قالوا زمان، أمثال شعبية مغربية .....

جوهره · 2011-08-04T12:14:13+00:00

* معرفة الرجال كنوز. * يلى شفتيهم دورو علينا عرف حاجتهم فينا. * اللي زرع الشوك تيحير فاحصادو. * اطلع تاكل الباكور انزل شكون قالهالك. * العمش فدار لعمى بعينيه. * الحر بالغمزة و العبد بالدبزة. * ما مور الشدة الا الفرج. * اللي تيتسحر مع الدراري كيصبح فاطر. * حاول على حميرك تحج عليه. * اللي فاتك خليه لبناتك. * الله ينجيك من المشتاق يلا فاق. * دوز على الهرهوري و لا دوز على الساكوتي. * السلطان بالتاج و كيحتاج. * اللي عضو الحنش كيخاف من الحبل. * خدم يا التاعس لناعس. * اللي كيربي ولاد الناس بحال اللي كيدق الما فالمهراز. * نوضوها تشطح دارتها بصح. * اتاي لعشية خير من بقرة مشوية. * حسابتني كرمة وفيها الكرموص سعا هي خربة و فيها الناموس. * الي ما عندو هم كتولدو لو حمارتو. * يد في الطبق و عين على من زهق. * تعلمو يا الحجاما فروس ليتاما. * بحال الي تيسعى بولدو على كتفو هو تيقول انت على الله و ولده تيقول الله يجيب. * جبنا القرع ينوسنا عرى راسو و هوسنا. * دابزو يا الفيران على خميرة الجيران. * الزواج و الموت هم لا يفوت. * المراة الحرة ما تاكل غير من يد زوجها. * الراجل بدراعو ماشي بمتاعو. * اللي حبك حبو و لقلبك زوجو و اللي جفاك جفيه و تعداه و دوزو. * تهجالت لعناية و لا زواج الدل. * خود بنت قرابة و لا تاخد بنت غرابة. * يا الطامع في الزيادة رد بالك من النقصان. * ابنادم دربو على حلقو ينسى اللي خلقو. * يلا كان خوك عسل ما تلعقوش كلو. * التربية في الصغر كالنقش على الحجر. * العصى ما كتخلي من يعصى. * ولد ولدك زوين ما تعدمشي اللي يبوسو. * لهلا يورينا فولادنا ميخلعنا. * ادعاوي بارشاوي. * عيطت على ديالي جاني عيطت على ديال الناس مشى و خلاني. * اللي كثرو همومو كثرو اعجوبو. * يلا بغيتي اتوحش صاحبك سلفو. * اللي درقك ابخيط درقو بحيط. * تيدور الزرع حتى كيدور وكيرجع لعين الرحى. * يلا امشا الزين كيبقاو حروفه ويلا امشا المال كيبقاو خروقه. * الخير كيجلس والهم كيكمش. * كيدق ويقول شكون. * كيبيعو الارض ويضحكو على من شراها. * الغربة كتلوح حتى لبلاد الشلوح. * ما يحس بالمزود غير اللي واكل بيه. * اللي دارها بيديه يفكها بسنيه. * قالو اشخصك يا لعريان قالو الخاتم يا مولاي. * ما بين اللقمة و الفم تيريد ويحكم. * الضحك كيفصخ البيع. * اللي حبك ما بنالك قصر واللي كرهك ما حفرلك قبر. * اللي تيكون اناني تيبقى وحداني. * اللي اربحتيه تاكله و الدين باش تخلصو ؟ * اللي ما جابتو المحبة ما تجيبو الحزارة. * اللحية مكترفد اللحية غير لقبر. * اليد اللي طعمتنا الحلال تيكونو ناسها قلال. * خليني نبلع ريقي حتى نعرف عدوي من صديقي. * اللي ربط حمارو مع الحمير كيتعلم الشهيق و النهيق و الخروج على الطريق. * اللسان طويل و الدرع قصير. * اش يقدك من الصلاة يا البايت بلا اعشى. * الجمل ما كيشوفش حدبتو كيشوف غير حدبت خوه. * ما ينفع غير الصحيح اما الراشي كايديه الريح. * اللهم اعمش ولا اعمى. * اللي شاف شي يقول الله يستر. * مول البنات ما يبات هاني. * ازرب تعطل. * لو كان الخير فيا ما يتزوج راجلي عليا. * كان راجلي واصبحت انعشقو. * يعيى من يعطي وما يعيى من يشد. * اللي حبابو عريانين عمرو ما يتكسى. * ملي كطيح البقرة تيقواو السكاكن. * اللي احشم فما ضرو الشيطان غرو. * لو كان الخوخ يداوي لو كان داوى راسو. * الله يجيب اللي يفهمنا ولا يعطنشاي. * هاك ابوه رجليه جابوه. * حتى يخلاق عاد نسميوه عبد الرزاق. * الله يعطينا شي نقرة فين يغبر نحاسنا. * حتى قط مكيهرب من دار العرس. * الصنعة يلا ما غنات كتستر واقيلة كتزيد فلعمر. * اشعند الميت ما يدير قدام غسالو. * شحال ما طال الليل كيصبح النهار. * جلسة احسن من وكلة. * نقا على نقا ما تيورد شقا. * الزيادة من راس لحمق. * كول بشهوتك و لبس بشهوت الناس. * قالو اشمتك قالو اعرفتك. * شد تصيب ما اتحل. * اللي احفر شي حفرة كيطيح فيها. * اللي ما لقى الخير فركانو يكون الخير فلسانو. * ما دير خير ما يطر باس. * شطارت الكوزينة كتشري مدينة . * حاسبني حساب عدوك و جلسني بلاصت خوك. * دهن شواربك بالسمن و دوز على عدوك مصبن. * اللي ماجي لعندك لا تمشي عنده. * اللي اتخدمو طيعو و اللي اترهنو بيعو. * كن اسبع و كولني. * يلا شفتيها بسعدها عرفها مكملا من عندها. * ما تشري حتى تقلب و ما تصاحب حتى تجرب. * امدح صاحبك قدام الناس و لوح صحبك الراس فالراس. * العراضة سنة و العاقل ما كيدنى. * حج و حاجة و قضيان حاجة. * يلا فاتك الكلام قول اسمعت ويلا فاتك الطعام قول اشبعت. * كل غيبة كتزيد هيبة. * عز الخيل مرابطها. * اللي تيركب لحصان كل الناس اتوسعلو لمكان. * العز والنصر والسكنة فلقصر. * الموت بالردم ولا معاشرت لخدم. * سوق النسا سوق مطيار يا الداخلو رد بالك يوريوك من الربح قنطار وياكلولك راس مالك. * ديرها فالرجال وترجاها و ديرها فالنسا و لا تنساها. * مراة المنحوس ما هية مطللقة ما هية عروس. * حالتي حالت النافخ العافية على قلبو و الطيقان فجنبو. * ملي تنحتاجك يا وجهي كيخبشوك لقطوط. * الجوع و النوع و البكا بلا دموع. * منحوس منحوس و لو على راسو فانوس * عمرو ما احبى وملي احبى طاح فلبير. * رضينا بالهم والهم ما رضا بينا درناه عند راسنا صبح عند رجلينا. * الحنة حرشة و الحناية عمشة و العروسة فيها بو تفتاف. * محيلي المكتوب وانا انتوب. * حسدو العمى على عكازو. * عاند ولا تحسد. * السفيه ما كينطق غي بلي فيه. * ودن صمة و الاخرى فيها الماء. * اللي ما شاف من عين الغربال اعمى. * غرزة زايدة فيا و هم لعرى فايت فيا. * القرع بفلوسو ارى ديك الراس نبوسو. * ادفع ما في الجيب يجيب الله ما في الغيب

