استفسار بخصوص قيادة السيارة في المغرب

- جيب معك رخصة السواقه هذا اهم شيء .

- سعر لتر الديزل الان 16.6 درهم مغربي لكل لتر - ست ريال سعودي لكل لتر

-الشغله الثانيه اذا بغيت تستأجر سياره انتبه ترهن جوازك او تخليهم يحجزون مبلغ مالي من بطاقتك(تراك سلمتهم رقبتك)

-الشغله الثالثه الرسوم عندهم في الطرق السريعه يسمونها (الطرق السياره)تكون فيه بوابه تاخذ تذكره منها وتسدد في اخر بوابه من الطريق السياره .

-داخل المدينة في اغلب الشوارع تشوف واحد يوجهك اذا بغيت توقف السياره يسمونه قارديان تعطيه اذا بغيت تمشي ماتجود به نفسك درهم او درهمين اذا كانت وقفتك خفيفه او خمسه دراهم اذا وقفت فتره طويله ساعتين او اكثر .

-لو فرضنا انك وقفت سيارتك في موقف مخصص لمدة ليلة كاملة فعادة رسوم المرآب عندهم لمدة ليلة في حدود ٢٠ او ٣٠ درهم حد اقصى ..

( في مراكش وعند بعض محلات السهر يستغفلون الشباب ويطلبون منهم مبالغ وشفت اللي يعطي ميه درهم وفيها لكن حقه الطبيعي ٢٠ درهم اذا اكرمته تبي تعطي زود بكيفك بس لحد يستغفلك )

-في بعض الشوارع يلزم انك تاخذ تذكره ورسومها من درهمين الى ثلاث دراهم لكل ساعه وقوف وهذي قليله جدا لكن تجدها .