الكوزينه المغربيه و الأكلات العالمية الطبخ المغربي - مأكولات مغربيه

فقاص بلوز من كوزينتي

Nadosh

موقوف

المشاركات: 9,236

تاريخ التسجيل: Mar 2011

الدولة: بلاد الكفار

2011-08-29, 06:24 PM

المشاركه #1

فقاص بلوز من كوزينتي

كيف تيعرف الجميع الايام الاخيرة من رمضان
الاسر المغربية تتبدا تحضر حلاوي العيد
وكل واحد وشكل ونوع الى يفضل
وتنصوبو كتير اشكال احيانا يوصل حتى عشرة انواع حلويات او اكتر
على حسب مادة كل شخص
هدا غير البغرير والملوي والباقي

اليوم جبت ليكم مقادير ديال الفقاص باللوز
وطريقة تحضير دياله
كنتمنى تستافدوو

ندخلو للمعقول دبا

المقادير

ستة بيضات
جوج كيسان سكر سنيدة
جوج كيسان زيت
تقدرو ديرو شوية النافع او سمسم انا درت سمسم

جوج كيسان اللوز الى سبق لي رقدتو في الماء ليلة كاملة
خمارة حلوى
ودقيق حسب الخليط ماعبرتوش عينك ميزانك وماتخليش العجينة قاصحة:D

للتزين

صفر بيضة وشوية القهوة سريعة الذوبان :Dنسكافي

ندوزو للطريقة التحضير

في ايناء او قصعة ندير البيض + السمسم + اللوز

نخلطو الكل بيدينا ونضيفو السكر سنيدة

من بعد نضيفو الزيت

من بعد نعجنو الكل ونضيفو دقيق ونجمعوه حتى نحصلو على عجينة لينة

ونكونو منها مستطيلات على شكل باريزيانات:D

ونحطوه في طاوا الى تدخل للفرن الى سخناه من قبل

قبل ندخلوه للفرن نزينوه بالقهوة واصفر البيضة

وندخلوه يطيب واحد نص طيبة غير يشد راسوو

مني يتحمر شوية

نشدوه ونقطعوه على شكل فقيقصات:D

ونوضعوهم تاني في لاطة
وندخلوهم للفران باش يتحمرو

من بعد ماقطعناه

وبالصحة وراحة

هدا شكله النهائي

:Dانا عزيز عليا التفرتيت ديالو

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: فقاص بلوز من كوزينتي
الموضوع	آخر مشاركة
حريرة من كوزينتي	2018-02-04 04:19 AM
فقاص بالزعتر	2012-12-28 07:48 PM
فقاص حار	2012-11-03 05:13 PM
فقاص بورقة البسطيلا	2012-05-06 12:19 PM
حوت في الفران من كوزينتي	2011-08-15 05:50 PM

الساعة الآن 09:47 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

فقاص بلوز من كوزينتي

روابط سريعه