قسم الاسئلة و الاستفسارات عن المغرب اطرح استفسارك عن اي شئ يتعلق بالسفر للمغرب في هذا القسم .. للحصول على مزيد من المساعدة

الحجز عن طريق Airbnb والسماسرة !!!

ابو الفراسة · 2023-04-03T01:10:07+00:00

[CENTER]صباح الخير عليكم يا حلوين أنا حبيت اتكلم عن الحجز عن طريق موقع Airbnb ونصائح للي بيحجز عن طريقه ترا الموقع ممتاز واسعاره اقل بالضعف والضعفين عن طريق السماسرة وكل شي موجود فيه من شقق وفلل ومنتجعات وشاليهات ومزارع وكل شي لاكن بعلمك عن طريقة هي الأفضل وخاصة شف قوانين المؤجر ويفضل ان تستاجر اللي فيها وصول ذاتي يعني لا يقابلك ولا تشوفه وبعضها ما فيها عساس ومطاريس لاكن شف موقع العمارة والمداخل والمخارج ويفضل اللي فيها تسجيل الوصول عن طريق صندوق الامانات او برقم سري بكذا تريح دماغك من العساس والسمسار وترا على فكرة اغلب السماسرة مسجل فيه أنا كذا شقة استاجرتها عن طريق معرفة او عن طريق عساس حاطينها في الموقع هو في الأخير يبي يأجر ويستفيد ماهو مخليها فاضية لاكن إذا جيت عن طريق السماسر إذا سعرها عنده ب 1000 بتاخذها عن طريق الموقع ب 500 او 600 مثلا واذا سعرها عند السمسار ب 2000 بتحصلها في الموقع ب 1000 و 1200 وعلى فكرة بعضها إذا صلحت لك وسكنت فيها عن طريق الموقع مثلا ب 800 تراك بتاخذها عن طريق المالك ب 600 لان الموقع يأخذ عمولة على المالك وجرب يومين منت خاسر شي بس طبق الطريقة اللي قلت لكم اما السماسرة يستغلون الواحد وهذا الغالبية مع احترامي لهم الا ان بعضهم كويس لاكن قلة وكلامي هذا موجه للوحداني خاصة او اثنين بشرط انهم ماهم راعين ازعاج ويراعون الناس اما اللي راعي ازعاج وافلام ما تصلح له اما الانسان اللي يعرف وشلون يوزن اموره ويحترم الجيران فهذا اموره طيبه . وبالنسبة للي راعي أفلام سوا مستاجر في فندق والا شقة والا عن طريق سمسار والا غيره ماهو سالم من المشاكل ام سالفة الامن والامان انت اللي تصنع لنفسك الأمان والا اسطوانة السماسرة اللي يلعبون على وتر الامن والامان ما عندهم سالفة تحصله يأجر عن طريق المواقع وغيره باسعار رخيصة لأنه لازم يواكب الاسعار المعروضة ويبي يأجر ماهو مخليها فاضية اما اذا شافك خليجي بدا يتفلسف عليك والسعر دبل الدبل . وبالنسبة للسكن عن طريق الموقع فيه حاجات فخمة واثاث بعضها ما توصل له حتى الفنادق الخمس نجوم واذا انت انسان خايف تتوهق في الموقع وما يقبل يدخل لك احد جرب اول يومين وبعدها در على العماير والأحياء الكويسة ترا اغلب العساسين عندهم علم وتأخذ شي على نظرك وحسب الاتفاق انت والمالك و اكرم العساس على خدمته لك اما السماسرة اذا ما تعرفه شخصيا وسبق وتعاملت معه واسعاره كويسة والا اسحب عليه الديرة ماهي واقفة على احد اول يوم ريح وعين خير ورح اشتر اللي تحتاجه وتمش ووسع صدرك ودور على راحتك وبتلقى اللي يرضيك موفقين خير .[/CENTER]

اكدال

مزعوط خبير

المشاركات: 1,653

تاريخ التسجيل: Sep 2011

2023-04-07, 06:47 PM

المشاركه #11

اقتباس:

المشاركة الأصلية كتبت بواسطة مشتاق لك

اخوي اكدال دخلت الموقع اكثرها عن طريق سميار

واكثر الساكنين اجانب وبعدين مو رخيص

انا اشوف اذا الشقه تتعدى ٦٠٠ درهم اسكن

فندق افضل كنت اعرف واحد في المارينا

لكن قهر ضيعت رقمه يجيب لي شقه

ب ٧٠٠ درهم اذا تعرف احد تاخذها في

هالحدود واذا ماتعرف تاخذها من ٩٠٠

الى ١٢٠٠ درهم. وسلامتكم

الموضوع صعب من ناحية السعر الموقع والاثاث والنظافة والمارينا منطقه ملتهبه في كل بلد اسعارها فوق

Sent om my iPhone using مزاعيط المغرب

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: الحجز عن طريق Airbnb والسماسرة !!!
الموضوع	آخر مشاركة
السكن في مراكش عند طريق airbnb	2023-02-22 02:26 PM
تجربتي في الحجز عن طريق airbnb	2022-05-25 12:17 AM
السكن عن طريق airbnb استفسار ؟	2019-01-02 12:07 PM
استفسار بخصوص الحجز عن طريق النت	2018-09-03 01:03 AM

الساعة الآن 05:05 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

الحجز عن طريق Airbnb والسماسرة !!!

روابط سريعه