ابوفجر المسطي

مزعوط نشيط

المشاركات: 77

تاريخ التسجيل: Jun 2013

2013-06-16, 10:04 AM

المشاركه #1

رد: قالوا زمان، أمثال شعبية مغربية .....

اخ محمود. لا تخليني انتحر وحق الله العظيم
اويلي ياصاحبي اي تقارب اللي تهضر عنه مع الامثال المصريه
فرق اكبيييير اكبييييير
تقبل تحياتي

__________________
ودع اليأس وسافر واغربي
واشتري الحسن بارض المغربي

faris1984

مزعوط جديد

المشاركات: 21

تاريخ التسجيل: Jul 2013

2013-07-31, 06:23 AM

المشاركه #2

رد: قالوا زمان، أمثال شعبية مغربية .....

ياريت
تفسير لمعاني الامثلة و ذكر المشهور منها ضروري

adam20013

مزعوط نشيط

المشاركات: 50

تاريخ التسجيل: Nov 2013

2013-11-16, 11:57 PM

المشاركه #3

شكرا على الامثال لكن اعتقد اني احتاج الى الترجمه

__________________

adam20013

مزعوط نشيط

المشاركات: 50

تاريخ التسجيل: Nov 2013

2013-11-17, 12:01 AM

المشاركه #4

انا فهمت هذا المثل وضحكت كثير جبنا القرع ينوسنا عرى راسو و هوسنا ههههههههههههههههههههههههه ههههههههههههههههه

__________________

نساي

مزعوط مبتدء

المشاركات: 43

تاريخ التسجيل: Jul 2013

2013-11-20, 10:11 PM

المشاركه #5

السلطان مع هيبته ينشتم في غيبته
اعجبني المثل

orjinalse

مزعوط جديد

المشاركات: 13

تاريخ التسجيل: Apr 2014

2014-04-11, 12:07 AM

المشاركه #6

مشكور على الموضوع

نهاش فتى الجبل

مزعوط نشيط

المشاركات: 143

تاريخ التسجيل: Mar 2014

2014-04-11, 12:58 AM

المشاركه #7

زمن الظلمات القاضي يحكم
والكذاب مايحشم

نهاش

JOUD

مزعوط جديد

المشاركات: 16

تاريخ التسجيل: Apr 2014

2014-04-14, 04:26 PM

المشاركه #8

اشكرك اخى على هدا الموضوع

مروان المغربي

مزعوط جديد

المشاركات: 17

تاريخ التسجيل: Mar 2015

2015-03-11, 11:45 AM

المشاركه #9

مشكورين والله يعطيكم الف عافيه والله امثلة حلوة

hanounna

مزعوط جديد

المشاركات: 13

تاريخ التسجيل: May 2015

2015-05-27, 10:36 PM

المشاركه #10

ردينا بالهم و الهم ماردى بينا

صفحة 5 من 18

الأخيرة »

« الموضوع السابق | الموضوع التالي »

الذين يشاهدون محتوى الموضوع الآن : 2 ( الأعضاء 0 والزوار 2)

الانتقال السريع

المواضيع المتشابهه للموضوع: قالوا زمان، أمثال شعبية مغربية .....
الموضوع	آخر مشاركة
حكم و أمثال مغربية شعبية	2016-12-31 05:23 AM
أمثال + جمل مغربية طريفه	2016-05-29 08:33 PM
قالوا سحارة........قالوا مكايناش الخدمه..راه يبيع الما ^^	2015-04-12 01:25 AM
أمثال شعبية مغربية مع شرح لمعانيها	2011-09-18 07:21 PM
امتال شعبية مغربية	2011-06-16 01:15 PM

الساعة الآن 09:20 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

قالوا زمان، أمثال شعبية مغربية .....

روابط سريعه