تقرير ل رحلة قصيرة

كابتن نامق · 2024-01-25T22:18:34+00:00

السلام عليكم اول تقرير رحله اكتبه ب المنتدى التقرير ما فيه طيور او شراب الذهاب يوم ٢٨ ديسمبر والعودة ٩ جانبوري ٨ ايام الدار البيضاء و ٤ ايام طنجة والناقل الخطوط السعودية بزنس اقلعت الطائره بوقتها طلبت تأخير الوجبه قلت بانام ونمت بس ساعه للأسف صحيت واكلت . وصلنا والحمدلله ورحت على مسار البزنس وليتني رحت للعادي فقط موظفين اثنين وبطيئين بشكل لا يوصف قدامي كان فقط حول ١٥ شخص وجلسنا فوق ٤٠ دقيقه منظر موظفي الجوازات كان غريب ياخذ الجواز وكأنوا ينظروا للركاب الي بالأخير ويكتب حرف بالجهاز ويرجع يبحلق دقيقه ب الركاب الي بالأخير على كثرة روحاتي للمغرب اول مره اشوف هالبطء جاء دوري طلب اسم الفندق الفت له كنزي المعارف وانا كنت حاجز عن طريق Airbnb شقه ورحت استلم الشنط وتجلس ساعه ايضا اول مره اتأخر بهالشكل ب مطار كازا ورحت شريت تذكرة قطار درجة أولى ل الميناء والي جنبي سياحي بس ما يبي يقوم جاه الموظف وقاله الدرجة الثانيه وراء وهز رأسه ولا قام ههههه وصلت المحطة وطلعت واخذت تاكسي ل بورقون اعتقد ب حدود ٢٠ درهم وحست شوي لين عرفت العماره لانها دخول ذكي وأول مره اجرب هالسيستم جاء واحد وفتح الباب واختفى طيب المفاتيح وكان مالك العقار مرسل لي كود ولا كنت عارف كيف افتح الصندوق الي فيه المفتاح حمدلله عرفت بعدين دخلت وتروشت وطلعت اكتشف المنطقة الشقة في شارع Tantan في بورجون الغربي منطقة راقيه وتحت العماره كل شيء احسن مطعم إيطالي little mama ملاصق للعماره الي أنا فيها المطعم حلو لا يفوتكم وأسعاره معقوله جدا ورخيصه بس دايم فل بس ما تطول وتحصل طاوله ايضا محلات أكل بحري بجانب العماره واكل مغربي والشارع امن وراقي والشارع دائما مزدحم بحكم كثر المطاعم المشهوره والفطور الصباح ايضا بعضها تفتح بدري ودخلت مطعم أخذت ساندوش كفته من كافتيريا أمام العماره ب ٣٥ درهم وطلعت بعدها أتمشى في المعاريف وطلعت بعدها للكورنيش أتمشى ورجعت للشقه كنت تعبان ما نمت زين نمت وصحيت الصباح ورحت ل محلبه قريبه من سنين طويله وانا أجيه كل ما جيت للمغرب ويذكرني ب ايام الشباب وطلعت ل قهوة ستار بكس في انفاً وناسي ان فيه مقاطعه معلش نسيت اول يومين وبرنامجي اليوم أصحى بدري افطر وكنت بعض الأيام اطلع. للنادي جيم يوم اروح ويوم اجازه واطلع امشي ع الكورنيش صراحه كورنيش عين دياب رائع واحلى شيء ب الدار البيضاء والغروب دائما بالقهاوي الي خارج مول موروكو الغروب هناك خيال كان فيه سعودي متقاعد تعرفت عليه ب كشك عصير قبل كورونا ومستأجر سنوي ب بورقون له سنتين ما يرد ع الواتس رحت ل عمارته وقابلت الحارس قال رجع للسعودية وترك المغرب كنت خايف ان جاه شيء لانه مريض قلب نزلت موضوع قبل كم شهر عن شراء عقار لاني قريب على التقاعد والإخوان الله يعطيهم العافيه نصحوا ب الاستئجار فكنت فاتح موقع اجينز وانا امشي أتفرج على الشقق ووالله فعلا الايجار افضل او اشتر ب السعودية وأجر ومن نص مبلغ الاجار تقدر تستأجر بالمغرب بالراحه والنص الثاني مصاريفك افضل من صداع الشراء فيه شقق رخيصه إيجارها مقارنه ب سعر شرائها ومواقع خيال أنا من عشاق المشي