تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

خذ حذرك

الوكيل 5 · 2022-02-11T17:00:35+00:00

السلام عليكم ... يسعد مسائكم بكل جميل حبيت احذركم بخصوص الموظفين في شركة اتصالات المغرب في المطار بعد ما خلصنا الإجراءات قلت اخذ لي شريحة واريح بالي من المطار وتم اخذ الشريحة وطلب رقم الشخصي ل... بسبب الزحمة والاحراج قال تعال جهة الثانية اهني خذني تفكيري إلى أبعد نقطة اقدر اوصل له طبعا اخذ التلفون مني وحط الشريحة وكمل الخطوات وتم تعبة رصيد وشوي يتصل برقم من تلفوني وطلع تلفون من تحت الطاولة وسمعني النغمة انه تلفونه يرن قال راح اتواصل معاك طارت بي الدنيا من الفرح قلت في نفسي هذا الصبغ في اللحية بدأ مفعوله المهم قال ما في اكرامية قلت نعم موجود ما يهمك عطيته 20 درهم مغربي باقي من السفرة الماضية المهم طلعت من المطار ووصلت المدينة المرجوه كلمته وتس اب قال اخلص الساعة 9 بالليل واتصل عليك قلت انتظرك إلى الليل ما اتصل عرفت انه اسلوب جديد في اخذ المال وحبيت احذركم لا تغلطون غلطتي ولا تدفعون شئ لهم وظيفتهم يعطونك الرقم مجانا بدون اي مقابل والحمد الله ما قاصرنا شئ نطلع شريحة بالفلوس طبعا غيرت الشريحة من اتصالات المغرب الى أنوي على العموم هذي تجربة وحيلة جديدة بالنسبة لي حبيت اكتبها دمتم في خير وعافية

الوكيل 5

مزعوط قدير

المشاركات: 184

تاريخ التسجيل: Mar 2021

2022-02-13, 10:57 PM

المشاركه #1

اقتباس:

المشاركة الأصلية كتبت بواسطة حبي

الشريحه فشارع 5 دراهم وفلحانوت 10 دراهم وعبي على كيفك بدون تسجيل بياناتك ( مجهول الهوية) ولطعه وجوازك ويمكن يصرفلك شريحه اجنبي تاكل الرصيد هههه

يا ستار والله هذي راحت عن بالي يعطوني شريحة اجنبي واتوهق فيها اشكرك على التنبيه طال عمرك

دمت بخير وعافية وهناء العيش

KreeMoo

مزعوط نشيط

المشاركات: 53

تاريخ التسجيل: Apr 2021

2022-02-14, 11:58 AM

المشاركه #2

اقتباس:

المشاركة الأصلية كتبت بواسطة الوكيل 5

تعاملت مع الاتصالات و انوي من سنوات طويله وما واجهت اي مشاكل لا شريحة اجنبي ولا شي والامور طيبه
ولكن في السفر ايا كانت الوجهه لا تثق باحد وخل شغلك كله رسمي