حبيت اشارك الاخوة القرار

السلام عليكم
يا سؤال دوك الجواب ... هذي تجربة واحد إشترا من كوريا
/

السلام عليكم
من باب الفائدة للجميع وخصوصا من يفكر باقتناء سيارة ديزل في ظل ارتفاعات البنزين المتكررة
قررت شراء سيارة ديزل وذلك لانه موفرة واعتماديتها عالية واعطال محرك الديزل قليلة جدا مقارنة بالبنزين
دخلت موقع كوري متخصص في بيع السيارت المستعملة مثل موقع حراج الا ان الفارق ان الموقع الكوري يلزم صاحب السيارة باحضارها لديهم وهم يصورونها ويفحصونها ويكتبون التقارير عنها في الاعلان لا مالك السيارة ، المهم اني وجدت سيارة عجبتني نوع سوناتا 2017 ديزل ورغبت في شراءها فتواصلت معي موظفة كورية عبر الواتس وبدأت تخبرني عن الاجراءات وغيرها وبعد يومين من المحادثات قالت لي بقي شيء واحد نخبرك به قبل طباعة الفاتورة والدفع ان هذه السيارة تعرضت لحادث وتم الاصلاح والسمكرة على اكمل وجه فهل ترغب في مواصلة الشراء ام تبحث عن سيارة اخرى ؟؟
ولا اخفيكم اني تعجبت من طريقتهم في البيع فلو كانت السيارة عندنا وجاءك الشريطي سيحلف لك ايمان مغلظة انها سليمة وهي مسمكرة امامك
فصرفت النظر عنها حتى وجدت توسان 2017 ابيض فل كامل ماشي 29 الف فاشتريته وحولت لهم المبلغ مباشرة من حسابي في الاهلي الى حسابهم في بنك كوري وكانت القيمة 12777دولار امريكي شاملة الشحن، وتم شحن السيارة الى ميناء جدة واستغرق وقته حوالي 35 يوم ، ثم اتصل بي الوكيل الملاحي الخاص بالسفينة في جدة واخبرني انه يجب مراجعتهم لاستلام اذن الفسح مقابل 340 ريال وبعدها تعاملت مع مخلص جمركي اخرج لي السيارة في تاريخ 28 رمضان 1440 بدون لوحات واستلمتها بعد دفع مبلغ 5 الاف جمارك وضريبة ثم فحصتها وأمنتها واستخرجت لوحاتها من المرور
والحمدلله كانت تجربة اكثر من رائة وتفاجأت بأن محركات الديزل الحديثة المزود بتيربو قوية واقتصادية وسريعة والان السيارة اكملت سنة تقريبة ومن ابدع مايكون اعبيها فل 28 ريال وتمشيني اكثر من الف كلم داخل المدينة ، وجربها زميل لديه توسان نفس الموديل لكن بنزين فحلف انها اقوى من سيارته والعهدة عليه
وبخصوص قطع الغيار كلها متوفرة لدى الوكيل والمحلات لان هذا المحرك موجود سابقا على الدينات والباصات الهونداي
وهذه تجربتي
:
هذا الموقع
https://www.autowini.com/main

حلوه طريقتك بس ماتوقع مباشره للمغرب يعني لسعوديه ثم شحن ثاني للمغرب يعني مكلفه

حياك الله
والله ماهي طريقتي ولست بصاحب الموضوع
وعني انا لا أأيد الشراء بناء على الصور ومكالمات التليفون خصوصا بالحاجات الغاليه
ولكن تذكرت الموضوع لما ذكرت انت انك فكرت تشتري من كوريا ولكن لا تعرف الطريقه
فتذكرت هذا الموضوع لأنه محفوض عندي بالجهاز وترا ماهو جديد حدث من ثلاث سنوات
فحبيت اضعه هنا للجميع .. ممكن الواحد ياخذ فكره عنطريق موقعهم بالأسعار
ويتواصل معهم ويعرف طريقة الإستيراد وغيره ثم يذهب هناك للمعاينه وشراء مايريد
كا بزنس يعني يشتري عدد من السيارات ويستفيد ..؟!
والمفروض اني وضعته على العام لتعم الفائده ويراه الجميع .
/
اما بالنسبه لموضوعك اعذرني ما عندي ما افيدك فيه إلا بما ان السفر عائلي والمده طويله
وليست سفرة سياحه إعتياديه إسبوع ومثله لذلك :
اوصيك بالحذر والحرص ومنهم معك يعتبرون غر لا يعرفون الخفايا التي انت تعرفها فاحرص عليهم
وتحريصي لك لأن المده طويله والتعارف فيها حتمي لا اريد ان اذهب اكثر من ذلك .
بحفض الله ورعايته