رحلتي الى مراكش 2010

Oscar · 2010-10-14T22:02:55+00:00

[SIZE="5"][CENTER][SIZE="4"][COLOR="Indigo"][B]المهم سلمكم الله عزمت في رمضان على السفر و كان معي معزز اتجهت انا و صاحبي الى شارع التخصصي مكتب الطيار و حصلت واحد فلبيني مدري كوري ما يفهم عربي المهم قمت اتفلسف انا قلت ابغى حجز على كازا قالي اوكي سير والله و يحجز لي قلت له كم سعر التذاكر قالي 1500 لكل واحد اووبز يا بلاش سعر :yess: ما احلم فيه ولا افكر اني القاه على الخطوط السعوديه قالي صاحبي خله يحجز اسماء حجزنا اسماء و اخذت الورقه على اساس اننا نرجع اليوم الثاني و نطلع التذاكر ما ابي السعر يفوتني و احنا راجعين و انا اقلي في الورقه و اقرى cai اقول يا ولد هذا رمز كازا ولا كيف المهم ما دققت شوي يقولي صاحبي ياخي كيف الاقلاع 7:30 و الوصول 9:33 :Abu Ahmed (780): حكيت راسي و سويت فاهم قلت انت وش عرفك هذا فارق التوقيت يا مفهي و بعدين يمكن بيحطونا في طياره سريعه و نختصر الوقت قال انت تقول مده الرحله 7 ساعات و هذي ما كملت حتى 4 ساعات قلت له لا تشغل بالك اهم شئ حصلنا سعر كويس و بنفس الاوقات اللي نبيها و انا ما تفرق معي لو نوصل بعد ساعه المغرب يعني زعلان عشان بنوصل بسرعه المهم تقابلنا اليوم الثاني و رحنا و دخلنا مكتب الطيار حصلت هندي اعطيته الورقه قالي روح ادفع انت و خويك 3000 الف و جيب الايصال عشان اعطيك التيكت قلت طيب ما فيه موعد رحله ثاني للرجعه من كازا الى الرياض الهندي قعد يطالع و قالي ايسس كلام انتى ابغا روح القاهيرا ولا ابغا روح المقريب قلت يا عمي ايش اللي القاهيرا انا حاجز للمغرب قال لا لا لا هزا قاهيرا و قعد يردد قاهيرا قاهيرا قلت الله ياخذك يا الفلبيني كان بتأكلني خابور موب صاحي المهم قلت خلاص شوفلي كاااز ا المقريب هههههههه قال خلاص طقطق شوي قالي موعد الاقلاع لكن العوده ما فيه فلل على موعدكم انا كنت حاط العوده 18 يعني بجلس اسبوعين يا هوه حاول يمين يسار قال ما فيه الا انتظار و عن طريق جده و من من هنا بدأت اموري تتخربط قلت شف خلاص شف اقرب حجز عوده على الرياض دايركت قالي ما فيه الا 11 اكتوبر فيه امكانيه المهم طلعت التذاكر على ان الرحله اسبوع و عندي عوده انتظار انا قلت بضمن يمكن تروح مني كلها المهم اخذت التذاكر ب 2100 و اعطاني الاوراق و هو يقولي هزا كازااا بلانكا المقرررريب ما فيه قاهيرا ويضحك قلت ايه خلاص فخمت خبيبي هههههه اخذتها و طلعنا و صاحبي يقولي اجل طياره سريعه هاه ههههههههههههه قلت ياخي وش دراني انخميت مثلك والله طلعنا و بديت اجري اتصالاتي على اساس اني بطلع كازا و بقعد فيها كل ما اتصل على صاحب شقه يقولي عامر فللل ولا مكاينش و اللي الين جا موعد الرحله المهم اتصلت على اكثر من شخص على اساس اني جاي لكازا وفي نفس الوقت اتصلت على منتجع جنه النخيل و سويت حجز فيه احتياط قلت لو ما لقيت في كازا في الشقق اللي ابيها ولا مالي قعده و قبلها اتصلت على اختي عايدة pinkygloss الله يعطيها الصحه عشان تضبطلي سيارة و اخذت سيارة من عندها موديل السنه 2010 و لونها احمر و اسمها مدري وش هههه وسميت السيارة هذيك الجنيه الحمراء بحوالي 450 درهم في اليوم من دون كريدت كارد او شئ و جت الليله قبل السفر ما قدرت انا الا بصعوبه و في الصباح الباكر توجهنا للمطار قابلت شخص عزيز علي و لي مده ما شفته كان متوجه لقطر مهمه عمل اخذتنا السوالف حتى حان موعد صعود الطائره تقريبا الساعه 12:10 توكلنا على الله واقلعنا الى معشوقتنا المغرب .. حاولت انام في الطياره .. ما قدرت كانت وراي وحده مغربيه و احنا جنب مصلى الطائره و كل ما جا واحد يصلي بعد الصلاه يقعد يتخرفن عندها وهي ثرثاره ما تسكت و مع اي واحد تدق حنك ... حتى المضيفه برضو مغربيه تقولي جابتلك صداع صح قلت اي والله وقعدت تضحك قلت جيبيلي اي شئ اسد اذاني و انام لي كم ساعه لان عارف ان وراي مشوار طويل و ابغى اريح .. يتبع ....[/B][/COLOR][/SIZE][/CENTER][/SIZE]

