خيبة امل كبيره في باكو .. النصب و الإحتيال بجميع انواعه و فوقها غلى الاسعار

شكلي مزعوط · 2023-11-09T12:25:34+00:00

[SIZE="4"][SIZE="5"][SIZE="6"][B][COLOR="Navy"][CENTER]السلام عليكم و رحمة اله و بركاته للأسف وضعت العنوان بهذا الشكل لأني خططت كثيرا لرحلة اذربيجان و لم اكن اتوقع انها بهذا الشكل. و حتى اوضح لكم الامر، دعوني افصل لكم الخطة و السفر بالكامل: منذ مدة ليست بالقصيره و انا انوي السفر لأذربيجان للسياحة طبعا و ذلك حسب ما وجدته من اقبال عليها في المواقع السياحية و حسب ما وجدته في موقعكم الجميل. اتفقت انا و 2 من اصحابي المتقاعدين طبعا للسفر و كنت انا المسؤول عن الرحلة بالكامل كالعاده مع اصحابي لان لدي خبره جيده بالسفر و لثقتهم و اعتمادهم علي دائما. في البداية بحثت عن المواقع السياحسه في البلد و و توصلت الى قناعه ان الاماكن السياحية هي مدينة باكو و قوبا او قبالا و غير كذا ما يحتاج. و هنا بدأت بالبحث عن السكن المناسب في باكو بداية، اصحابي يرغبون بالسكن في شقة افضل من الفنادق حتى نكون براحتنا و نسولف مع بعض و فعلا بحثت في افضل محرك بحث للسكن booking.com و ظهر لي ان هناك عدد كبير من الشقق المفروشه من فئة ال 5 نجوم و باسعار معقوله ، ليست بالرخيصه و لكنها ارخص من الفنادق بالتاكيد. قضيت تقريبا اسبوعين في التردد على الموقع رغبة مني في التأكد من نوعية الشقق و حتى اعطي نفسي الفرصة للاختيار الافضل. في الاخير اخترت شقق مفروشة 5 نجوم اسمها Nizami VIP Emirates Apartments تقييمها 10/10 3 غرف و 3 دورات مياه و مساحتها 250 متر مربع و صورها في الموقع من اجمل ما يمكن ، كان الحجز قابل للإلغاء و الدفع عند الدخول للشقه و هذا اعطاني الحرية و الارتياح . عند تاكيد الحجز بدأت المفجآت الواحده تلو الاخرى، وصلتني رسائل في موقع booking و على جوالي من عدة اشخاص يرحبون بي و البعض يقول انا سواق مالك الشقق و ساستقبلك في المطار و اوصلكك للشقه مجانا ، و ياتيني رساله من شخص اخر يقول نفس الشي، ثم تاتيني رساله من شخص اخر يقول انه مدير الشقق، ثم رساله من المالك نفسه يرحب بي ، فسالته عن موقع الشقه قال هو نفسه في موقع booking فطلبت منه صورا للشقه حتى اتاكد قال هي نفسها التي في الموقع. كنا في يوم السفر و بدأت اشعر ان هناك مشكله خاصة ان موقع booking اعطاني توصيل من المطار للشقه مجانا و لكن المالك طلب مني إلغاء هذا الامر لانه سوف يرسل لي سياره للمطار مجانا. حقيقة الامر و انا في الطياره عرفت ان هناك ورطة من نوع ما ساواجهها هناك لكني اتكلت على الله و قلت سوف اكمل هذه المغامره لربما ان الوضع هين و لا يستدعي مني كل هذه الشكوك. و صلنا المطار و خرجنا و اذا بشخص يلاحقني يقول انا السائق المرسل لكم ، كانت صورتي عنده حيث طلبها مني مسبقا للتعرف علي، قلت يالله مشينا قال يالله و كان متجهم عابس و معصب و يتمتم بكلام نصه فارسي و شكله يسبنا لكن مشيناها. ركبنا في فان قديم ريحته مقرفه و سواقة السايق اكثر قرفا حتى وصلنل وسط البلد و كانت زحمه شديده و كان يتصل على شخص يسأله عن موقع الشقه و ساعتها عرفت ان الشغله فيها نصب. بعد ساعه تقريبا و صلنا داخل حوش مغلق عنده مبنى كبير قديم مكون من 12 دور فيه سكان و عجايز و شيبان و ناس تطالعنا باستغراب. طلب السئق مني جوالي يعنف حتى يكلم مسؤول الشه و فعلا اعطيته و اتصل عليه و جانا واحد ضخم الجثه معه 2 اخرين بدون سلام و لا كلام قال حاسب السواق، قلت له هذا مجانا حسب اتفاقنا ، قال اثبت لي هالشي، رجعت في الرسائل اللي وصلتني و اعطيته الرساله قال للسواق خلاص روح. ثم طلب مني حجزي قلت هو عندكم و انتم ارسلتوا لي سواق و لا تعرفون حجزي قال لازم تطلع الحجز من booking قلت طيب و اعطيته، قال يالله عالشقه، قلت فين اسم الشقق و فين المدخل اللي عالشارع و فين مدير الشقق قال لا يهمك هالشي تعال اعطيك شقتك، مشينا معه للدور التاسع في مبنى ريحته مقرفه و فتح لنا شقه قديمه ريحتها مقرفه رديئه فيها 3 غرف صحيح لكن ليس لها علاقة بالشقه التي حجزت من ناحية الصور و الاثاث و الديكور. قلت له ليست هذه الشقة التي حجزت قال الا هذي هي و كان اسلوبه عنيف و خشن و قال تدفع لي الان كاش ضروري، قلت له ماعندي قال امش معي للصرافه اسحب و حاسبني، تجادلت معه 15 دقيقه بدون فائده و كان يزيد في العصبية و رفع الصوت، قالوا اصحابي خلاص حاسبه و فكنا شكلهم عصابه و نصابين و ما نبغا مشاكل. طبعا هو طلب مني مبلغ اكثر بمراحل عن المبلغ اللي في booking و قلت له ليش قال هذا فرق العمله . انجبرت ان امشي معه ا سحب الفلوس و اعطيه. اخذها بدون ما يعطيني وصل او فاتوره بمعنى لو جاني واحد ثاني للشقه و قال لي جاسبني راح احاسب لانه لا يوجد ما يثبت اني حاسبت. طبعا انا طلبته وصل استلام و رفض يقول ماله داعي. لا اخفيكم كانت لحظات مزعجة جدا لم تمر عليه في حياتي بالذات ان اصحابي يعرفون اهتمامي بالسكن و حرصي و معرفتي بهالامور و لكن انا هنا اعترفت بفشلي و انه انضحك عليه. لازال للنصب بقية و هذه البداية فقط. [/CENTER][/COLOR][/B][/SIZE][/SIZE][/SIZE]

