فزعتكم ماستغني عن ارائكم

صباح الخير ياكبار القوم استشرتكم بموضوعي الاول عن تفاصيل اول سفره لي لمراكش وماقصرتوا كفيتو ووفيتوا ماخاب ظني فيكم..
لكن ابغى مشورتكم حالياً لموضوع الطيران كما تعرفون مافيه رحلات دايركت من الرياض الا لكازا والوصول ٨ مساء تقريباً الوقت جدا سيء وعلى بال ماتخلص امور الجوازات وياخذك سواقك لسكنك بمراكش تقريباً بتوصل على ١ الليل وعليها وبيتفكك جوك ويروح عليك اول يوم ، ماعليكم من هالحكي كله السؤال انا ماقد جربت بكل سفرياتي لاي دوله الترانزيت واعتقد مضطر هالمره لاني مقيد بعدد ايام معينه للسفره اني اروح ترانزيت وبعد ماشفت افضل ترانزيت كعدد ساعات انتظار والاجمالي بشكل علم الطيران التركي الاقلاع من الرياض ٦ص والوصول الى اسطنبول ١٠ ونص ص يكون فيها تغيير للطياره لمده ساعه ونص ومن بعدها اكمال الرحله الى مراكش مباشره الوصول بيكون على ٣ ونص عصراً بتوقيت مراكش .. عطوني رايكم اولاً عن الطيران التركي للي جربه من ناحيه الراحه والخدمات والتعامل والمقاعد والشيء الثاني هل تؤيدوني يامزاعيط اخذ هالرحله ولا بتكون متعبه لي وغير هذا هل تعتبر تركيا بنفس مسار الرحله او بتكون المسافه متعبه اكثر ، طبعاً اجمالي الرحله للذهاب بتكون تقريبا ١١ ساعه الى مراكش بالطيران التركي … انتظر ارائكم وتعليقاتكم ياغالين

اقل من ساعتين ونص ترانزيت لاتاخذ!

هذي نصيحتي لك

طبعا فرق كبير بين دايركت وترانزيت خاصه في الرجعه ... في روحه مو مشكله هواجيس

ونشيط انت عكس رجعه تبي بس السرير متا

يعني افهم من كلامك ياغالي تنصحني بالترانزيت؟ بس ماسمعت رايك بالطيران التركي اذا مجربه ومسار رحلتي هل مناسبه للترانزيت او لا .. انتظر ايضاً اراء بقيه المزاعيط

عن نفسي افضل رحلة الدايركت عن الترانزيت لجميع الدول وذلك للتعب خصوصا في رحلة العودة وبالنسبه للترانزيت للدول مثل تركيا حاول تتأكد رحلة المواصله بتكون بنفس المطار ومايطلب عليك تغيير الصاله لان يمكن يروح عليك الوقت وانت تدور الصاله الثانيه او يطلب عليك اصدار فيزه تركيا وبالنسبه للوصول بدري لمراكش بتكون تعبان اول يوم وفي حال كان عدد ايام الاجازه قليله حاول تزيد يوم بحيث يكون اول يوم راحه لك ومايدخل في حسبة اجازتك


Sent from my iPhone using مزاعيط المغرب

الطيران التركي جيد والباقي يعتمد عليك انت
مدة الرحلة والسعر وقت الوصول لكازا وايضا وقت الوصول للرياض هذي اشياء انت تقررها هي تناسبك او لا .
بالنسبة لي اوصل كازا ٨ الليل والساعه تسع ونص ماسك الخط لمراكش ١٢ الليل اكون في مراكش واروح اسهر على ثنتين او ثنتين ونص بالليل
فيه غيري مايقدر يريح بكازا يوم واليوم الثاني يطلع. وفيه ثالث مثلك يفضل يجي ترانزيت بس يوصل بالنهار .
الزبده هذي الاشياء انت تقررها والخطوط التركيه حلوه

اخذت للمغرب ترانزيت مرتين

مره الاماراتية ومره الاتحاد

صح بالروحة متعة لكن ف العودة الله وكيلك عذاب

وبخصوص رحلة الرياض مباشرة ازفت توقيت بالعالم ،، ما اجي البريد بنك الا مغلق واضطر اصرف بسعر خايس عند البنوك الثانيه ناهيك عن الشريحة والشحن الي اغلب الوقت مغلق

__________________

BB :
[]

طيبه خصوصا انها تنزلك مراكش
انا جربتها
من اسطنبول لمراكش خمس ساعات
الحلو بالموضوع مطار مراكش فاضي صغير
سلسين بالتعامل محد طلب اكراميه والوصول
العصر تلحق عالسكن وتلحق عالسهره
السلبيات وحده وهي مطار اسطنبول
كبيرررررررررررررررررررررر
فقط

الترانزيت ياغالين فقط بيكون برحله الذهاب عشان كذا سألت العوده اكيد بتكون مباشر على كلام الاغلبيه الطيران التركي جيد ومريح بس الكلام هل عند وصولي لاسطنبول لتغيير الطائره احتاج اسوي اجراءات اضافيه من نقل الشنط وشحن وتعبيه اوراق ونماذج والانتقال لصاله اخرى ولا مالي علاقه بهذا كله فقط انتظر مده الساعه والنص لتبديل الطياره واكمال الرحله لمراكش؟ اعذروني على هالاسئله البدائيه بس لاني ماقد جربت ترانزيت بحياتي اول مره

من مطار المغادرة يعطونك ثنين بوردينج
واحد لمطار الترانزيت وواحد للوجهة النهائية
والعفش من مطار المغادرة يشحنونه لك لمراكش

الترانزيت متعب ... لو حصلت ترانزيت من بلد قريب
كالامارات او قطر أفضل من تركيا

الحين لو حجزت للمغرب فقط
ذهاب عادي والا يطلبون تذكرة
ذهاب وعودة