tkana

مزعوط نشيط

المشاركات: 69

تاريخ التسجيل: Nov 2010

الدولة: مزاعيط وبس

2010-12-22, 04:09 PM

المشاركه #15

تقرير جميل واحداثه مشوقه انا من ناحيتي كرهت شي اسمه مراكش من سالفة الدرك وسالفت التكاسي انت تقول التكسي ياخذ 200 انا مره سياره خاصه مو تكسي ياخذ على كل طير 200 القصه مو قصة فلوس بس القصه استغلال واستغفال وبالنسبه لدرقاوي ومكتب الدرقاوي انا ما انصح احد اساسا يسكن فيه السكيرتي نصابين ومضبطين مع الطيرو صارت عندنا مشكله مره بالفله والسكيورتي صم بكم بعد ما اتصلنا عليهم بعدين اي طير يدش عندك لو بس يدش من الباب ويوقف لازم ياخذ حقه اذا ما عطيته انت وسويت مشكله مكتب الدرقاوي يعطيهم هذا كلام طير شمكار روضنا واقال هالقصه اما بنسبه اما بالنسبه لدرك كأنهم نمل متنشرين حوالي المنتجع يعني المغثه فيك فيك ولا الي عندهم سيكل المتين والضعيف اسميهم الي راح اهناك اكيد يعرفهم عدل :Abu Ahmed (483): انا سكنت بكذا مكان هناك بالمري فيلاج 1 وبالمري فيلاج 3 والدرقاوي وايدن بلام طبعا الأفضل ايدين بلام بالفرش لاكن الله يعينك على الدرك بالنسبه لي او بروح مراكش افضل فه بعيده غير تابعه لمنتجع انشالله مابقى على سفرتي الا 20 يوم واسرد لكم الاخبار اما مراكش ماتوقع اني بطبها بس اذا في شي يفيد المنتدى وتبون تعرفونه عن مراكش بروح لها لجل عين تكرم الف عين واذا على المشاكل والدرك اقول ارررررررررررررررخ الدينار يرتخي كل مزيون:Abu Ahmed (483):

المواضيع المتشابهه للموضوع: رحلتي الى مراكش 2010
الموضوع	آخر مشاركة
رحلتي الى مراكش	2020-02-14 08:10 AM
السبت القادم رحلتي الى مراكش لمدة اسبوع , استفسار يازاير مراكش , ولاتخلون خويكم	2013-04-26 05:36 PM
اجواء مراكش 2010/10/11 صور + فديو	2011-12-04 10:40 AM