ابو علي 999

مزعوط مبتدء

المشاركات: 31

تاريخ التسجيل: May 2022

2023-11-19, 10:23 AM

المشاركه #1

برد عليك مع اني اقهرت من تصرفك ولكن الله يعوضك

انا من رواد اذربيجان
المفروض يوم حجزت من بوكنق وجتك رسايل اللي يقول انه صاحب الشقه واللي يقول بجي اخذك من المطار وذكرت انه جتك رساله ثانيه ان واحد ثاني قال انه صاحب الشقه كان سحبت يبوي هذولا نصابين
انا اذكر مره قلت باخذ فيلا وفعلا حصلت في بوكنق وحجزت ويوم رحت الا وهي غرفه وصاله بس وفي بوكنق كاتبين ثلاث غرف والله بوجه قوي قلت لا كذا انتو كذابين ومشيت وخليتهم وهم يناظروني وانا اركب التكسي وامشي
ياحبيبي لا بوكنق ولا خرابيط ، انزل الطار خذ شريحة نت اطلب بولت دقيقه وهو عندك لاتركب مع حقين التكاسي ابدا ، اطلع مع بولت نظامي انزل في احد دواعيس شارع الشقق واجد والسكن خياراته واجد احجز وانت شايف بعينك اللي ماعجبني والله ما اسكنه ولا ادفع ريال لو يقوم البقس
بعدين سالفه ايجار السيارة البد مايحتاج تستأجر سيارة ماهو مثل المغرب
ياحبيبي اذا بروح قوبا وقبلا عندك مرشدات سياحيات بنات اليومية ب 100 دولار ماتخلي بك مكان وحلوين وسوالف ووناسة وسيارات حديثة
لاتاخذ رجال خذ بنات مرشدات سياحيات عسسسسسل
والبلد نوعا ما رخيص انا اطلع 5 ايام ماتكلف 4000 ريال وحنا ثلاثة وكل يوم سهر بعد وناخذ هدايا لأهلنا
لو بحثت هنا في الموقع كان الشباب علموك بالشقق الزينه ولو سألت عن مرشدات سياحيات كان علمناك واعطيناك ارقام ووصينا عليك بعد
انا والله بالواتس احجز الشقة وكل شي
شقة ثلاث غرف نوم وصاله ب 220 ريال 100 منات