عوداً حميداً للمغرب

عليكم السلام ورحمة الله وبركاته
ياهلا وغلا بالحبيب ماشاء الله عليك هذه ترتيبات عريس ههههههههههه
من بدايتها واضح ان الرحله من الطراز المخملي وعلى جو عالي واخر روقان الله يهنيك ياحبيبنا

ولنفسك عليك حق حط تحتها مليون خط
والعمل لاحقين عليه اللي مايخلص اليوم يخلص بكره وماحد بيموت قبل يومه

من ناحيتي احب التقرير يكون شامل باستثناء بعض الامور تكون مشفره
والمطلوب اللي يفهمونه لناس المصحصحه اما اللي مطفيه النور عساهم مافهموا هههه

ما شاء الله تنسيق اسطوري من البداية، اتمنى لك رحلة سعيدة و متابعين بشغف

Sent from my SM-S918B using Tapatalk

[QUOTE=KDA;1225922][CENTER][SIZE="3"]الأخوة الأعزاء الكرام
السلام عليكم ورحمة الله وبركاته،،

أبتدي تقريري هذا بتقديم الشكر للجميع وأخص بالذكر (مخرفش/النمله)، حيث سيكون هذا التقرير عبارة عن تقرير شبه يومي خلال رحلتي إلى المغرب ابتداء من يوم الثلاثاء الموافق 22 أبريل وحتى 2-4 مايو 2025، سيشمل تجارب عديدة وفعاليات، وكذلك إجابة عن بعض الاستفسارات حال وجدت
نبذه بسيطة عن الرحلة وأسبابها:
صار لي 6 سنوات منقطع عن المغرب، كان فيه خطط كثيره لكن عيت الفرصة تجي وعيت الخيرة، وتهيضت الأسبوع اللي فات ومثلكم عارفين أجواء الربيع في المغرب لها طابع مختلف، بدون لا أحس بنفسي لقيتني رافع إجازة وتمت الموافقة عليها بدقائق وحجزت الطيران مباشرة، وأنا أحب الرحلة المتيسرة اللي ما يتعقد فيها شيء كل أمورها سمحه
والرحلة بتكون تجديد عهد، واستجمام وكذلك لا تخلو من الوناسة وسعة الصدر، وين ما وجهنا الهبوب رحنا معه، ما فيه مده محدده في مدينة معينه، ومثلكم عارفين المغرب كله ونيس وكل مدينه لها مزاياها وتضاريسها المختلفه وهذا اللي يحببنا فيها، وبالعربي الفصيح ماني مخلي في الخاطر شيء وش ما طلب بقوله تم وآمر ولبيه
واللحين بشاركم وش قاعد احوس وأجهز لرحلتي، وإذا عندكم إضافات أو نصائح ما أستغني منكم
الخطة اللوجستية للرحلة ومعلوماتها
• الطيران على متن الخطوط السعودية الرياض – الدار البيضاء (مباشر)
الدرجة أعمال
الإقلاع : 13:20
الوصول: 18:35
• مدة الإقامة بالمغرب 10-13 ليلة
• بداية خط السير بيكون الرباط وبعدها حسب ما يطلب الخاطر
• السكن:
الرباط شقة في بريستيجيا مكونة من 3 غرف 1800 درهم لليوم
حجزت في فندق Four Seasons الرباط أخر ليلتين في المغرب، وتم مراسلتهم لإعداد قائمة وجدول كامل للرحلة، عطيتهم كم سيناريو ووش اهتماماتي وقلت علموني وش جداولكم، وبشغلهم يسوون لي الحجوزات في اغلب الفعاليات والمطاعم وأماكن الوناسه في المغرب بشكل عام.
• المواصلات سيارة Touareg بسائق 900 درهم لليوم

إجراءات ما قبل السفر
• سويت شوبينق خفيف لتكميل بعض النواقص
• ارسال ملابس السفر للرهدن غسيل كوي وتغليف سفر (أسطوريين بالخدمة هاذي)
• حجز موعد ليلة السفر مع الحلاق
• بيتم استلام الشقة من قبل السائق صباح يوم الوصول وتجهيزها بالموائمة مع الخادمة من جميع النواقص (نظافة/ مقاضي/ و......)
• خليت اجازتي تبدأ قبل الرحلة بيومين، عشان استرخي واروح مروق
وهاذي يا طويلين العمار والسلامة التجهيزات حتى اللحظة، ومتبقي على الرحلة 33ساعة، قربت ساعة الصفر، والله يا جماعة الخير إن حيلي منهد هد صار لي فتره ما أحس بطعم أي شيء والخاطر كنه صدر طير يضيق من قطرة ماء، لكن من بديت أجهز تقول كن ما فيني إلا العافية أدبك دبك، أحيان الإرهاق يكون نفسي أكثر مما أنه جسدي، ولنفسك عليك حق، وأنا حقها عندي هاذي الرحله

عطونا أراءكم وملاحظاتكم ونصايحكم واللي في خطركم
ملاحظة:
هل ودكم التقرير يشمل كل شيء كل شيء ولا الخطوط العريضة فقط
ومرحبا ومسهلا بالجميع

هههههههههههههههه
كأنك واحد يبي يغطس في أعماق البحار ماعليك خوف
ماخذ احتياطك Triple .

واضح شي انتيك من بداية التقرير

بانتضارك

رحلة سعيدة متابعين في تقرير يومي

يا مراااااااحب
هواجيس، سعد، عبدالعزيز، يا مال

أشكر مروركم الكريم

ليلة الرحلة يعتقد البعض أنها أصعب ليله تمر عليه من لهفته وشوقه، وده تمر بسرعه ويجي موعد السفر

لكن أنا من الناس اللي يستمتع بكل لحظه فيها

جميع رحلاتي الـ 11 للمغرب كانت جميله بالرفاق اللي كانو معي وبالناس اللي واجهناهم
الحمدلله رب العالمين ما قد صار لي موقف شين واحد في المغرب من عرفتها
توفيق من الله وحسن تدبير

وان شاء الله الرحلة رقم 12 تكون أفضلهم وأجملهم أونسهم

موقف طريف حصل لي اليوم
مريت الصيدلية وكان الموظف شاب سعودي
أخذت الاشياء اللي احتاجها وسألته وش الأدوية المناسبة احتياطاً لنزلات البرد وتقلبات الأجواء

رد علي المصدوع وين رايح عشان أقدر أفيدك أكثر خصوصاً اذا الدوله ممكن تكون امكانياتها افضل او أسوء مما عندنا

جلست أتلفت يمين ويسار اتأكد احد يسمع قلت (الم...) قال ما سمعت قلت (المغرررب) قال الله يهديك بس
المفروض ما تاخذ ادوية للمرض المفروض تاخذ منشطات ههههههههههههههههه

من طقوسي في السفر ليله الرحله ما يجيني نوم ابد وقبل الرحله ب ٦ ساعات تجيني فصله النوم انشط عمري واقوم اسوي شاهي تلقيمه اخليه يطبخ نص ساعه اروق واتقهوى زين وعلى المطار

هههههههههههههه وهو صادق
على العموم ادويتنا جودتها وفعاليتها اقوى من عندهم والله لا يحوجك لها

رحله موفقه ان شاءالله
بس خلك متواجد بالمطار بدري ترا السايت واحد
فيه كل الرحلات لا تنسى الكونتر يقفل قبل الرحله
بساعه انتبه لعفشك وتأكد من جوازك وأوراقك
توصل بالسلامه ان شاءالله

بعطيك عنواني الصيدلاني هههههههههههههه

اجل بعطيك عنوان الصيدليه، ههههههههههههههه