بطاقة بنك D360 الافضل بلا منازع

السلام عليكم ويالله حي الربع

بالنسبة للموضوع الصرف بالبطاقة لقيت لكم افضل صرف بحكم اني جربت كل البنوك والبطاقات والكاش وويستر وموني جرام طبعا البنك هاذا جديد ورقمي ومالها فروع تحمل التطبيق وتسجل فيه وتمسك سرا لين يجي رقمك هاذي المشكلة طبعا انا ما جاني السرا الا بعد اربع شهور تقريبا بس يستاهل وما يضر الواحد انه يسجل ومتى ما جاك السرا يجيك طبعا البنك كل خدماته مجانيه التحويل والسحب وسعر الصرف فيه افضل من جميع البنوك عندنا مقارنة بكذا بطاقة احملها ومجربها ومنها :

بطاقة السفر من السعودي للاستثمار
بطاقة سفر بلس من الراجحي
بطاقة عملات بنك البلاد
بطاقة سجنتشر يورباي
بطاقة اس تي سي باي
ومقارنة مع التحويل من بنك البلاد او اس تي سي باي عن طريق ويستر هو الافضل
ومقارنة بالتحويل من موني جرام عن طريق يورباي هو الافضل برضه
ومقارنة بالسحب كاش بالبطاقة سعر الصرف افضل من المغرب حيث ان البطاقة عطتني سعر صرف اعلى من اللي جايب كاش معه ويبغى يحول كان سعر تحويل الكاش 2.60 وسعر صرف البطاقة 2.64 للسحب كاش والحساب بالشبكة كان 2.66 .

وبالنسبة للسحب الكاش بنك وفاء يسحب الى 8000 درهم ورسوم السحب 35 درهم للسحبة الواحدة اما بنك D360 اللي هو مصدر البطاقة ما ياخذ اي رسوم نهائي لاكن اي بنك تبي تسحب منه ياخذ رسوم وملاحظة مهمة اذا جيت تسحب من بنك وفاء او بعض البنوك يعطيك خيار السحب مع التحويل او بدون التحويل ف اختر سحب بدون تحويل لانك اذا اخترت مع اتمام التحويل بيصير البنك اللي انت ساحب منه هو اللي يحسب لك سعر صرفه هو اما من بدون اتمام التحويل فبنكك الاصلي اللي اهو مصدر البطاقة بيعطيك سعر صرفه هو وهاذا الافضل .

انا استخدم البلاد واحول لنفسي واخذها كاش برسوم 11 ريال للعملية من الويسترون ومعي بطاقة تمكين احاسب فيها مطاعم وكافيهات بدون رسوم وبدون عموله


اما بنك D360 هو فترة تجريبية حالياً بدون رسوم او عمولة

__________________
‏هلا بالصمت دام الصمت ما يجرح مشاعرنا.

الصرافه طلعتها بس ماجربتها في المغرب بس عند استفسار كم بتسحب لي فوق العشرين الف سعودي


Sent from my iPhone using مزاعيط المغرب

حلوه البطاقه بعرضها المجاني للسحب الكاش والعمليات الدوليه
وطبعا واكيد بعد فترة بيغيرونه بكن مايمنع تطلعها وتستفيد
انا صراحه كنت شاك انهم بيعوضون المجانيه هذي بسعر الصرف
لكن الشيخ ابوالفراسه الله يطول بعمره ويعطيه العافيه متاكد من هذا الشي
فبنستخدمها للكاش وللعمليات علماً ان حدها الشهري 20 الف وتتصفر اول كل شهر ميلادي

هلا بالذيب
وين موقع مكينة صراف الوفاء الي تسحب 8000 درهم دفعة وحدة ؟

بعد اذن صاحب الموضوع
كل مكاينهم تسحب وانا اتكلم عن بطاقة صراف سعوديه سواء مدى او فيزا تعطيك 8000 الاف سحبه وحده حط مبلغ اخر وحط 8000 انا سبق وجربت واكثر من مره بالفيزا وبمدى وعطتني

سحب صراف آلي دولي
البطاقة: ***2137 VISA
المبلغ: 3146.51 SAR
الرسوم: 25.00 SAR
الدولة: MA
بتاريخ: 2024/01/26 22:46:48

هذي بstcpay فيزا

وعليكم السلام ورحمة الله وبركاته
بالنسبة لبطاقة d360 مايحتاج تمسك سرا
ارسل الرابط الى كم شخص يسجل عن طريق رابطك
انا سويتها يمكن مع خمسة او ستة اشخاص وبالفعل سجلوا بأرقام جوالاتهم
وبنفس اللحظة وصل دوري من 280 الف الى تقريبا 200 وارسلت الرابط
اتوقع لأثنين وسجلوا وجاني تفعيل الحساب وبعدها بأسبوع وصلتني الباقة ع البريد
جرب ترسل رابطك من نفس التطبيق للواتساب لأاخوانك واصدقائك وشرط يسجلوا بارقامهم
وصدقني ساعة وحسابك متفعل

ممتازة جربتها بالمغرب بدون رسوم للبنك السعودي فقط رسوم البنك المغربي وسعر صرف أفضل من الصرافين
سحب نقدي
مبلغ: MAD 2022.0 (SAR 765.19)
الرسوم: 0.0
بطاقة: *1064 - VISA
لدى: casablanca,MA
الدولة: Morocco
في: 23:55 2024-05-

تصحيح طلعت الD360 بنك رقمي وليس محفظة الكترونيه بمعنى ان الحد الشهري ليس 20 الف فقط وانما مفتوح زيه زي اي حساب بنكي اخر وهذي معلومه متاكد منها