تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

تبي تعرف المغرب تصلح للعيش او لا؟ تجــــــربــــتــــي في العيــش في المغـــرب

ابوسلمان الثاني · 2023-03-14T06:14:22+00:00

[COLOR="Blue"]اليوم بتكلم لكم بكل حيادية عن المغـرب .. سلبيـات وايجابيـات بكل تجـرد المغـرب تزوهـا اسبـوع او اسبـوعيـن او شهـر شهريـن ... تختلـف لما تجلس فيهـا ثلاث شهـور وفوق ..! طبعـا السكـن في المغـرب جربـت الاثنيـن .. الشقـه والفيلا .. وبنبدا بالشقـه من تجارب ولاهي مقياس ايجابيـات الشقـه .. 1- البقالات ومحلات حولك وحواليك يعني متا مابغيت شي خطوتين وترجـع سواء جزار خضار بقال وهذو ثلاثه هم اهم شي لك في الاستعمال اليومي 2- احساس الامن .. بالشقه ماتستاحش او تخاف .. لان حولك جيراان لو صارخت صرختين العماره كلها جااات واللي جنب العماره بيجون واي احد مار في الشارع بيجي 3- بالنسبه للاعياد ومناسبات .. خاصه ذبح خروف .. بيكـون في معـاونـه من الجيـران وتحـس انكم عايلـه واحـده 4- وقت السفر خارج المغـرب .. توصـي جارك يخلـي عينـه عليهـا 5- اذا جبت اغراض مثل تلفزيون او دولاب او سلندر غاز او او .. لاتشيـل هم ستين واحـد واقـف يبي يساعدك في الشيل سلبيات الشقه : 1- انت السعودي يعني مفروض انت تدفع اكثر في غسيل الدروج وصباغة الدروج وتصليح الباب وفاتورة لمبة الدروج وتصلحيح جرس العماره وتلقا الناس يطنشون يبون منك انت تفزع بما انك انت الساااعودي 2- يشبكون من كهرباء طبلونك ههههه يعني الظاهر عندهم سرقتك حلال .. المهم لاتستغربها تكون لمبات الدرج مشبوكا بسلك من طبلونك ! او محلات اللي لاصقه بالعماره واحد شبك سلك من طبلونك .. الافضل دايم طفي طبلون الشقه وتتاكد قرص طبلون يدور او لا 3- جارك الفوق حمامه خربان وتسبب تشقق صباغه عندك .. لاتتوقع انه بيصلح عشانك .. او حتا نص بالنص .. الواقع يقول المليان يكب على الخاوي .. يعني الله يعينك انت السااعودي مالو ماعندوووش ( ههههه ) فانت بتتحمل التصليح لان انت المتضرر .. 4- مشاكـل تحدث احيـان لمـا تسلم واجـد على الجنس الناعم في الدروج او الاصانصيـر .. فالافضـل احشـم نفسكـ وابعـد عن اجواء العماره اللي انت ساكـن فيها والخير واجد بعيـد 5- صعوبة انك تخليها لولد عمك اصدقائك وانت غير موجود ... ماتدري وش بيصير وقتها 6- كلن يدري من جاك ومن طلع منك حتا لو تزورك اختك شكو فيك باقي للموضوع تكملـه في الامور الثانيه ان شاء الله اتلاااااااااااااااااااااح [/COLOR]

ابوسلمان الثاني

مزعوط نشيط

المشاركات: 50

تاريخ التسجيل: Jun 2021

2023-05-15, 12:48 PM

المشاركه #1

اقتباس:

المشاركة الأصلية كتبت بواسطة سؤال

مبدع من خلال خبرتك بالعيش سؤال انا اخذ عيالي يدرسون بالمغرب بالمدرسه السعودية بالرباط او اخليهم بالسعودية واتردد بالاجازات مع ان التردد مرهق ومكلف

انت اسأل وش اهم عندك .. مخرجات التعليم او انهم يتعلمون حسب السعوديه؟

اذا همك التعليم للتعلم سواء في لسعودية اوروبا او امريكا او اي مكان بالعالم ..

فصدقني اخر خيار لك بيكون المدرسه السعودية بالرباط .. بسبب وجود مدارس فرنسيه / امريكيه جودتها عالية جدا لكن بفلوس ..

اما اذا انت باغي تدرس اولادك يدورون وظايف بالسعوديه بس وتبي تعليم مجاني فالافضل التوجه للرباط ..

اتمنى اكون افدتك

المواضيع المتشابهه للموضوع: تبي تعرف المغرب تصلح للعيش او لا؟ تجــــــربــــتــــي في العيــش في المغـــرب
الموضوع	آخر مشاركة
الى كل مسافر المغرب مهم انت تعرف	2025-08-20 06:43 AM
عندي استفسار : ماهي افضل مدينة للعيش في شمال المغرب غير طنجة؟	2023-07-17 12:13 PM
الاخوة الكرام هل المغرب تصلح لعمل مشاريع تجارية خدمية مثل البرمجة والترجمة ومراكز الاتصال ..	2022-01-30 01:31 AM
تعرف على المغرب	2011-10-15 01:01 AM
الفهري: الإصلاح سيتيح للشعب فرصة للعيش بكرامة	2011-03-11 07:26 AM