الطيران الداخلي

السلام عليكم جميعا

اولا اشكركم كثير الشكر على كمية المعلومات الكافيه ، من كثر المعلومات تحمست وحجزت وحداني والحين المطار والوجهه كازا بعدين طيران داخلي صوب اكادير

طبعا اول مره اروح المغرب وحجزت طيران داخلي من كازا لاكادير ولا ادري وش وضع العصير لان لعلي تحمست وشريت لتر ونص من السوق الحره بدبي

لو احطة بشنطة الشحن من كازا لاكادير عادي او احتمال يكون فيه اشكالية ؟
وبرضو الدخان اخذت ٣ كروز هل فيه تدقيق ؟ لان عودتي دايركت من كازا للرياض وقلت اخذ مؤونه

حاليا بمطار دبي وانتضر الطياره ????

مانستغني عنكم يا مزاعيط

ادري وقت السؤال متأخر وانا بالمطار لكن لعل احد يكون موجود هالساعتين ويفيدنا

وان محد فادنا نجرب ونشوف وش الوضع معهم ونعلمكم

مافيه مشاكل بكل اللي قلته شغلك رسمي
لا تحطه بشنطة الشحن كله لتر ونص خله بيدك وبكيسته لانه يمكن ينكسر ويدممر ملابسك

انا مره ترانزيت تركيا اول مافتح الباب من الشفحه شريت ثلاث بطول وبوابتي بعيده تقطعت يدي وانا شايلهم ويوم وصلت بوابتي ولا فيه يبيعون عند بوابتي قريب انقهرررت ههههههههههه

لاهنت ياحبيبنا معلومة مفييدده لي ولغيري
و لعلي تهورت مره ثانيه وكنسلت رحلتي الداخليه وانا بالطياره الحين ، لاني تواصلت مع صوفي كار واخذت سواق من عنده يوصلني وبعدها يتوكل هو والسياره ، حصلته بسعر طيب وبوصل ابكر والسياره مريحة رنج كبيره على قولتهم (رحلة اكادير كانت بعد ٤ ساعات من اوصل كازا)

دائما اللي بيروح اغادير بالسياره حتى لو مراكش مو بالجدول مافيه مانع تخليها مفترق طرق تريح فيها يوم بعد عناء السفر وبعدها تروح اغادير

فعلا بعد عناء الرحلة لا مانع من الراحة بكازا او مراكش ولاحق على المتعة
توصل مرتاح وذهنك صافي
السفر عناء لازم من اراحة الجسم

ومعروفه المغرب تصادفك مبارايات غير مجدولة وقوية ولازم تكون جاهز بدنيا
امزح امزح مافي مباريات الا في التلفزيون


أرسلت بواسطة iPhone بإستخدام مزاعيط المغرب

هههههههههههههههه خصوصا اذا راحت اشواط اضافيه

لكن مجملا اتفق معكم واختلف بنفس الوقت و تعتمد عالشخص ، انا مسافر بزنس ف مرتاح وايضا افضل اوصل اكادير واخذ نقاهه يوم ع اني اتنقل بيومين ، وشكرا لكم

بخصوص معلومة العصير بصحح لحبيبنا النملة ، سواء طيران داخلي او خارجي اذا بتسوي اجراءات الدخول من بوردنق وتفتيش فممنوع تاخذه الطياره لان المسموح بالسوائل ١٠٠ مل فقط ولابد من شحنه جوة الشنطة سواء بطل او غيره ، في حال شريته من سوق حره او مكان بعد التفتيش فعادي

شكرا على تصحيح المعلومه يمكن التبس عندي الموضوع لاني جاي ترانزيت من تركيا لمراكش معاي ثلاثه لتر دخلت الطياره معاي عادي
بس تراه موجود بالمغرب بكارفور واصلي عليه ختم الجمارك والسعر مامن فرق كبير
الا ممكن سؤال لو تكرمت مطار دبي كم لك بطل او كم لك لتر!؟

اللي تبي ، احيانا اذا عندهم معلومة ينبهونك عند الكاشير ان الدولة الفلانيه تسمح بلتر او كرز دخان عشان ما تتورط ،

مثلا الدخان كل ما ارجع السعوديه اخذ معي ٨ كروز وعادي والحين سألتهم عن الفرنسي الابيض قال خذ اللي تبي واخذت العصير الكبير ابو لتر ونص