وما استأجرت سياره كنت معتمد على المشي واحيانا تاكسي التكاسي رخيصه ولم أواجه اي مشكلة مع اي احد والحمدلله يمكن لأن شكلي مغربي بس مشكلتي لما اتكلم يكشفوني هههه والبعض حتى يشك يقول ليش تتكلم خليجي معتقد اني اكذب او استخدم اللهجة للتعرف على البنات هههه البرنامج اليومي هو لازم ب الصباح والمساء كورنيش مشي وجيم احيانا وقهاوي ومطاعم والشقة فقط للنوم او زياره سريعه للصلاة والتروش والخروج مره اخرى الرحله كانت استكشاف هل البلد مناسبه بالنسبه لي بالمستقبل للعيش فيها اكثر من انها سفره سياحية لاني صراحه داير العالم كله رحلات عمل فشبعان من السياحة والحمدلله وصلت ل قناعه البلد ما تصلح لي يمكن تناسب البعض بس أنا ما ناسبتني لأسباب كثيره منها اولًا ما ترتاح بالبلد ب مجرد خروجك من العماره شحاذين يهاجموك ويضايقوك ولو عطيت واحد هجم عليك ١٠٠ ونصيحه الي بيعطي يدور المحتاجين وبتقدر توصل لهم وهم صراحه كثير ب البلد وغالبا بتلقى عندهم عزة نفس ان قدرت توصل لهم ممتاز ايضاً ما ترتاح يمكن لاني كنت مسافر لوحدي وما معي احد ولو صار شيء لا سمح الله محد معك وانت ب غربه ثاني شيء البلد غير مهيئة للمشي وانا من عشاق المشي فقط الكورنيش ويمكن حي راسين ب المعارف هو الي مهيء للمشي وباقي الاحياء متعبه جدا للمشي حفر طلوع ونزول وميول وتهور بالقياده ثالث شيء ولا يزعلوا علينا المغاربه صراحة الوساخه في وسط الارصفه زرت دول كثيره ودول فقيره جدا في أفريقيا لم اجد القذاره ان شخص يعملها ب وسط الرصيف زي ما شفت ب الدار البيضاء والحق يقال طنجة لم اشاهد فيها هالاشياء رابع شيء الاستغلال دائما لما يعرف انك خليجي يحاول بشتى الطرق ان يستغلك الإيجابيات البلد رخيصه وخاصة الاجار رخيص جدا واتكلم عن الاجار طويل المده للي بيعيش هناك شقق ب مواقع حلوه ٧ و ٨ الاف درهم ب مواقع رائعه ألمغرب لو عندك اي دخل من الخارج بترتاح فيها لان كل شيء بيطلع رخيص عليك الأكل روعه والخضار والفواكه طازجه واللحوم والأسماك رخيصه الرحله زي ما قلت هي استكشافيه اكثر من انها سياحية لا احد يزعل من كلامي وانا اقول كل بلد لها ايجابيات وسلبيات وحتى أمريكا وأوروبا والخليج له ايجابيات وسلبيات والمعذره ما عندي اي خبره ب الكتابه تحياتي

عابر سرير

مزعوط جديد

المشاركات: 21

تاريخ التسجيل: Dec 2023

2024-01-27, 01:59 PM

المشاركه #1

وينكرماشفتكرانا كنت هناك وكانت جميله البلد ممتاز وفي اقرب فرصه اسافر

أرسلت بواسطة iPhone بإستخدام مزاعيط المغرب

كابتن نامق

مزعوط نشيط

المشاركات: 123

تاريخ التسجيل: May 2013

2024-01-28, 03:07 AM

المشاركه #2

اقتباس:

المشاركة الأصلية كتبت بواسطة عابر سرير

الله يهنيك والبلد فعلا جميلة

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تقرير ل رحلة قصيرة
الموضوع	آخر مشاركة
رحلة قصيرة للمغرب	2022-07-19 06:56 PM
كان - فرنسا رحلة قصيرة	2017-05-16 08:52 AM
رحلة قصيرة للمغرب	2017-03-26 05:40 PM
رحلة قصيرة لكازا	2015-02-21 03:21 PM
تقرير رحلة العمل	2012-08-29 10:20 PM

الساعة الآن 02:08 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تقرير ل رحلة قصيرة

روابط سريعه