اقتباس:
المشاركة الأصلية كتبت بواسطة ابو الفراسة
حياك الله أخت سلطانة مع احترامي لرائيك الا آني داير المغرب كامل واعرفه زين وعاشرت جميع اطياف المجتمع وذهبت لأغلب مدن وقرى المغرب حتى الطرق الغير مزفلته مشيت فيها من أقصى الشمال الى أقصى الجنوب ومن أقصى الشرق الى أقصى الغرب الا ان مراكش ما فيها أي مميزات الصراحة ان الواحد يقضي إجازته فيها الا السهر اما غيره فيوجد مدن كثيرة افضل منها من جميع النواحي .
بعطيك امثلة مراكش لا يوجد فيها بحر وجوها في الصيف حر وما فيها الا شارع جليز وساحة الفنا وبن فلاح وقصر الباهية وكم مول عادية مثل مينارا والمزار يمكن بيستانا مول هو اللي يستاهل وزحمة مواطر والمتسولين في شارع جليز وساحة الفنا حتى ساحة الفنا ما تستاهل الزيارة كلها نصب واستهبال وقرود حتى جميع المناطق اللي حول مراكش زرتها من سيتي فاطمة لتوبقال اوريكا اوكيمدن تحناوت امزميز مولاي ابراهيم اسني مجاط شيشاوة قلعة السراغنة الاوداية أيت ورير زرقطن ما خليت جبل ولا قرية ولا خلا ما جيته ما فيها شي يستاهل الصراحة .
واغلب برنامج حقين مراكش تحصلينه يفيق العصر والا المغرب ويروح يدور في ساحة الفنا ويرجع يجلس في ستاربكس في جيلز والكافيات الموجودة هناك والمول ويمغط شارع جيلز رجليه رايح جاي والا تحصلينه في مينارا مول في كارفور والا في البولينق واذا جا موعد السهرة راح يسهر واذا خلصت السهرة راح للسكن وياليته مصيد ههههه الا تلقينه مع المتفرجين من الاسعار الموجودة .
وبقارن لك مراكش مثلا لمدينة معروفة مثل طنجة شوارع راقية وعمارات تفتح النفس وكورنيش جميل وحلو وجو يرد الروح ومولات حلوة وطبيعة تفتح النفس عندك اشقار والرميلات والطريق بين طنجة والقصر الصغير مناظر تسعد الخاطر واذا بتطلع من طنجة عندك تطوان ومارتيل والفنيدق والمضيق وشفشاون حتى الواحد يشوف وجيه جديدة وبلاصي طونبيلتك واطلق لها العنان على رجليك واستمتع بدون قلق شحاذين وزحمة واذا لقيت لك طير الوعد طنجة حاجة نظيفة وغير مستهلكه وتكوين صداقة ممتدة فابور والاسعار أرخص بكثير من مراكش وفي متناول الجميع .
وعلى فكرة اقدر اشرح لك وضع أي مدينة في المغرب أنا زرت اغلبها وجدة الناظور بركان السعيدية تازة الحسيمة فاس مكناس افران خنيفرة بني ملال الرباط الراشيدية ورزازات تافراوت اكادير تزنيت اسفي الصوريرة كازا طانطان الجديدة ميدلت تندرارة الريصاني ارفود جرسيف القنيطرة سطات برشيد دمنات ابي الجعد وادي زم مرزوكة خريبكة تارودانت وغيرها الكثير الكثير من المدن والقرى والسواحل وروس الجبال واي استفسار حاضر للطيبين .
مساك الله بالخير ابو الفراسة
شوف يالغالي انا شخص اقدر واعشق شي اسمه طنجة واغلب سفراتي الاخيره للمغرب اقضي فيها اغلب اوقاتي وحافظها حفظ.
وما احب مراكش .. لكن وبكل امانه اذا جينا للحق مراكش خيارات كثيره من ناحيه السكن او الاماكن السياحيه والمطاعم وماتمل ابد فيها مدينه حيه ومافي مدينه تتفوق عليها خصوصا لعشاق السهر والحياة الليله ابد ابد لا تقولي اكادير ولا طنجة ولا كازا …
عيبها الرئيسي اسعارها الغاليه يوم بمراكش ممكن يعيشك ثلاث ايام في اكادير او طنجة وكذلك تسلط الدرك ومضايقتهم لك في نقاط التفتيش حتى لو ماكنت مسوي مخالفة يوقف يشوف اذا انت انخرشت ممكن تدفعله او يقعد يسولف معك شوي ويقولك سير بحالك.. هذي نادر تحصلها في اكادير وطنجة. بس ما الومهم لان بعضنا الله يهديه معودهم يخاف ويعطونهم فماخذينها عادة. بالنسبه لي اخذ واعطي معهم بحترام واضحك معهم واذا طلبو او لمحو اني ادفع شي افشلهم بطريقة محترمه ويستحون على وجههم ويخلوني امشي.
كذلك من سلبياتها في الصيف حاااره جدا اذكر مره جيتها في شهر اغسطس كانت درجة الحراره عاليه وشمس قويه كنك في الخليج الله وكيلك .
لكن بالعكس الشتاء جميل في مراكش والربيع نفس الوقت الان احلى واحلى..