حفظ البيانات؟ هل نسيت كلمة المرور؟ تسجيل عضوية جديدة

الاستفسارات سؤال و جواب

تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

خذ حذرك

الوكيل 5 · 2022-02-11T17:00:35+00:00

السلام عليكم ... يسعد مسائكم بكل جميل حبيت احذركم بخصوص الموظفين في شركة اتصالات المغرب في المطار بعد ما خلصنا الإجراءات قلت اخذ لي شريحة واريح بالي من المطار وتم اخذ الشريحة وطلب رقم الشخصي ل... بسبب الزحمة والاحراج قال تعال جهة الثانية اهني خذني تفكيري إلى أبعد نقطة اقدر اوصل له طبعا اخذ التلفون مني وحط الشريحة وكمل الخطوات وتم تعبة رصيد وشوي يتصل برقم من تلفوني وطلع تلفون من تحت الطاولة وسمعني النغمة انه تلفونه يرن قال راح اتواصل معاك طارت بي الدنيا من الفرح قلت في نفسي هذا الصبغ في اللحية بدأ مفعوله المهم قال ما في اكرامية قلت نعم موجود ما يهمك عطيته 20 درهم مغربي باقي من السفرة الماضية المهم طلعت من المطار ووصلت المدينة المرجوه كلمته وتس اب قال اخلص الساعة 9 بالليل واتصل عليك قلت انتظرك إلى الليل ما اتصل عرفت انه اسلوب جديد في اخذ المال وحبيت احذركم لا تغلطون غلطتي ولا تدفعون شئ لهم وظيفتهم يعطونك الرقم مجانا بدون اي مقابل والحمد الله ما قاصرنا شئ نطلع شريحة بالفلوس طبعا غيرت الشريحة من اتصالات المغرب الى أنوي على العموم هذي تجربة وحيلة جديدة بالنسبة لي حبيت اكتبها دمتم في خير وعافية

saad007

مزعوط برونزي

المشاركات: 639

تاريخ التسجيل: Aug 2016

2022-02-13, 05:35 PM

المشاركه #8

انت مسافر لاتثق في احد ابدا واحرص تاخذ شريحتك من الشركه نفسها مع الايصال . سكن او سهر او .. اعرف مالك وعليك وخلك للحزم والشده اقرب عشان يهابونك.
من الهيبه ايضا انك تعرف الانظمه والقوانين هناك عشان محد يستهبل عليك .