بكرة مسافر للمغرب , استفسارات حول تأجير السيارات اذا تكرمتوا

حمدالله عالسلامه
عندك افنيو ممشى كله مطاعم وكوفيهات اللي فيه فندق كرستيانو رونالدو ضروري تمره وفيه كوفي اربيكا يتجمعون فيه المزز
ولا خلصت مر البولينق

هلاهلا @aliov
كمية معلومات ونصائح أشكرك عليها.
بخصوص الروز هل ترى انه سيكون افضل من فندقي؟ فندق الاندلس خلف المريديان
سعره ٢٧٥ ريال وفتح غرفة عند الضرورة ولي الحين ليلتين وهذي الثالثة
ميزته:
متى ماجت الغلقة نزلت لجليز الظهر والعصر اتغدى واتقهوى واشوف حياتهم والافنيو الساعه ٨ والساعة ٢ دبليو. هذا جدولي اليومين الي راحوا والثالث ايضا الي حنا فيه.

هذا جدولي ، اذا تكرمت او اي احد ممكن يضيف لي شي

هلا وغلا با النملة
ارابيكا رائع جدا
بس المشكلة فيني
ما اسمع زين ، والمشكلة اذا سمعت ما افهم لهجتهم خخخخخ
والشي الاخر وأنا جاي في الطيارة نمت نومة الله لايوريك ، قمت لقيتني منسدح على كرسيين وركبتي معفوطة ونظارتي لقيتها تحتي مكسورة تقول واطيتها تريلة ، صرت ماعاد اقدر امشي زين ، وبدون نظارة وماعاد اشوف زين ، يوم رحت لارابيكا وجلست برى وناظرت لي طير لمده خمس ثواني قرب مني يبيني أصمل وأنا أصلا حساس وخجول بشكل مبالغ فيه ، فمايقصرون يقربون مني الين ياصلون طاولتي بس للاسف اما ان الطير ما جاز لي او الظاهر اني استحي وانحرج ، صرت أصرف الموضوع و اناظر الشباب ، والمشكلة ان البعض من الشباب فهم نظرتي غلط خخخخ صرت اناظر الشجر ولوحات المحلات

فيه افضل من w
او شبيه له

هلا هلا ...

الفندق اللي انت فيه ومرتاح تمام وموقعه حلو اظنه قريب من w.. وعندي مقترح فيه جنب الـ w مطعم اسمه ملاك عشاء وعروض بطابع مغربي .. اعتقد تناسبك .

الـ w الاكبر بس مو الاحسن كاش المفضل عندي وتقدر تشوف احسن انا جربتهم الاثنين .. مو بعيد عنك .

مدري كم بتجلس .. لو تعطي نفسك تجربة اوريكا .. مطاعم تصلح غداء وجلسة للمغرب طبعا مسافة
تقريبا ساعة الا شوي .

هههههههههههه
بخصوص الطياره زين نمت انا ما انام ومتكسر ودايم الطياره فل ارجع الكرسي يعطيني اشاره اللي وراي تراك ضايقتني واقدم واللي قدامي يسدحه للاخر واستحي اكلمه ومادري ليش وحنى بالجو تجي بمخيلتي حوادث الطائرات وتقعد عيوني تلاقط وعلى اعصابي لين نوصل واشوف الناس ماشالله سادحتها نومه عرفت انه المشكله فيني مو في احد وبخصوص اربيكا ممتاز وترا اغلبنا يعاني من الخجل امام الجنس اللطيف في الاماكن العامه وهم عادي فيهم جرأه ترا هذا سببه الاختلاط عندهم من الابتدائي والبنات والاولاد يدرسون معى بعض حنى ماعندنا هالشي وهم عارفين ترا انه قلوبنا رهيفه وحنونين وبخصوص الديسكو عندك ديسكو (كاش) انا افضله على w وفيه صنف قوي صراحه طبعا لاتختار بدري خلهم لين يودعون حلل السهره لاتطلع لين يقولون اطلعو وعقب كاش عندك ديسكو k one حليو لاباس فيه

Aliov
ياخي تفكر صح الكاش افضل من الدبليو ياخي مارتاح الا فيه الدبليو كبيرر وضييق ملزقين الطاولات جمب بعض
واوريكا تعب وعنى عالفاضي ماهو ذاك المكان المبهر خصوصا انه الرجال رايح شرق اسيا وامريكا تعذبت يوم رحت اوريكا ضيعت ساعتين عالفاضي بالاخير مطعم بجانب نهر لكن اذا الرجال له خلق عادي يروح ماوراه شي

هلاهلا ✌️
ابجرب كاش وأشوف ، واعتقد دبليو مكتفين ، أمس مسوين دراما وانه لازم حجز ومافييه اماكن ، ويوم دخلت وجلست الين نهاية السهرة اشوف الاماكن الفاضية واجد.
اوريكا خيار جيد ، راح يقضي الوقت من العصر الين المغرب ، ابشوفه يوم السبت ، اعتقد الجمعه مناسب بساحة الفنا

شكرا لك aliov

???????????? فعلا معاناة كراسي الطيارة ،
ومن ناحية الجراءه مامن جراءه وحيا
ابجرب كي ون او كاش والله يزينها