ماهو مبلغ الاكرامية المناسب؟

الكلب الدرك ٢٠٠
العساس او البواب ١٠٠ بس مو دايم
الشغاله ان كانت زينه ١٠٠
اللي يشتغلون بالديسكو انت حر ٢٠ او ٥٠ ماتفرق

الخدامه تاخذ حقها من مقاضيك لاتعطيها لانها تسرق من اغراضك ودي اتعامل مع خدامه ماتسرق من مقاضي الطبخ

هههههههههههههه
عزالله انك جبتها صح بالنسبة للدرك إذا صادك

اذكر مرة في مراكش .. مسكني عسكري بلبس اسود وأنا توني متعدي الإشارة ولوحدي ووضعي تمام.. ووقفني وقال انت قطعت الإشارة .. قلت أبدا قال الا .. ومن هنا ومن هنا .. قلت ودني لقسم الشرطة .. المهم شوي جاني خويه الثاني اللي بالسيارة واخذني على جمب وقال وش رايك نحلها هنا .. قلت وشلون قال ادفع مبلغ هنا وأنا أمشيك.. قلت كم قال 500 قلت تبي 200 والا ودوني للقسم .. راح كلم خويه النجس الأول وقال خلاص خذها .. وفعلا عطيتهم ولا عاد مريت من هذاك الشارع.. ابي اشتري راحة مخي..

لازم نقتنع انه حنى الكيكه اللي يتقاسمها كل الشعب:maroc (1034):
وانت اختار كيكه ومبسوط ولا اسد ومتمرط!!
كنت اتحارب معاهم ولا اعطيهم شي ويصير سب
بالكلام وتهديد ووعيد لكن فكرت بعدها ليش اعكر
مزاجي وجوي على ٢٠٠ قبل لايتكلم احطها بيده واحررك
ولو بتحسبها طول سفرتك ٨٠٠ درهم او اقل هل مستحقه
تغث نفسك عشاناها ولك حرية الاختيار

غلطان ولله والف غلطان مفروض انك بينت لاخوك في الله ان اتهامه باطل وظلم والظلم ظلمات يوم القيامة ونصحته ونصرته ظالماً او مظلوما وهذا واجبك كامسلم وبينت له لعنة الراشي والمرتشي وتفهمه بايه او حديث عن اكل المال الحرام صدقني هو بيشكرك وبيمشيك وانت كسبت الاجر ووفرت فلوسك ويمكن كفيت الاذى عن طريق كثير من المسلمين بتوبته
لكنك شاركته الذنب بقبولك العرض وخسرت فلوسك ودخلت معه في لعنة الراشي وكلكم خسرانين اكثر من المدفوع

هههههه والله اخي الكريم مع كل الاحترام اعتقد انك غلطان في الرقم ... تره الرجال يتكلم عن الشرطة والدرك في المغرب ( اسوأ واكثر رجال الامن فسادا وانحطاطا الا ما رحم ربي مو جالس يتكلم عن الشرطة في دولة خليجية .

Sent om my SM-G991B using مزاعيط المغرب mobile app

تخيل عاد وانا طالع من السهره ومكثر عصير وتمسك
معي نصايح دينيه معى الدرك وبالاخير نحضن بعض ونبكي
ههههههههه
واذا رجعت الفله ادعو الطيور للحجاب واللبس الاسلامي
واخليهم يرقصون على رقت عيناي شوقا

ياخوي انت واضح وضعك ماهو طيب شكلك تعطيها وتدخل المنتدى واضح من ردودك انك رايح فيها لكن الله يردك له رداً جميل وانا متأكد مليون في الميه ان العالم الي تشطح عليهم هنا لو تقابلهم وجهاً لوجهاً راح تكون شخص محترم ومختلف بغير رضاك لكن الاسف كل الاسف على البلد الي انت تمثله وانا منه

ليش كل هالشخصنه !!
موضوع وخذيته بطقطقه كبرته الله يهداك
بالعكس انا شخص لطيف جدا وخدوم لكن برضاي
وكل ردودي وانا صاحي وبالعكس اذا شفت كلامي
فيه اسائه لك انا اعتذر حتى لو من ورى شاشه
وشكرا على الدعوه

صحيح اخي kankan
الشرطة والدرك لا تتورط معاهم إذا أنت مخطئ أو معاك شيء مخالف .. اشتر راحتك واطلع منها بأقل الأضرار .. الفساد ناخر المنظومة بشكل عجيب..

حفظ الله الجميع