الخطوط السعوديه افضل توقيت وصول ومغادرة من المغرب

صادق اخوي، بالنسبة لرحلة الرياض كازا موعد الذهاب و و القدوم كارثي.

رحلة الذهاب، عيوبه ما تقدر تداوم لازم تصير في المطار ١١ الصباح و موعد وصول سيء ما يمديك تسوي فيه شيء لا تتقضى و تزبط امورك . يوم كامل راح عليك هباء منثور.

رحلة العودة، موعد اقلاعها مناسب لكن لا تنسى وصولها متأخر جدا مستحيل انك تقدر تداوم الا اذا قدرت انك تنام في الطيارة.


المحصلة الخطوط السعودية من الرياض من رأيي تضييع وقت، يضيع عليك يومين للأسف

الميزه الوحيده ان الترانزيت ممكن لا سمح الله يتأخر او تصير عليه مشكله و ضياع شنطه عشان كذا اخذ معي شنطة صغيره ( carry on) فيها كم غيار.

Sent om my SM-N981B using مزاعيط المغرب mobile app

هلا ولله عبدالعزيز .. علشان كذا اذا خلاص مبيت النيه ماراح تداوم يوم الخميس اطلع الاربعاء في الليل ترانزيت جدة وصولك كازا الساعه٧ الصبح يوم الخميس ماراح يضيع عليك .


رحله العوده رحله مباشره يوم الخميس ٩ اللليل من كازا توصل الرياض الفجر وباقي عندك يومين كامله قبل الدوام اشوفها مناسبه جدا. وما انصح ابد انك توصل من المطار وتداوم على طول.

هلا الله اكدال … والله ياخوك ترانزيت جدة هم حتى لو رحلتك طويله في المغرب .. شغله صدقني خصوصا اتكلم عن الخطوط السعوديه يعني مثلا اخر رحلتين دوليه وقفت في جدة ترانزيت منهم رحله للمغرب ياخي مطار جده مع انه جديد لكن ادارته متخلفه حرام مطار بالحجم ادارة فيه عشوائيه ومطار كئيب مساحات كبيره غير مستغله والشي اللي يجلطك انهم يجبرونك تستلم عفشك في جدة وتشحنه بنفسك خصوصا في رحلات العودة .. يعني تخيل اخر رحله العودة من كازا طارت طيارة الرياض وانا على السير انتظر عفشي علشان اشحنه مره ثانيه للرياض مع اني حاط الفرق بين الرحلتين ساعتين وراكب بزنس ومابلغوني قبلها اني راح استلم العفش في جدة انا ومعي مجموعه كبيره جدا من الشباب والعوائل اللي رايح المدينه واللي رايح الدمام.

هلا اخوي دارك مون صدقت ::: اضف على ذلك تغيير البوابات يخلونك تدوخ الى ان تصل للبوابة المقصوده والارتباك وقل الخبرة في التنظيم … الحقيقة ادارة المطار فاشله في الاداء .. اضافة الى العمره مفتوحه على مدار السنه … المغادره حكايه يعني امسك سر في التفتيش قبل الصعود للطيارة ويمكن تفوتك رحلة المغادرة اذا كنت جاي برحلة من مكان آخر . وزي ماقلت بالقدوم تاخذ عفشك وتفتيش وعلى الرحلة الداخلية !!!!


الخوف لايمنع الموت ولكنه يمنع الحياة.

اي والله معاناة مطار جدة .. المصيبه ان اغلب الرحلات الدوليه الحين صارت توقف في مطار جدة يعني المعناة فيك فيك .. الله يسرع بشركة طيران الرياض ونفتك من هالبربسة.

صدقت معاناه (المسافرين المواصلين خاصة) مع مطار جده اصبحت مشكله مؤرقة للجميع ان شاء الله تنحل …. بس لو تدقق تجد رحله او رحلتين تطلع من الرياض دايركت دون توقف بأي منطقة حاول تحجز عليها .


الخوف لايمنع الموت ولكنه يمنع الحياة.

ملاحظه
إذا شحنت الشنطه من كازا ترانزيت في جدة وبعدها الرياض ووضحت للموظف إستلام الشنطه في الوجهه النهائيه
تستلم الشنطه في الرياض
يعني توصل جده فقط عليك تختم دخول وتتجه مباشره لبوابه الصعود للرحلة الداخليه المتوجهه للرياض
أما إذا كان عندك ترانزيت في جدة طويل استلم الشنطه ويوجد مكان مخصص لرحلات الترانزيت ضع شنطتك وهم يفتشونها واطلع مباشره للصاله الداخليه
طبعاً غالباً إذا كان وقت الترانزيت ساعتين وأقل إحتمال كبير ما يتم شحن الشنطة تتأخر في جدة للتفتيش وبعدها يتم شحن الشنطة على الرحلة الي بعدها
في هذة الحالة عند الوصول للرياض تنتظر شنطتك ولا وصلت
تصلح شكوى خدمات الأمتعة وتأخذ رقم وتتطلع وأول ما توصل شنطتك بيتواصلون معاك وتستلم العفش
طبعا لا تنسى تسوي مطالبه في موقع الخطوط السعودية عبر جودة الخدمه وتقدم شكوى في جودة الخدمة بيجيك رقم مطالبة وبعدها سيتم تعويضك بمبلغ تقريباً 200 ريال
وإذا ما تم تعويضك خلال 15 يوم ترفع شكوى على هيئة الطيران المدني وسيتم الحل مباشرة ويتم تعويضك

من واقع تجارب سابقة صارت معي مرتين
وتحياتي للجميع

اهلا وسهلا …سبق وجربت مرتين اخرها قريب قبل كم شهر واستفسرت من الكونتر وتبهدلت في المطار من. اصغر موظف الى السوبر فايزر قالولي استلم عفشك لازم تستلم بنفسك وتشحنه مره ثانيه للرياض مع ان الرحله كانت قريبه وللاسف راحت علي .

مو لازم تستلم عفشك لإنك في تشيك إن في كازا وضحت إنك تستلم العفش للوجهه النهائيه
إلا إذا قلت له استلم العفش بجده
المفروض اتجهت مباشره للصاله الداخليه والعفش بيتم تفتيشه ويرسل للوجهه النهائيه وغالباً يتأخر إذا كان الترانزيت قصير أقل من ساعتين

الرحله المباشره من الرياض افضل . الطيار يكتم الدعسه وانت معزز مكرم على الكرسي . انا ما اثق في مطار جده ابدا . ممكن بالغلط يطفون لمبات المطار ولا كفر الطياره يدخل فيه مسمار ويسون له رقعه المانيه


أرسلت بواسطة iPhone بإستخدام مزاعيط المغرب