لا تجرب تروح المغرب ....

طفش · 2011-09-27T20:17:41+00:00

[SIZE="6"]بسم الله الرحمن الرحيم السلام عليكم ورحمة الله وبركاته كيفكم يا احلى اعضاء كلن بإسمه ان شاء الله طيبين مدري وش اقول ولا ادري وش ابدّي .... انا كنت استغرب من تعلق الزملاء في المغرب وكيف تصل المرحله للادمان ... ولا اخفيكم سر ان المغرب بلد طبخني على نار هاديه .... تبون تعرفون كيف ؟؟؟ تابعوني في هذا التقرير الغير مصور مجرد سوالف ومشاعر واحاسيس وسباحين... وعلى فكره كنت اول ما جيت اصور بس ماش ما زبطت معي السالفة وقعدت مع روحي وقلت لي يا ولدي ما خلقنا لهذا استمتع برحلتك والدنيا فانيه ... ملاحظة مهمة للغاية (( قد يكون هناك تعديل خفيف وحذف لبعض الاحداث مراعاة لخصوصية الاشخاص المتعلقه هذه الاحداث بهم )) يعني بيصير فيه حركات مونتاج ملاحظه ثانيه برضو مهمه تراني مانيب اعرف للتنسيق والزبرقه وكذا فراح تشوفون انواع الاعاقات في التنسيق فأعذروني تكفون تابعوني وفالكم طيب ان شاء الله :eyee2:[/SIZE]

طفش

مزعوط مبتدء

المشاركات: 40

تاريخ التسجيل: Aug 2011

2011-09-29, 12:51 AM

المشاركه #1

رد: لا تجرب تروح المغرب ....

اقتباس:

المشاركة الأصلية كتبت بواسطة Dammam

انا متابع يا طفش معاك وحي طلال كله متابع معاك

لا توقف الله يسعدك

يا هلا والله بأهلنا في حي طلال

وابشروا باللي يرضيكم ان شاء الله

شاكر مرورك وتعقيبك للمره الثانيه

دوك هذي لك

وهذي للدمام

وهذي لحي طلال

طفش

مزعوط مبتدء

المشاركات: 40

تاريخ التسجيل: Aug 2011

2011-09-29, 12:48 AM

المشاركه #2

رد: لا تجرب تروح المغرب ....

اقتباس:

المشاركة الأصلية كتبت بواسطة romncyboy

سجلني متابع في تقريرك

اما عنوان التقرير

قاله ونصحني الكثييييييييييييييييييييي يييييييييييير

ههههههههه

أهلا وسهلا فيك زميلنا أبو الرومنسيه

وعنوان التقرير ما جا من فراغ طال عمرك

شاكر مرورك الرائع

دوك

طفش

مزعوط مبتدء

المشاركات: 40

تاريخ التسجيل: Aug 2011

2011-09-28, 10:54 PM

المشاركه #3

رد: لا تجرب تروح المغرب ....

وقفنا عند النومه الهانيه

صحاني خويي من النوم على الساعة 7 المساء قال اصحى انا حجزت

مع الهوتيل على علي بالفلاح قوم البس واتجهز

قمت خذت لي دش ولبست وصليت وننزل في اللوبي ننتظر الباص

ويجي الباص ويشيلنا ويمر له كم هوتيل يشيل منها سياح والاغلبيه اوربيين

وصلنا لعلي بالفلاح واستقبلونا بأنغام الدفوف والزغاريد وناخذ لنا طاوله

وكانت الاجواء عائليه وحميميه بحته وجابوا لنا حريره ونقنقنا عليها

وجابوا لحمه مشويه بالفرن وندبغ فيها انا وخويي لين طق ضلعي

خبركم توني صاحي وتفطر لحم صعبه شوي فأنسدت نفسي

عقبها جابوا كسكسي والله ما ذقته خلاص بطني معاد يحتمل

خويي ماشاء الله مايكل شوماخر في الاكل ويدبغ من الكسكسي

لين طق ضلعه يوم خلص خويي من الكسكسي

جابوا لنا صحن فواكه جميل خوخ ومشمش وبردقان وبرقوق وجراوه :D

عقبها صارت الفرق الشعبيه تمر على الطاولات ويقومونك ترقص غصب

موب غصب غصب يعني شبه غصب وغصب تعطيهم قروش s:

وطولوا على ذا الحاله لين مصخت السالفه وبغيت اطرش

يوم خلصت سالفة الطراره الي على شكل رقص

بدت العروض في الساحه وكانت مثل مسرحية الفنتازيا

وفيها عروض وحركات بهلوانيه بالخيل ورقص شرقي

واستمتع الحضور وبعد ما خلصوا ولعوا نار في شي

ومكتوب بالنار مع السلامه وتقريبا كان الوقت على 12

طلعنا للباص رحنا للهوتيل وخويي رقد وانا سهرت ع النت

لين جا الصباح طلعت للوبي طفشان وجوعان وأسأل البنيّه الي في الرسبشن

ابي افطر وين اروح له وصفت لي كوفي جنب كنتاكي قليز وبسم الله

وامغط كعوبك يا شيخ طفش وخمس دقايق وانا في الكوفي

واحلى بيض وقهوه سوداء وزقاره وسيدي علي وتكيت شوي في الكوفي

همن قلت لروحي مشينا لساحة الفناء رديت على روحي قدام

وامغط رجيلاتك يبو الطفش لساحة الفناء واحلى تمشيه

والاحظ عروض ورق العنب في ساحة الفناء كثيره من الحوش الي هناك

عموما استمتعت بالجوله وجيتك راجع باتجاه الهوتيل وقبل اوصل الهوتيل

لمحت لاكوست قلت خل ادخله اشوف اسعاره نفس اسعارنا ولا تختلف

لقيتها نفسها بالضبط واشوف زارا قلت خل اخش اشوف العرض فيه كيف

لقيت الي في السعوديه افضل بمرااااااااااااااحل من الي في مراكش

العرض والخيارات في السعوديه كثيره طبعا اتكلم عن القسم الرجالي

ولا سويت مقارنات في الاسعار بحكم ان زارا اسعاره متفاوته فما تقدر تقارن

الوكاد هذا الكلام قبل الظهر بشوي وقد نال مني التعب ما نال

قلت لروحي يالله مشينا الهوتيل وأطرقت برأسي موافقاً :D

رحت الهوتيل واحلى نومه وترقبوا اخر يوم في مراكش المره الاولى في الردود القادمه

الحين اباخذ لي استراحة لترتيب افكاري والردود على الزملاء :)

