ليه السعودي كل شي يرتفع الثمن عليه؟

نظرتهم لك انك برميل بترول طالع من ارامكو

هذي تصير في البلدن المتخفله خلنا نتفق على هذا الشيء اولا .. ماراح يرتفع عليك السعر في اليابان او المانيا مثلا .
ثانيا وهذا مهم جزء من ارتفاع الأسعار هو السائح الغبي باختصار .
قبل ماتسافر اقرأ زين وحاول تعرف الأسعار التقريبيه لكل شي وتعلم كيف تفاوض واعرف انظمة البلد عشان محد يبتزك
بالنسبة لي والله اني ادفع في اغلب الأوقات مثل مايدفع المغربي وحتى الشرطي والدركي والله اني ادخل بعينه الا اذا كنت مخطيء وحده ١٠٠ درهم او ٥٠ ماذكر دفعت ٢٠٠ درهم الا مره وحده في مراكش وندمت بعدين لأني لو قلت حرر المخالفه ماراح ياخذ شي وانا بدفع ٣٠٠ للحكومه وليست له .
السكن مو غالي بالمغرب اذا استغليت البرامج الجديدة وصدقني كلش بيطيح عليك الثلث او النص بس شغل مخك وخلك حازم واقرأ كثير قبل تسافر اي بلد متخلف

انا اشوف هذا الشي صار لسببين:

الاول:الدول هذي المغرب و مصر و غيرها من الدول العربيه بإستثناء دول الخليج بشوفون ان الخليجي بصفه عامه و السعودي بصفه خاصه برميل بترول يمشي و يضخ فلوس في كل مكان و هذا الشي صار معي شخصيآ دخلت محل مساج في اكادير وكان موجود قبلي رجل مغربي و طلب مساج و اعطته سعر و كنت اسمع الحوار اللي بينهم و لمن جا دوري و طلبت نفس الطلب اعطتني سعر مرتفع و لمن سألتها ليش مزوده السعر علي غير عن اللي قبلي قالت بالحرف الواحد انتو الخليجيين عندكم بترول و اغنياء طبعآ رديت عليها ان الكلام هذا غير صحيح ومو كل الخليج عندهم اموال و رفضت السعر و خرجت من المحل و هذا احد الاسباب لنظرتهم للخليجي غير طبعآ بعض الشباب الخليجي يصرف ببذخ في المراقص و المطاعم و على الطيور بدون حساب وهو ما يدري انه يسىئ لنفسه و لغيره بهالتصرفات ويخلي نفسه و غيره مجرد اغبياء يحملون اموال لا يعرفون كيف يتصرفون بها.


السبب الثاني: ان السعودي بالذات خواف انو تصير له مشكله لأي سبب كان سواء شرطه او في المطار او فندق و يخاف من الفضيحه غير انه مستعجل و ماله خلق للانتظار لايجاد حلول بالطرق النظاميه فيقوم يدفع زياده عشان يخلص نفسه من المماطله اللي تتعمد مثل هالبلدان انها تسويها لانها تعرف انه في الاخير راح يدفع عشان يخلص نفسه وهؤلاء نماذج سيئه لبلدانهم و لغيرهم.

صحيح كلامك واتفق معك 100%

يكون احد الاسباب بالفعل .. اذكر في احد المعاملات والله مغربي دفع مبلغ وانا رفع الثمن 10 اضعاف بالتحديد قلت رخيص ومشيت مادفعت درهم طبعا رفعض الشراء ههههههه استغفال علني

المشكلة فينا فيه شباب هنا بالمنتدى وبالمغرب تشوفهم يبقششوا على كل شيء بسبب او بدون سبب
الامن بالمطار عارف نقاط ضعف الخليجيين وعندهم جرئة قويه وعيني عينك احيانا يرفع صوته اول ما تجي تتفتش بالعفش ويشوف تعابير وجهك خفت معناها انك على قد حالك وبيضغط عليك عشان يشيل منك فلوس وبيتفلسف ان معك اشياء ممنوعه او بيألف له قانون وانك مخالف ولو ما خفت وشاف تعابير وجهك ما اهتميت له بيمشيك وخاصه لو وضعك سليم وما معك اي شيء ممنوع
انا راجع امس من كازا للسعوديه ووحده مغربيه تقول يا حظك سعودي ما يضايقوكم بالمطار هههه قلت ليش انتو يضايقوكم قالت اتمنى ما يطلبون اكثر من الف درهم قلت معك شيء ممنوع قالت لا بس العادة يستقعدون لنا بالاوراق وخاصه مع كورونا ويطلبوا فلوس كثيرة
انا حمدلله محد طلب وحتى لو طلب ما باعطيه لأن ما معي شيء ممنوع
بس عمل نفس الطريقة الي قلتها فوق من رفع الصوت ولا اهتميت فيه ولا عبرته ومشاني الي قدامي اثنين سعوديين فتحوا شناطهم واعتقد انهم دفعوا انا مشيت وهم استلموا كل شناطهم تفتيش
دايم خل معاك رقم السفارة والرقم الأهم من السفارة هو رقم البوليس السياحي

للاسف اول شي يسد نفسك موظفي الجوازات شحده ( توي واصل وماصرفت)
حق التفتيش يسوي زحمه حتى تعطيه لكن المهم ثقتك في نفسك ( فكيت شنطتي بحكم ان فيها اشياء لازم يشوفوها) جوال و اغراض شخصيه.. ايش هذا يقولي
أغراض شخصيه جاب المشرف قلت اغراض شخصيه (شافك ماتلبكت وعادي) قال اتوكل..

لكن النظره على الخليجي انك شبعان فلوووس ووووو الخ فهمه الاكبر كيف يخلص منك باي شي



Sent om my VOG-L29 using مزاعيط المغرب mobile app

لا تدفع لا تدفع لاتدفع
وخلك هادي
وراح يمل منك ويمشيك

انا اول مره اجي المغرب بصراحة وتعجبت من طلب الاكراميات بهذه الصوره اولهم موظف الجوازات قلي جيب ورقة حجز فندق قلت ماعندي قلي جيب اكرامية وامشي ودفعت ٥٠ ريال بعدها حق الدرك قلي انت مسرع وقلت جيب صورة المخالفة ونزلت من ٧٠٠ درهم الى ١٠٠ درهم عطيته ١٠٠ لاني تعبان ومنتهي وماجيت انا اجادل واسوي مشاكل انا جاي اتمشى انطباعي الاول بصراحة سيئ


Sent om my iPhone using مزاعيط المغرب

يجب ان نتواصى هنا بالنصائح يعني انا اذكر احد الاخوه اعتقد سعودي في مطار محمد الخامس ماعرف بس شفت جوازه سعودي وحصلته بياخذ من احد مكاتب المطار نصحته يتجنب مكتب معين وشكرني وصاحب المكتب يسمع ويشوف فيني بحقد ..فيجب علينا النصيحه مهو تشويه سمعت مكتب بل من باب نصيحت الاخوه بعضهم يحتاج النصيحه بالغربة