افضل الخيارات اذا بسكن شهرين

وعليكم السلام ورحمة الله وبركاته

ليش تحجز شقه لمدة شهرين وتدفع إيجار ثاني للشقق او الفنادق اللي بتسكن فيها فالمدن الأخرى.

كل مدينه تزورها اسكن فيها المده اللي تعجبك وخلاص.

مجرد رأي

__________________
لاتسمع كل ما يقال ولا تقول كل ما تسمع.

حجزي بالصيف وعلى حسب الي اشوفه راح يكون في قلة في العرض، واذا اخذت الشقة بسعر شهري ساعتها التكلفة ماراح تكون عالية بحيث تأثر علي اذا رحت يومين او ثلاث لمدينة ثانية

عزيزي خذها نصيحه من اخوك

إذا ناوي تستقر في مدينه وحده على سبيل المثال كازا وتزور الاماكن القريبه منها مثل الرباط او المحمدية او ابوزنيقه وترجع في نفس اليوم لشقتك في كازا معقوله تستأجر شقه لمدة شهرين

او مثلاً تستقر في طنجه وتزور الاماكن اللي حول طنجه وترجع لشقتك في طنجه اوك .

أما انك تستأجر شقه في كازا وتدفع قيمة شهرين وتسافر لمراكش او اغادير تقضي فيهم ثلاثه او اربعة ايام او اكثر وتترك شقتك محجوزه ومدفوع ايجارها وتروح تستأجر في أماكن ثانيه معناها ماستفدت شي ولا وفرت بلعكس راح تطلع عليك اكثر من بيع السوق .

شوري عليك رتب امورك من الان واعرف وين تبي تروح وكل مدينه استأجر فيها المده اللي تعجبك .

ومثل ماتفضلت المغرب فالصيف كل شي عامر والاسعار مرتفعه جداً من سكن او إيجار سيارات وغيره .

انصحك تستخدم تطبيق Airbnb .

رحله سعيده وموفقه باذن الله.

__________________
لاتسمع كل ما يقال ولا تقول كل ما تسمع.

معاك والله لكن انا مابي ادخل في معمعة البحث عن سكن، مابي اجرب الشقة وتطلع زينة واروح يومين ارجع الاقيها محجوزة وتعال دورلك شقة ثانية، لو ماكان فيه زحمة ماكنت مضطر لهالشيء