرتبط بالاقامه .
المصيبة فالحوادث واحد ماجرها باسمه واعطاها اخو ...
وطلع صاحبته وصاحبتها شمال اغدير طريق الصويره فالينها والعيار ثقيل مع ضلع اغادير اوفلا الهويه تخلع وخساير ماديه وتعويضات ....الخ يالله تخارج وانقلبت بغم ونكد .
قصة من عشرات القصص نسمعها .
لو اجرت من داخل المدينة سيماهم في وجوههم تفرق معاك باليوم عن نص شهر او بالشهر ....
وحرص على ساروت لاتعطيه ويارب السلامه .

والله خفت بيني وبينك ببقى على المكتب الاخير الي تعملت معه احسب موضوع التملك بسيط

الافضل تستاجر غالبا متوسط الايجار 300 درهم واعتبر الاجار من ضمن السياحة لو بتجلس كل سفرة شهر

اذا كنت تجلس ٦ شهور بالمغرب ، اشتري وأنت تضحك اذا كان عندك شقة طبعا عشان توقف السيارة في مواقف العمارة إللي تحت الأرض .. لا تسجل السيارة باسم أي شخص ولا تثق في أحد ، هونداي أكسنت إيجارها باليوم ٢٤٠ إلى ٣٠٠ درهم مغربي ، على حسب الموسم ، وفي الشتاء الاسعار أرخص من الصيف

والله يابن الحلال مشاكل مكاتب التاجير + لو لا سمح الله حصل حادث حلال مهو حلالك غير المكتب وجوده منشار بجيبك

يعني ان كثرت 3 اشهر متقطعه البيت موجود والموقف موجود التسجيل باسم شخص ماسك عليه مبلغ قيمة السيارة ولكن وانا اخوك احيان في المواسم ما تلقى شي واحيان تبتلش مع المكاتب وهمها