( نصيحة ) يجب عليك التأكد اذا رحلتك تتضمن حقيبة تشحنها او لا

جربت رجال اعمال نفس الشي متوتر بس منسدح ههههههه بس اهون صراحه ومن لقافتي اخترت اول كرسي عندي الحمام على اساس انزل اول واحد لكن كرهت حياتي من الريحه كل مادخل واحد الحمام اقول يارب مايزق هههه لانه اول مايفتح الباب انا اول شخص يلفحني الهبوب وبالرجعه نفس الكرسي
انا مكتب السفريات دزلي الكراسي استغربت اول كراسي جهت اليمين واليسار فاضي وهم اقرب للباب
واللي ورى اغلبه محجوز ورحت حجزتهم فقري مو متعود عالبزنس ههههههه

ههههههههههههههههههههههههه
والله موتني ضحك هههههههه
والله اني كنت مثلك يجيني توتر وقروشه وما ارتاح الا لين ما اوصل
بس الحمدالله تخطيت هالمرحله صرت اصكها نومه محترمه
والله انك نبهتني الله يعطيك العافيه حاجز ثاني مقعد بعدله الحين بخليه ثالث مقعد

__________________
ستسعى جاهداً حتى تصل مرادك
قد تعرف انها معركة حاسمة لدمارك
استمر في خوضها لعل رياح العصف قد تأتي لجانبك لا لحصارك

هذي من أساسيات السفر لازم تشيك على سياسة الشنط سواء بالطيارة أو الشحن
حاليا أشوف بعض شركات الطيران حاطين ماهو وزن بس حتى محددين أبعاد محددة لشنط الشحن لو تزود شي بسيط علعلو فيك
إذا بتسافر على السعودية مثلا أو أغلب الخطوط الخليجية أتوقع أمورك بالسليم المشكلة دايم اذا قررت تركب طيران غريب عجيب محد سمع فيه غيرك لازم تنتبه ههههه

هههههه حتى بالبزنس يسوونها
درجة الأعمال حلوه ومريحه لكن اذا ضمنت أن رحلتك فاضية السياحية حلوه تاخذ لك ٣ مقاعد جنب بعض حرام وقتها تدفع زود أو من أميال المكافآت
والله كنت راكب برحلة بثاني صف على الجبهه وتونا حتى ما اقلعنا ماقلنا بسم الله
الا ويجيك أحد الاخوان مدري وش متعشي عليه ويسدد لك وحدة خلتني لاشعوريا أغير الصف وارجع بالنص هههههه

هههههههه يمسكونها عشان يحذفونها بالجو مفروض قبل لا يركب الطياره مخلص شغله او بالترانزيت
اما انا يجيني امساك اصلا من الخوف والتوتر
بعدين حمامهم متر بمتر ومرحاضهم وصخ مادري شلون الناس تقعد عليه وتسويها

مخرفش النملة وش جاكم هههههههههههههههههه
والله صدقت بعض خطوط الطيران لها قوانين عجيبه
من ٨ او ١٠ سنوات تقريباً كنت في لندن وقررت اطلع على مراكش انا وخوي لي
وياعزتي لخويي المسكين اول مره يسافر وحمسته من لندن على المغرب وماقد سافر ابد وشاف الهوايل ما ينساها طول عمره للحين يعايرني فيها ههههههههههه

لقينا خطوط طيران درجة اولى رايح جاي ب ٤٠٠ ريال والسياحي ٢٠٠ واخذنا درجة اولى قلت الحين بتشخص وبرتاح ما دريت رحت للموت بنفسي هههههه

شفت السعر بلاش وحجزت وطلع مطار مختلف عن مطار هيثرو يبعد ٢٠٠ كيلو برا لندن وامشي بالسياره طبلون بلحق المطار هههههههه

وصلنا للمطار تفتيش غريب والناس اشكالها غريبه تحس انك مطلوب جنائياً والناس متوتره والوضع تحس فيه قلق ماهوب مريح ابداً

المشروبات ممنوع تدخلها معك حتى لو بعد التفتيش تشتري من الداخل بتدخل فيها بالطياره يقولك ممنوع ارميها برا
معي شنطه ظهر فيها عطر اخذوه ورموه بدون مشاوره

دخلنا الطياره المقاعد كنك راكب في ددسن غماره الدرجة الاولى كانك راكب في غماره اللي قدام والسياحي غماره ورا هذا الفرق بدون مبالغه ههههههههه
ونزلت الجاكيت حطيته الله يعزكم على رجولي
جاني المضيف قال عطني اياه قلت ليه قال ممنوع
طيب فلوسي واغراضي فيها المهم نشب لي وطلع عيوني وعطيته الجاكيت
والطياره طلعت مراوح مطبات هوائيه الطياره تحذف حذفه تقول تبي تطيح
الله لا يعيدها من رحلة وصلت مطار مراكش وانا جتني ام الركب الله لا يعيدها من رحله ههههههههه

__________________
ستسعى جاهداً حتى تصل مرادك
قد تعرف انها معركة حاسمة لدمارك
استمر في خوضها لعل رياح العصف قد تأتي لجانبك لا لحصارك

زين مانزلوكم طيران مظلي ههههههه
والله سالفة تغيير المطار ذي بحد ذاتها اذا تخيلتها تمغص البطن ههههه

قبل الحجز اتاكد من الوزن وغالبا يكون 30 كيلو ودايما اروح خفيف ماكثر من الملابس اخذ ملابس على قد حاجتي اما النوم في الطياره فانا اروح سهران ومن تقلع الطياره وتنفك اشارة ربط الاحزمه اسدح السيت وانام واصحى وانا فوق الجزائر

ياخي اكره الطيارات الصغيره اللي كرسيين يمين وكرسيين يسار ولا قدامك لا شاشه ولا شي ويعطونك صمونه صغيره وعصير ماتدرري انت وين وماغير تحذف يمين ويسار صارت فيني باندونسيا وانا رايح من جاكرتا لبالي طيارات
امهات مراوح اللي كنها لعبه ههههههه مأساة اذكر وراي واحد وصخ فصخ الجوتي حقه ومد رجله عندي
وريحة شرابه زفت لونه ابيض بس صاير اسود شكله مافصخه من شهر وانا التفت عليه
ولا اندونيسي معفن من قو الريحه ماعاد عرفت اهاوشه كلمتين عربي على ذس بروبلم ويور ستيوبد وهو يعتذر ويسحب رجله المصيبه هو سحب رجله الريحه جلست بالمكان ههههههههه
دايم الطيران الاقتصاد فيه خدعه ماتوقعها
دايما