لماذا نعامل السائق كأنه احد أفراد العائله كسعوديين؟

والله استاذي الفاضل عمر الفاسي انا من عشاق السفر وزرت بلدان كثيرة في العالم وأستمتع بالسفر ومثل ماتفضلت رأينا العجب العجاب ولكنني خرجت بفائدة عظيمه الأ وهي ( اي مكان يعرفه السعوديين ويتوجهون للسياحه فيه يدمرونه بحركاتهم وسذاجتهم وفشخرتهم ويخربون طبايع اهل هذا البلد )....طبعاً هذا رأيى الخاص ومن واقع خبرة وتجربة....شكراً سيدي ????

هكذا رد فيه دروس
خذها بعين الإعتبار .

__________________

في بونشاك اندونيسيا نفس الوضع الشباب يجلسوا السواق معهم بنفس الفلة ومعطينه جو زيادة وانا والله حد السائق سيارة واذا تمشيت اخذ له وجبة ياكل لحاله

انا مقيم في اندونيسيا واشاهد ذلك دوماً حبيبي الغالي حازم2021 بل تصل أحياناً ان السائق يعمل لهم مساج من كثر الموانه وأصبح عرف عند السائقين ان السعودي أتي لل لهذا أسرق منه قد ماتقدر وعيالنا مبسوطين ويقول عندي سواق يحبه قلبك طيب وأمين ...لاأنكر انه يوجد سائقين جيدين وأمناء وهؤلاء ولاتجدهم في بونشاك الإنادراً ... ????

السبب هو طيبة الشعب واحيانا سذاجته .
السواق اسمه سواق. يوديك ويجيبك فقط للاماكن اللي انت تبيها انت مو للاماكن اللي يبيها السواق .
سافرت مصر وعطوني الشباب رقم سواق شقردي يمدحونه وكان ينام معهم بالسكن وكل شي يبيه ياخذه منهم والصراحه علموني بوضعه قبل اسافر .

لما سافرت لمصر فهمته انت توديني لمكان العمل ومكان السهر والمطاعم والكوفيات وسكني ماتدخله والاماكن اللي ازورها ماتجي معي فيها بس توصلني وتروح تخلص اشغالك وفهمته بشكل مهذب وفعلا ماوجدت مضايقات منه ابد . يوميته اعطيه اول باول كل يومين ادخله معي مطعم او كوفي ياكل معي. اماكن السهر يحطني عند الباب ويتوكل.
محد يلعب عليك الا اذا كنت ابله وتمشي .اذا انت دقيق وحازم فبتعيش مرتاح وحتى لو راح عليك شيء فيكون شيء لايذكر.
كنت اديه يوميه ٥٠٠ جنيه بس محرم عليه يدخل معي الاماكن اللي ازورها.

شوف أخوي saad007 أتفق معك انه يبقي سائق ويأخذ حقه أما أدخله مطعم أو كوفي بدري عليه لأن هذا ليس من شئونه وليس من حقه ...
على فكره اليوميه التي كنت تعطيها المصري أكثر من يومية عسكري برتبة لواء وهذا ايضاً مبالغه من قبلكم وطيبه والمصري مايستاهلها ..طبعاً انا اتكلم من خبره فقد سافرت مصر 33 مرة واعرف المصريين جيداً ..على كل حال تعجبني طريقتك وأسلوبك الإ اني ااكله وأشربه فهذا مستحيل ولاأحد يجي يقول صدقه أو خلافه ...وعلى فكرة اليوميه اللي تعطيه يأكل فيها أحلى اكل لمدة شهر لو أراد وبعض رواتب الموظفين لاتصل لهذا المبلغ في الشهر ...تحياتي لشخصكم الكريم ...????

ولله بيني وبينك هذي معضلت اغلب السعوديين ماتدري هو طيب ولا غباء ولا خوف ؟؟ يازين نظام الامريكان يعطي على قد ماياخذ مب حنا مالت علينا من زود طيبنا يحسبونا دلوخ وكمخ انا ولله كل سفرياتي ادفع للي يستحق فقط اما سالفه اني اصير جمعيه خيريه واعطف على هذا واتساهل مع ذاك هذي مب عندي واتمنى من الجميع انهم يركدون شوي ولاجيت تدفع ادفع لشيء يستحق مب تصير جمعيه كل من جاك عطيته


Sent om my iPhone using مزاعيط المغرب

صح الصح
تصدق بعيني شفت اميركي او بريطاني على البحر والله جالس على كرسي وحط رجله بوجه البائع الذي هو جالس ادنى منه جالس على الارض في وضع مهين والبائع يقلب له بالملابس اقذر انواع الذل والمصيبه لم يشتري منه وذهب البائع الذليل بابتسامه رضا وانا طوال الوقت اتامل وبداخلي سؤال لو انا كنت مكان الامريكي هل اقبل اسوي باخوه المغربي؟ وهل الاخ المغربي يقبل السعودي يعامله هكذا؟!! طبعا والجميع يعرف هنا تظهر عزة النفس واكبريا والكرامه على السعودي والاسوء لو ما اشتريت منه انوع السب والشتم وفي احسن الاحوال لو اشتريت منه دبل عليك الثمن لانك سعودي لا تستحق النعمه التي عندك والحقيقة هالموضوع اثار اهتمامي بجميع سفراتي ليه السائح السعودي يتغير المعامله معه بل ويكرهون منه ان يتعامل بنظام معهم ولكن الاوربي والامريكي ملك موقر وان اخطا خطاه بركه يتبارك فيها؟؟؟ الاجابه بكل بساطه انت سائح يجب ان تكون مثل الاوربيين او الامريكان حتى يحترمك الجميع لا تنسى النظام معك كسائح هذا ما بنفسي ويارب ما يكون خروج عن الادب العام كما خرج الاجنبي عنه

القوي يفرض نفسه
اذا صرت فاهم وقوي محد يتجرأ عليك .
الاغلب فيهم طيبه على غباء وكل واحد يقول انا جاي انبسط عشان شغال يدفع لكل من هب ودب بحجه انه يبي يصير ملك ومحد ينغص جوه .
من حسن حظي سافرت اول مره مع ناس ملكعين ويعرفون وين يصرفون الدرهم والحمد الله استفدت منهم

بختصار العرب يكرهون العرب وخاصه انه يشوفك مع بنات بلده وهذا بنظره شي يغبن لكن مع الامريكي عادي هههه رسالتي للجميع لاتعطي احد دراهم من دون خدمه واضحه وصريحه واذا انت رجال كريم لارجعت للديره اذبح تيس وعش ربعك ههه وبس ولله كل سفرياتي ماذكر اني عطيت بقشيش ابدا ولا دراهم من غير وجه حق ابدا


Sent om my iPhone using مزاعيط المغرب