طلب مشوره في الزواج من المغرب او جنسية اخرى ..

م
كيف اقدم على تصريح ، انا من حايل
غريبه ماجاك للأن ، مابحثت ورا المعامله ؟

ماني راعي بران ، خلني على البي ام هههه

والله موضوع الزواج من أجنبية قرار صعب ولازم تفكر فيه من جميع النواحي من ناحيتك ومن ناحية أبناءك. فيه بنات كثير عندنا ماهو متطلبات وبالعكس همها الوحيد تعيش حياة مستقرة وهادية خصوصا اللي عمرها ٢٨ وفوق واعتقد هذا العمر مناسب لك ولا تخلي تجربتك السابقة هي الحكم. فكرة أنك تتزوج بنت وتكون هي زوجتك الأولى (بحكم انفصالك) من دولة ما تعرف عنها أي شي اشوفها فكرة جريئة وبالنسبة لي ما أنصحك تسويها. الأجنبية بالنسبة لي تنفع زوجة ثانية أن مشت معك زين ع زين وأن حصلت اختلافات فالانفصال بيكون سهل عليك لأن عندك بيت وأسرة مستقرة. هذا رايي والأفضل تفكر واذا قررت تتزوج من برا واخترت البنت لابد توضح لها وضعك المادي بشكل دقيق عشان تكون الأمور واضحة من البداية. وبالتوفيق.

كلهم مختلط حابلهم بنابلهم عرب امازيغ اندلسيين وفيه شعوب قديمه عيونهم زرق وشعرهم اشقر محسوبين على الامازيغ وفيه مناطق مغروفه اهلها امازيغ مثل اكادير
والمدن اللي حولها ومناطق اهلها عرب نواحي اسفي كازا والرباط
والشمال وشفشاون فيها اندلسيين الناظور الحسيمه اغلبها امازيغ
مراكش بين عرب وامازيغ وتراهم اختلطو وتزاوجو من بعض
ولو انا مكانك اخذ امازيغيه من نواحي مراكش يبون العيشه واذا باخذ عربيه
اروح كلميم بدو اهل ابل والعربيات احلى من الامازيغيات لكن بالطباع الامازيغيه

معك حق ،
ولكن وينها اللي تبي حياه مستقره هنا اختلف الوضع من خمس سنوات وجاي ، بالمنقاش وانا والله مافي حيل اقعد انقش وادور ، مابقى من العمر كثر اللي مضى ، والحمدلله الوضع المادي يكيفي ٤ امازيغيات ولله الحمد ������

وبالنهايه المصلح الله

الله لايحير مسلم
اكييد الطباع اهم مطلبنا والا وش مهججنا من هنا
لكنا طماعين ودنا نجمع الثنتين ، وعسى الله يكتب اللي به خير ومانواجه تعقيدات بالتصريح

شلوح اكادير اسمهم سوس. والشمال ريافه وفيه جبالا وفي شلوح مراكش ونواحيها وحتى الجنوب الا الصحرا اما العرب موجودين منطقه الغرب سيدي قاسم والقنيطره والنواحي والشمال وفاس ونواحيها والاطلس الكبير والاطلس الصغير وحتى الجنوب والصحرا المغربيه. وكلهم فيهم الطيب والردي. والقاعده اظفر بذات الدين تربت يداك. والجمال موجود عندهم كلهم. وصف النيه يكتب لك ربي الخير. ونصيحه لازم تكون مسافر للمغرب كثير عشان تعرف اطباع اللي هناك . اما كلمة اندلسيين وين جبتها ذي ههه


Sent om my iPhone using مزاعيط المغرب

اذا معزم ع الزواج ممكن تناقش كم مغربية أمينة من اللي يشتغلون بالسعودية أكيد يعرف بنات بلدهم أكثر من غيرهم ولاتعتمد على كلامهم بشكل كامل لكن خذه كنقطة انطلاقه

الزواج من بلدك افضل بكثير
من ناحية قرب المسافه في الاجازات !!
والأبناء تعرف خوالهم.
ولو قدر الله صار الانفصال وين بيكونون
غيره أشياء كثييير يعرفها الي جرب الزواج من برا
واحترم اخونا النمله بس احنا سمعنا قصص اكثر انها تجيب ولد ولدين وتقلب عليه
وبعدين انت اخذ وحده تعرف ومتأكد مليون بالميه
انها قابله فيك مقابل الماده ولا خياراتها في أيناء بلدها أفضليه لها
مهما يكون عندك ملاحظات عن الزواج من بلدك
صدقني تعتبر ١٪؜ من الي تواجهه برى
مانبي نطعن في احد بس شفنا منهم متزوجين وقصص تحوم الكبد
تبي تسافر وتنبسط روح
بس حلاوه الثوب رقعته منه وفيه
يعني بتسافر وتصلح اوراق وتلف برى
سوي ربع المهم في بلدك وصدقني بتلقى الي ترضيك
هذي وجهه نظري

__________________
‏وقل لشامتين صبرً فإن نوائب الدنيا تدور..،

اخوي باحث كلامك جميل جدا وفيه مثل يقول حلاة الثوب رقعته منه وفيه وطبعا زواجك من بنت ديرتك اقل مخاطر هذي بلا شك خالصين منها لكن حنى الرجاجيل نحب الزين والمزيونه في ديارنا سرى عليها وطلباتها واجد بنفس المستوى بالمغرب قنوعه وتبي الستر مافيه مانع يجرب حظه واذا ماتوفق معاها ماهي نهاية العالم يسريها وياخذ اختها هههههه يصدم عيشتها انا اشوف الزواج من مغربيه اقل خطر من الزواج من مصريه او سوريا