الحجز عن طريق Airbnb والسماسرة !!!

نعم اسئل المستضيف وشكيته على هالسالفه والفلوس رجعت بعد يمكن اسبوعين خصمو اليوم الي سكنته والمشكله مع العساس وكنه لان له راعي الشقه وطلعت

وتجربه ثانيه مالها علاقه استأجرت سكن وطلع بدون مكيف مع انه مذكور بدون تكييف والغلط مني طلعت ورجعو لي فلوس باقي الايام

احرص على ثلاث في فلتر البحث تفعلها
- التدخين مسموح
-التكييف
-تسجيل دخول ذاتي (بوكس خارج باب الشقه برقم سري
يعطيك الرقم تفتحه تلقا مفاتيح الشقه) 90٪ تكون العماره بدون عساس وتفك راسك من الازعاج




Sent om my iPhone using مزاعيط المغرب

هل المؤجر كان موافق على الغاء الحجز؟ ام كان التعويض من ادارة الموقع بسبب عدم الالتزام؟

الاشكالية كلها في حالة المؤجر رفض يلغي الحجز ويرجع الفلوس، اذا ادارة الموقع توقف معاك هذا المطلوب

عموما بخصوص الفلاتر اتفق معاك وازيدك من الشعر بيت، اسأل المؤجر اذا العمارة فيها عوائل او على الاقل الدور الي انت فيه ساكنين فيه عوائل، كذلك اسال اذا فيه سكيورتي اذا قالك ايه انحش

مشكلة لاحظتها في هذا الموقع ان نسبة كبيرة من الشقق معروضة من قبل عدد محدود من الاشخاص، في واحد كنت اشوف شققه في كازا كنت اسميه وجه العنز، كل ما لقيت شقة زينة ودخلت عليها بشوف التفاصيل يطلعلي وجهه، وكاتب في الشروط ممنوع دخول الزوار وسيتم ابلاغ الشرطة وباقي الافلام، يوم دخلت على صفحته لقيته عارض فوق 50 شقة، شخص ثاني مسوي نفس الموضوع لقيته عارض فوق 150 شقة، شيء يتعبك بالبحث يارجل ومزعج جدا

الي طلعت عشان الضيوف تهاوشنا لو عليه مايرجع ريال
بس هو مايستلم الفلوس مباشره الي فاهمه ان الموقع يمسك الفلوس ثم يحوله رجعت كامله حقت الايام كمبلغ
واسلو اعتذار عدم التزام المضيف

المكيف نعم قال بكيفك تبي تطلع مخصوم حق يومك وطلعت ورجعو الفلوس المبلغ كان حول 800 3 ايام
سكنت يوم ورجعو حول 500 خصمو حق اليوم ومعه حول 100 ريال

انت ماهو لازم تحول كل المده ياخي انا سكنت في اماكن كل ماتبي فيها ما ارتحت مارينا كازا مثلاً في الصيف صراصير والا موقع واطلاله و و و بس ما ارتحت


انك تقصد بوجه العنز هاذا الي في كازا فد سكنت عنده في نفس هالشقه

Access Denied



هذا مارك في كازا عنده مجموعه شقق مجرب لاتتعداه
هاذي سكنت فيها مرتين وجاء شبت صنوبر والفيمتو الزين الحمر ايام وفيه شقق غيره بس هذا اهم شي عنده تحترم الجيران لاتفك الصوت وتجمع عدد
Access Denied


انا معك في الايجار الطويل بس كم ينقص اذا اكثر من 7 ايام ينقص تقريباً 40 ريال في اليوم والله ماتسوا عليك
يعني بتوفر 300 ريال ماهيب شي





Sent om my iPhone using مزاعيط المغرب

اوووه بهالحالة شي ممتاز، انا بجرب احجز عن طريقهم المرة الجاية واردلكم خبر

بالنسبة لوجه العنز اشهد انك جبته، انزل تحت في قوانين البيت وترجم الكلام الي كاتبه، وادخل على صفحته وشوف كم شقة عارض، قوانين البيت الي حاطها هي نفسها بكل الشقق المعروضة وللاسف شقق زينة

بالنسبة لمارك سبق تواصلت معاه مرتين، المرة الاولى ما عطاني تأكيد لكن المرة الثانية قالي (المبنى هادئ وبامكانك استقبال زوار)

الايجار الطويل اول شي ينقص اكثر مرات يوصل الخصم حتى الف دولار ومرات اكثر اذا حجزك لمدة شهر، والميزه الاهم ان محد يقدر يطلعك من الشقة، هذا الموقع يخفض تصنيف المؤجر اذا رفض حجز لذلك ممكن انت تكون حاجز اسبوع ولما تجي تمدد تتفاجئ ان في احد حاجزها قبل فترة ولازم انت تطلع من الشقة، الحجز لمدة طويلة يريحك من هالموضوع