تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

تحذير بخصوص الرنج من بعض شركات تاجير السيارات

DarkMoon · 2022-05-12T23:09:47+00:00

السلام عليكم ورحمه الله وبركاته اسعد الله اوقاتكم بكل تحذير بعد تجربة احد شركات التاجير من دون ذكر اسماء والتاكيد على استلام سياره جديده اللي هي ررنج بيبي فيلار تم الاتفاق مع الشركة على ان السياره شرط تكون جديدة ونظيفه وموديل 2021 لاني بختصار راعي خطوط وابي موتر نظيف بعد الوصول للمطار حصلت سيارة موديل 2020 او 2019 ماشي 88 الف بويتها غير نظيفه ودقات كثيره حول السياره هذي مو مشكله المشكله العظمى ان المندوب مقتنع انه السياره نظيفه سياره موديل 2021 وكلنا نعرف ان رنج روفير غيرو القير بدل مايصير فرار صار قير عادي وكذلك شكل الدركسون والباقي مازال كماهو هذا مكتب التاجير مركب قير مدري مرهم حتى شكله مو شكل قير رنج حتى يصبح شبيه الى موديل 2021. ويجي يقول للزبائن هذي موديل اخر دفعه 2021 بعد تجربة السياره واضح ان القير فيه مشكله استجابة السياره ضعيفه جدا وكذا كل شوي يفصل دواسة البانزين اذا هديت بعد تجربة السياره اول يوم ماقدرت اسوقها بسبب رادتها كلمة صاحب الحلال ماقصر معي لكن اضطريت اني ادفع مبلغ اضافي حتى احصل على سياره نظيفه للاسف . احيانا الشخص يوصل المطار ويبي يخلص مو فاضي وجع راسك وقروشه لكن انا هنا اقولك ستوب المبلغ اللي دافعه حرام ماتاخذ مقابله خدمه مميزه نصيحه لا تثق في كلام بعض مكاتب التاجير دائما اطلب السياره بالموديل واحرص على ان السياره ماتكون ماشيه كثير انتبه من بعض شركات التاجير ابي تحاول تعوض خساير كورونا تعطيك سيارات قديمه مكدوده.. عموما انا اتحدى اذا الموضوع ما انحذف هههههه

سهم المحبة

مزعوط نشيط

المشاركات: 91

تاريخ التسجيل: May 2022

2023-03-02, 10:28 PM

المشاركه #1

ترى الرنج وغيره من السيارات الكشخه صارت شبهه عندهم يعني بالعربي الاوفر تايم حق العسكر المنتف الي في نقاط التفتيش يطلعه من ظهر الخليجيين ( السعوديين ) . هذا شيء ....وحكاية لو تصدم او تنصدم في سيارتهم الكشخة المستاجرة راح يركبونك الحق عليك وانسى يصير على المغربي ... والله يخلونك تكره الساعة الي عرفت فيها المغرب . ونصيحتي وفر فلوسك وخذ لك سيارة صغيره تمشيك هناك لو جاها شي على الاقل تقدر تخارج نفسك معهم وسلامتكم .

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تحذير بخصوص الرنج من بعض شركات تاجير السيارات
الموضوع	آخر مشاركة
تاجير السيارات	2019-11-19 03:21 PM
هام بخصوص تاجير السيارات	2016-12-04 10:14 AM
شركات تأجير السيارات العالميه في مطار كازا	2015-08-17 11:59 AM
تاجير السيارات	2015-01-28 07:29 PM
افضل شركات تأجير السيارات في أقادير	2013-12-25 09:42 AM

الساعة الآن 01:33 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تحذير بخصوص الرنج من بعض شركات تاجير السيارات

روابط سريعه