اقتباس:
المشاركة الأصلية كتبت بواسطة أبـو نواف
يعني هو شقق فندق ولا فندق عادي ؟
بمعنى لو كنا اثنين كل واحد في غرفة مستقلة ولا النظام مختلف ؟
وبالنسبة للنظافة وش تقييمك لها ؟
لاني كاني قرات وجود ملاحظات من هذه الناحية
صحارى فندق بس فيه غرف وفيه موجود سويتات كبيره غرفتين وصاله
بالنسبه للنظافة أشوف انه نظيف صراحه مافي شي يعكر المزاج. إذا جيت تطلع كلم خدمة تنظيف الغرف يجون ينفضون لك الغرفة نفض حتى أغطية الأسرة والمخدات يغيرونها.
صراحه كنت اجي اكادير كثير بس ولا مره سكنت في صحارى كنت اسمع كثير من الناس يتكلمون فيه وتعليقات سلبيه بس بعد التجربة الاخيره خلاص بصير اعتمده في كل زياراتي لأكادير.. ضيعت حياتي في شقق مارينا
تعامل العاملين فيه ممتاز وامينين إلى ابعد حد.. ارفع السماعه اي شي يجيك لحد باب الغرفة.
الضيف إذا جاك يسجل دخول ويحط بطاقته عندهم هذي ميزه كبيره اشوفها علشان تفتك من بعض الافلام اللي تصير من بعض الضيوف في الشقق مثل شقق مارينا. وماعندهم سالفة تعطي عساس 100 درهم علشان تدخل ضيفك. تشتري راحة راسك وتروق ع الآخر.
السلبية الوحيده اللي اشوفها في فندق صحارى ان الاكل عندهم مهوب ذاك الزود طلبت مره بيتزا ومره برقر بس ماش ماعجبني لكن الفطور عندهم جيد عندهم حريرة واعرة.. يعني لو يجيبون شف يضبط الاكل عندهم وخصوصا الخليجي بيصير في فندق متكامل.
2024-06-16, 01:13 PM
المواضيع المتشابهه للموضوع: استفسار سريع بخصوص السكن في اقادير
العرض المتطور
الدرهم المغربي مقابل عملات الخليج