هاينة والغول &quot;قصة من الثرات المغربي&quot;

Nadosh · 2011-07-15T19:57:52+00:00

[SIZE="6"]سم الله من تاني حكايتي بديت بديتها بالصلاة على النبي العدنان محمد عليه الصلاة و السلام اللي من الصلاة و السلام عليه ما مليت. بلا شك حكاية مول الزين و الكلام الحلو سالات و من البال سطورها تمحات و اللواح اللي فيها تزمات مع واد الحكايات المنسية مشات ومن وراها جات و مشات شلى هي من حكايات من بين الحكايات اللي يامها تقادات وكانو العجوزات الشارفات الهارفات للصبيان الصغار يعاودوها ليهم في سكون الليل في الفراشات حكاية هاينة و الغول وشكون فينا اللي ما غمضو عينيه في صباه و صغرو حتى سمعها ايوا نقولو بسم الله حكاية هاينة و الغول حداتها كيف حدات حكاية مول الزين و اللسان الحلو بدات وليني من غير صدفة و لا كدبات من بعد ما طول قلب هاينة في السبات الغول خلاه يحيى من بعد ما وقفو فيه الدقات او زاد طير النوم من عينيها و تمنات هاينة ولو ليلة وحدة فجنبو تبات و شحال من ليلة جابتو مع نجوم الليل غير هي و الشمعة تخايلو حداها و شحال كملات بيه من ساعات او ما كان يوقع بيناتهم لا شيطان و لا قلالين حسنات ما يوقع بينهم لا خصام و لا هفوات حيت قلب هاينة الصافي المسلم للغول سلم او كانت السماحة و السلم الخصلة الزينة اللي بيناتهم تشركات هي من جيهتها ناحيتو ما قصرات اة حتى الغول ما كان يخسر ليها الخاطر بكلمة و لا كان يبيتها بلا بيات الغول عند هاينة زينة الوحوش القلب الحنين الدافي و العشق الصافي و اللسان الحلو اللي ما يخرج من فمو حتى كلمة تحافي مول الوجه المبشور اللي الضحكة طايلاه و ما مفارقاه وخا الهموم عندو كالتوزن بالقفافي الليام بين هاينة و الغول طولات او حسات هاينة بطولها اوا كلها يلزم حدو هاينة هاد المرة وقفات او سلمات او قالت هدا جهدي هاينة ما بقاتشي هاينة او مع الغول هاد المرة تصعبات هي من ناحيتها ما فرطات و الباقي من العمر معاه تبقى ما كرهات او تشرك معاه اللي كان سوى الحلو او لا المرات وليني من بعد ما الهدرة معاه ولفات او التخمام فيه كترات فكرات او عاود فكرات او خمات او راه المتل يقول مية تخميمة او تخميمة ولا ضربة بالمقص او قالت تخرج من قاع الواد قبل ما يحمل او عاد نوليو في شد ليا نقطع ليك ايوا بالقرار الحكيم تحزمات او على الفراق او تشتات الشمل نوات او عولات قبل ما يطيح الفاس في الراس او تولي محسوبة من النادمات من بعد طول الفراق بالغول هي تلاقات او القلب معاه قصحات او قدامو حسكة وقفات او مع كتافو تقادات او هدرت و دوات او قالت او نطقات من اليوم العشرة اللي بيناتنا ما بقات او ختماتها او قالت معرفة الرجال كنوز او انا معرفتك يا الغول عمري عليها ما نندم معاك الوقات الزينة دوزت وليني دوام الحال من الموحال او قلبك الى من قبلي عشق انا ما نتشرك فيه راه الوجه المشروك عمرو ما يتغسل او بالبكا او النواح على الغول سلمات او مشات في طريقها طريق الغابة او لراسها حنات او هكدا حكاية هاينة و الغول سطورها في واد الحكايات المنسية مشات او من واد لواد دفقات او انا مع ولاد الجواد جلست او تصنت لحكاية هاينة او الغول من فم العجوزات او بلا زيادة ولا نقصان من فمي ليكم تعاودات.[/SIZE]

بنت فاس

هاينة والغول "قصة من الثرات المغربي"

المشاركات: 2,607

تاريخ التسجيل: Jan 2011

الدولة: italiya

2011-07-15, 11:00 PM

المشاركه #1

رد: هاينة والغول "قصة من الثرات المغربي"

machkoura hbiba fakrtini fi lalla lah yirhamha kanit kolli ma jat tibat 3indna agolha tihkihali:Abu Ahmed (707):

Nadosh

موقوف

المشاركات: 9,236

تاريخ التسجيل: Mar 2011

الدولة: بلاد الكفار

2011-07-15, 11:12 PM

المشاركه #2

رد: هاينة والغول "قصة من الثرات المغربي"

اقتباس:

المشاركة الأصلية كتبت بواسطة souad

machkoura hbiba fakrtini fi lalla lah yirhamha kanit kolli ma jat tibat 3indna agolha tihkihali:Abu Ahmed (707):

الله يرحمها ويرحم جميع اموات المسلمين
شكرا احبيبة

المواضيع المتشابهه للموضوع: هاينة والغول "قصة من الثرات المغربي"
الموضوع	آخر مشاركة
"شعب كامل" شاهد أغنية "مال حبيبي مالو" لسعد المغربي	2014-10-29 07:44 PM
"الباسبور" المغربي يخول الدخول ل51 دولة بلا "فيزا"	2014-07-03 10:34 AM
لاعبو "الأولمبي" المغربي صاموا.. "مُتجاهلين" فتوى علماء المغرب	2012-08-15 02:17 AM
باشْ درتي يا يدّي تودّي "حكابة من الثرات المغربي"كان يا ماكانْ حتى كان لحبق والسـّوسا	2011-07-15 11:14 PM