سفاري

مزعوط جديد

المشاركات: 16

تاريخ التسجيل: Sep 2011

2011-09-28, 11:32 PM

المشاركه #4

رد: لا تجرب تروح المغرب ....

:Abu Ahmed (786):
سوالفك تهبل بس ذبحت امي بالفواص الاعلانية

نبض القلوب

نبض المزاعيط

المشاركات: 1,250

تاريخ التسجيل: Jun 2011

الدولة: نبض قلبها

2011-09-29, 12:24 AM

المشاركه #5

رد: لا تجرب تروح المغرب ....

سرد .. بديع

ينم عن ثقافة سارد التقرير

فالبساطة .. والاختصار المفيد

لعب هنا !!

دوراً مهما في نقل الاحداث بشكل موجز وجميل

جميل ان يتعلم الانسان كل شئ بنفسه

ولا يعتمد على الاخرين في تصريف اوضاعه

حتى يكتسب الخبرة ويتذوق طعم التجربه

واصل هذا التميز وهذا الابداع .. فأنا لك من المتابعين

كل التحايا لك اخي طفش ،،،

__________________
لا تنتظر حبيباً باعك
وانتظر ضوءاً جديداً يمكن أن يتسلل إلى نبض قلبك الحزين
فيعيد لأيامك البهجة ويعيد لقلبك نبضه الجميل
نـبـض الـقـلـوب

لايعرف الحب إلا كل من عشقا .. وليس كل من قال اني عاشقا صدقا

https://www.youtube.com/watch?v=H634...layer_embedded

طفش

مزعوط مبتدء

المشاركات: 40

تاريخ التسجيل: Aug 2011

2011-09-29, 01:07 AM

المشاركه #6

رد: لا تجرب تروح المغرب ....

اقتباس:

المشاركة الأصلية كتبت بواسطة نبض القلوب

تواجدك أبدع من سردي

وإطرائك يحملني مسؤولية أكبر في سبيل نقل تجربتي بشكل ممتع ويسر قلوب من يقرؤون

شاكر لك مرورك الرائع جدا

دوك ذي

طفش

مزعوط مبتدء

المشاركات: 40

تاريخ التسجيل: Aug 2011

2011-09-29, 12:56 AM

المشاركه #7

رد: لا تجرب تروح المغرب ....

اقتباس:

المشاركة الأصلية كتبت بواسطة سفاري

:Abu Ahmed (786):
سوالفك تهبل بس ذبحت امي بالفواص الاعلانية

أهلا بالزميل سفاري

اذا سوالفي تهبل فهذا من عين الي يقراها

والفواصل الاعلانيه لابد منها وانا اخوك لتجميع الافكار

خصوصا ان التقرير سواليف مش تقرير مصور والقصد منه اني اوسع صدوركم اكثر من مسألة الاستفاده بحكم ان الاغلبية خبراء وسبقونا في مجال السفر للمغرب

وحياك يا بعد قلبي مره اخرى

دوك

الولهان

مزعوط خبير

المشاركات: 1,682

تاريخ التسجيل: Jul 2011

2011-09-29, 01:52 AM

المشاركه #8

رد: لا تجرب تروح المغرب ....

:Abu Ahmed (469):ياحلو تقريرك وياحلو راعيه كلام موزون سرد ممتع واسلوب شيق طالبك ياخوي تكفئ لا تعلقنا بنص الطريق ولا تكمل التقرير ترا دخلنا معاك جو ولا توهقنا هههه تسلم يالغلا وتقبل تحياتي:eyee2:

طفش

مزعوط مبتدء

المشاركات: 40

تاريخ التسجيل: Aug 2011

2011-09-30, 02:27 AM

المشاركه #9

رد: لا تجرب تروح المغرب ....

اقتباس:

المشاركة الأصلية كتبت بواسطة الولهان

يا حلو مرورك ويا زين تشجيعك يا بعد قلبي وابشر بكل خير

وشاكر لك مرورك الرائع وتشجيعك الي يخلي الواحد يمحط بمخه في اقرب جدار عشان تنتثر الافكار والاحداث ويوسع صدوركم بها

دوك

ابو تولين

ادارة المنتدى

المشاركات: 2,871

تاريخ التسجيل: Jun 2010

الدولة: مراكش

2011-09-29, 02:53 AM

المشاركه #10

رد: لا تجرب تروح المغرب ....

سجلني متابع معاك يا الغالي

سرد جميل

المواضيع المتشابهه للموضوع: لا تجرب تروح المغرب ....
الموضوع	آخر مشاركة
محتار أي مدينة تروح في المغرب تعال اقولك	2023-04-26 01:25 PM
عضو تتمنى تروح معه المغرب	2021-03-09 09:25 AM
طحت مريض وين تروح باغادير	2011-09-07 09:37 PM
بسرعه لا تروح الطياره	2011-06-30 02:23 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

لا تجرب تروح المغرب ....

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)